صرخه خوف1

23

-"مبروك انت حامل"
ردت بدهشه وفرح :"انا حامل ؟"
-"اي "
-"نديم !!"
-"بس لو سمحتي ما تتعبي ونفسياتك بتأثر عليو شديد "
-"طيب "
رجعنا العربيه قالت :
-"جدي مؤيد ما عاوزة زول يعرف سمح "
جدي :"اي الامور حتتعقد اكتر خليه في الوقت المناسب نكشفو "
اتكلمت :"ولا حتى نديم "
-"ولا نديم !"
-"طيب "
-"لو كشفتو هسه نديم حيصر ارجع وانا لسه ما اتصالحت مع ابوي "
جدي :"ميرال يا بتي امك وابوك علاقتهم ما ناجحه "
-"بس جدي .."
قاطعها :"انا شايف انو كدا احسن ليو امك دي ما من النوع البينفع معاو "
-" وانا "
-"انت يا بتي ارجعي لنديم وعيشي حياتك لانو ابوك اصلا ما حيكون قاعد معاك طوالي "
-"عندي شرط "
-"شرط!"
-"اي اذا اتزوجت نديم مؤيد يجي معاي "
اتكلمت :"ميرو ماف داعي انا بقعد مع جدي "
-"طيب بس جدي انا ما عاوزة كدا "
-"انا عارف بس ماف طريقه ابوك يرجع امك"
-"طيب "
مشينا البيت قالت:
-"اقعد معاي حبه "
-"طيب "
قعدت معاهاقالت :
-"هو قال انو علاقتهم ما ناجحه يعني..انا جايه من علاقه فاشله😭"
-"ما تقولي كدا "
-"بس انا ما فيني فايدة امي وابوي ما بيحبوني اصلا اعمل شنو؟"
-"ما تبكي ماف داعي تبكي والله لانو حتى ولو ما كان الموضوع ماشي صح اتولدتي وكبرتي وانت اختي تزعلي ليي ؟ما حتستفيدي اي شي عيشي "
-"اي صح مش عمري تمنتاشر سنه حاتصرف كأي بت عمرها زي "
-"اي عييشي يا زوله "
-"شكرا يا عسل"
-"عفوا"
مسكت التلفون وفتحتو سالتها :
-"حتعملي شنو "
-"اكلم نديم طبعا واقول يجي هسه "
-"طيب "
بعد شويه قالت:
-"اووف ماف رصيد "
ومشينا شلنا تلفون جدي وضربت ليو..
رنيم :
بضرب وبجيني مغلق خليتو ومرت الايام ولسه متواصله مع ناصر وفي يوم قاعدين بنفطر نديم تتلفونو دق عاين ليو وقفلو سالم سالو :
-"منو ؟"
-"ناس الشغل "
بعد شويه دق نديم اتنهد وقال :
-"اووف منكم"
ومسك التلفون عقد حواجبينو وشالو :
-"الو !"
-"..."
-"ميرو 😃"
-"....."
-"اي اي"
شال كبايه المويه وشرب واتشرق وشكلو مخلوع بقى بكحكح وبعد شويه رفع التلفون وصرخ :
-"حامل !!"
رنا :"لا 😬 "
نديم قال :"خلاص جايك هسه "
ورمى التلفون ونفسو قايم قال :
-"ميرال حامل...بولدي انا "
سالم :"مبروك يا ولدي "
راني :"يعني حابقى عم !"
نديم :"اي...😂"
وقعد يضحك مع نفسو محمد قال :
-"نديم ...نديم هووي..ولد!!..انت نصيح"
وضحك لما عيونو دمعت وائل قال :
-"الليله زحلق !!"
نرمين :"البنقو ما بينفع☹"
اتكلم :"واااي حاموت "
راني:"وااي يا راجل "
-"بالجت وااي عدييل "
رنا :"سالم الولد جنا "
بعد شويه مشا سرعه قال :
-"يلا اتجهزوا نمشي ليها "
فعلا مشينا لبيت جدي ....
مؤيد:
اتكلمت معاو وبعدين فتحت الفيس وعموما كنا بنعمل كل شي سوا فجاه نطت قالت :
-"مؤيد "
-"شنو "
-"دي مش رنيم "
-"لأ ...دي هي "
-"الليله!!"
.....
رنيم :
وصلنا ونزلت ودخلت اول لاقتني ميرال مشيت وحضنتها قلت ليها :
-"مبرووك "
-" حبيبتي😘"
وجا وراي نديم قال :
-"مرتي😍"
-"راجلي 😍"
خلونا من الرومانسيات مشيت لراجح الكان ما مبسوط ابدا قفل الباب وراي وقال :
-"رنيم .."
-"نعم "
-"صورتك حايمه في الفيس"
-"شنو💔"
-"صورتك شوفيها ووريني دا متين "
شفتها وكانت في المول ناصر...ناصر عمل كدا مستحيل ما كان شايل تلفون دا زول تاني اكيد اتكلم:
-"رنيم...دا وين ؟"
-"مشيت المول مع بنات عمي ...معقوله يكون محمد"
-"محمد دا "
-"ما عارفه انا متلخبطه شديد وااي صورتي في الفيس دا منو الكلب الصورني "
-"ارح"
مشينا برا وانا خلاص دموعي ما قادرة احبسها راجح كلمهم محمد قال :
-"يوم مشيت معاكم "
-"اي"
-"ديل بنات عماتك !!"
سالم :"محمد "
-"ماف غيرهم يا ابوي ممكن تكون اي واحده حاقده عليها عشان كدا بهدلتها "
اتكلمت :"ما تقول حاجه في بنات عمي اذا ما دا انت اصلا "
راني :"دا انت يا محمد ؟؟"
-"لا انا ليي اعمل كدا "
نديم:"دا انت لانك الوحيد الممكن تصورها ثم انو هي مستحيل يكون زول حاقد عليها لدرجه انو يتتبعا عشان يصورها"
-"انا! انا ...راني انت معاي"
راني:"انا ما معاكم "
حمرت ليو وقلت ':
-"كويس اصلا احسن ما تكون معانا عشان ما تخرب الموضوع "
سالم :"محمد "
-"شنو؟ ما انا النشرتها ولا اصلا من الناس الزي ديل"
اتكلمت :"حيكون منو غيرك "
-"ما عارف العارفو انا اني ما صورتها "
وائل:"خلاص ممكن ما محمد ولا بنات عماتها يمكن زول تاني "
رنا:"اي ما تتهم ولدي ساي اذا ما كانت هي جاريه ورا واحد "
سالم :"رنا "
راجح :"ما تقولي كدا في اختي اذا ما هو ولدك"
محمد:"ما انا يا راجح "
انا هنا شكيت في ناصر واكيد حيكون هو لانو محمد انفعل شديد وهو نهائي ما بينفعل او هو العملها وقال لي كدا عشان انا قلت ليو ما يمشي معاي اي اكيد محمد ماف غيرو رجعنا البيت وما اتكلمت مع زول مشيت غرفتي ووقعدت ابكي جا مراد وقال:
-"رنيم ...رنيم مالك محمد شاكلك "
-"لا يا مراد زح مني"
-"رنيم "
صرخت:"زح مني انت ما بتفهم "
مشا وخلاني ضربت لناصر وكلمتو قال لي :
-"رنيم انا ما ممكن اعمل ليك كدا☹️"
-"اي عرفتك ما انت بس انا عاوزة نتلاقى"
-"بس المغرب اذن بعد "
-"ما هاميني لاقيني لو بتحبني "
-"وين؟"
-"اي مكان لاقيني في حته اقدر اتكلم معاك بس"
-"طيب "
وريتو البيت قال لي:
-"طيب بجيك بعربيه ابوي تمام😉"
-"طيب"
قفلتو وبعد شويه جاتني مكالمه من مصعب رديت:
-"هلووو"
-"رنوو كييفيك حبيبتي معليش عارف قطعت منك طويل بس مشغول شديد"
-"لا لا ما مشكله انا تعبانه الليله معليش بضرب ليك بكرة "
-"ان شاء الله 😃"
ومشيت طلعت برا وجا ركبت وقلت ليو :
-"نتكلم هنا وهسه "
-"رنيم ...معليش "
حسيت بمنديل في وشي وشهقت من الدهشه ونمت .......
راني:
كنت قاعد في غرفتي سمعت صوت الباب اتكلمت :
-"محمد...وائل "
قمت ومشيت لقيتهم قاعدين نرمين ومراد قاعدين ابوي زاتو وامي منو الطلع!....لا رنيم قلت بصراخ:
-"نرمين وين رنيم "
طلعت وقالت :"ما عارفه ...فاتت وين "
-"ما عارف انا طالع كلميهم "
طلعت برا وما لقيت ولاشي ولميت اولاد الحله يفتشوها معاي بس ما لقيناها نهائي ولا عرفنا اختفت وين اخواني طلعو وفتشوا تاني بس ماف ما لقيناها مرراد اتكلم :
-"وين رنيم "
البيت كلو بقى في حاله هيجان ابوي اتكلم :
-"فاتت وين؟"
-"طلعت براها من البيت "
-"وانت شفتها وما منعتها "
-"لا ما شفتها سمعتت زول فتح الباب وكنت قايلو واحد منكم "
جا جارنا وقال :
-"بتفتشوا في رنيم !"
-"اي "
-"شفتها كان في عربيه مظلله جات هنا وهي ركبتها انا شكيت بس قلت بكون من اهلها وكدا "
ابوي :"عربيه مظلله شفت رقمها "
-"لا"
قلت :"لأ"
وبقينا مدورين الليل كلو ما خلينا حته في الحله ما فتشناها قريب الصباح كدا جا خالي عمار قال :
-"كيف ضاعت "
اتكلمت :"ما ضاعت خطفوها "
-"كيف يعني خطفوها انتو مش قاعدين هنا😡"
-"ما تكورك فيني براها طلعت من البيت"
عاين لامي واتكلم :
-"دا كلو منك انت ولو البت دي اتربت كويس ما كان طلعت براها "
-"عمار ما تتهمني ساي"
ابوي صرخ:"دا ما وقتو البت في مصيبه"
.........
رايكم +تعليقكم+انتقادكم
صوتوا♥♥