صرخه خوف1

6

انا قفلت معاي كلمه انعل ابوك دي بس مستحيل اخوي يغلط عليهم جا راجل لينا وقال :
-"في شنو ؟"
اتكلمت :"لو سمحت اولادك ديل الفاظهم كعبه "
-"اولادي ....عاين اسمعني ما حاتكلم مع شافع امشي نادي لي ابوك "
اتكلمت :"حتتكلم معاي انا "
-"نادي لي ابوك "
-"ابوي ما عاوز يتكلم معاك "
التوم مسك كتفي وقال :
-"راجح ابوي"
قاطعتو:"ما عاوز يتكلم معاو "
طبعا ولا اشتغل بي وسأل ولدو :
-"بيتهم ؟؟"
-"هناك "
مشا ونحن وراو التوم قال لي:
-"راجح بتسوي في شنو "
-"اسكت انت "
دق الباب وامي طلعت سألها :
-"لو سمحتي اتكلم مع الوالد "
-"احم ....مع منو ؟"
-"ابو الولدين "
-"ومالم الولدين؟؟"
-"استغفر الله "
جا عمار من برا وسأل :
-"هووي حصل شنو ؟؟"
الراجل :"لو سمحتو عاوز اتكلم مع ابو الولدين ديل"
انا دموعي بقت في عيوني عمار اتكلم :
-"ابوهم ماف "
-"انجزوا عاوز اخلص انا "
-"لو سمحت في شنو حاصل"
-"شتموا اولادي "
امي فارت:"بس هم ما متعلمين يشتموا اولادك شتموهم اول مش يا راجح ومؤيد "
اتلفتنا ليها قالت :
-"هااا كلامي صح ؟؟"
اتلفتت لمؤيد هز رأسو صرخت :
-"اوعك تقول كلمه في اولادي لم اولادك عليك "
-"انا ما جاي اتكلم مع نسوان ابوهم وين كان راجل يطلع لي"
امي كانت فايرة وقالت الصدمني:
-"ديل ايتام ابوهم ميت ...ايتام فهمت النقطه دي "
-" ...."
عمار:"ريتال "
ما قدرت اقيف مكاني حسيت بكميه استحقار في الكلام دا ورجعت وجريت بعيد منهم ووقفت ورا حيطه ومسحت دموعي حسيت بيد في كتفي اتلفتت وكان مؤيد صرخت :
-"زح مني "
رجع وخلاني قعدت في الارض وبقيت برجف من التوتر والضغط جا عمار وقال :
-"راجح "
وضماني هديت شويه وقال لي :
-"تعال نرجع البيت "
-"لأ ما عاوز ارجع "
-"طيب تعال معاي"
اتمشينا شويه وانا ما عاوز اتكلم عشان دموعي ما تهرب مني قال:
-"ليي كذبت وقلت ليو ابوك ما عاوز يتكلم معاو "
-"...."
دموعي هربت فعلا قال :
-"ماف داعي يا راجح تكذب بس وريني ليي كذبت انا عاوز افهم "
مسحت دموعي وسكتت وهو بيسأل فيني وانا ما برد اتكلم :
-"راجح فورت دمي ياخ انا بتكلم معاك ما تطنشني"
سكتت بعد شويه رجعنا البيت وامي بتغلي ومعاها رنيم امي صرخت:
-"راجح !!"
انا لمن نطيت قالت :
-"ليي كذبت على الراجل هسه مآخد فكرة شينه منك والله بتبالغ العندي مكفيني يا راجح والله ما ناقصه مشاكل "
-"امي بس هم الغلطو "
-"راجح ما ممكن "
-"عاوزاني اخلي حقي "
قالت بنهره:"امشي شيلو وجيب لي الف مشكله ورا المشاكل المسويها امشي يا راجح "
-"......"
انا اتمليت فل وصرخت :
-"اخلي حقي عشان الراجل دا ابدا والله ما بيحصل ولو عاوزة مشاكل انا بجيبها "
صدمتني لما قعدت في كرسي قريب وبقت بتبكي خفت انا سألتها :
-"مالك؟ امي؟"
-"راجح ارحمني ياخ ماف زول مريحني يا ولدي الله يهديك "
-"امي معليش والله ما تبكي "
رنيم :"فالح يا راجح "
-"ما كنت عاوز ابكيها ما كنت قايلاها حتبكي"
قلبت عيونها وقالت :
-"واضح "
عمار قومها وداها لغرفتها وجانا برا قال :
-"ماما تعبانه شويه وانا حاسوي ليكم الاكل "
اتكلمت :"ما بتعرف"
-"بعرف انجض الاندومي منو معاو القروش😈"
طلع كل زول المعاو بس عاين لقروشنا وضحك وقال:
-"صدقتو انتو انا بدفع "
....
رنيم:
مشا راجح الدكان والتوأم في التلفزون ومراد اتشربك في راجح وساقو وانا مع عمار في المطبخ اتكلم :
-"رنيم امشي لامك "
-"ايوة صح "
مشيت ودقيت الباب ودخلت وقعدت جمبها في السرير سألتها :
-"امي في شنو احكي لي "
-"رنيم يا بتي عماتك قالو لي اتزوج عمك مروان "
صرخت:"لا ..ليي؟؟"
-"ما بقدر اقعد من غير راجل معاكم وماف احسن منو "
-"لا"
-"هو حيكفلكم ودا احسن خيار"
-"عمار كافلنا"
-"عمار شغل ما عندو طالب زاتو بيصرف "
-"بس امي ما ممكن "
-"بس ما قادرة والله وعلي ديون كتيرة وبعد شويه مراد حيمشي الروضه انتو ماشاء الله براكم خمسه انا ما بقدر "
-"بس ...ما تتزوجي تاني "
-"مروان عمكم وانتو عارفينو زول مقبول وابوكم وصاه بينا وهو هسه بيصرف علينا "
-"خليهو يصرف ماف داعي يتزوجك "
-"بس هو صارف على امو وابو وبعد شويه حيعرس ويبقى امو وابو واولادو وفوقو نحن "
-"امي"
كانت بتبكي قالت :
-"عارفه انا زاتي بس مضطرة "
-"💔😭"
-"ما تبكي انتي عليك الله "
-"عندي فكره "
-"اها؟؟"
-"حابيع تلفوني ويبقى عندنا القروش"
-"لا لا عارفاك كنت عاوزاه والجابو ليك مروان على شكل هديه بس هو عرفك عاوزاه "
-"لا يا امي ما حتتزوجي صح "
-"لا لا حانزل شغل "
راجح فتح الباب وقال:
-"تتزوجي منو؟"
قلت بضجر:"راجح ما تتنصت على الناس"
-"لا جيت ماري وسمعتك ماف زواج بعد ابوي وانا بشتغل في الاجازه "
-"طيب اصلا ما عاوزاه انا "
-"الحمدلله "
مشا وبعد شويه جا عمارر ومعاهو الاندومي قال :
-"ما بعرف اطبخ بس هاكم "
امي ابت تاكل اتكلم :"ريتال مالك في شنو وريني"
اتكلمت:"انا زاتي عاوزة اعرف انتي قلتي مشاكل ودي مشكله واحده"
-"عماتك بقولو اننا اكلناهم في ورثه ابوك لانها كانت قروش تقيله وانا مسكتها ليهم وهسه انتهت كيف انا ما قادره افهم متاكده في زول ورا الموضوع دا لكن هم بيقولو انا سلطت عماد عليهم "
عمار:"عماد مستحيل يشيل اكتر من حقنا هو ما زول بتاع غش زيي"
ضحكنا على كلامو قلت:
-"امي يعني هم قالو شلتي من الورثه زياده...اوريك حاجه ما تتزوجي مروان "
عمار وشو قلب وكشر وكورك :
-"مروان منو؟؟دا شنو البتقولي فيو دا؟"
امي ردت:"اهدأ كانت فكرة اقترحوها علي"
-"ما بتعرسيهو وانا حي ولو عرستيهو حيتمكنوا فيك وقروش اولادك العندك دي بسفوها اتلمي على نفسك احسن ليك وان عاوزة ابو لاولادك انا بكون ليهم ابو بس ما تدخلي لينا زول من برا "
وقام بضجر ومشا قالت :
-"الحمدلله عندي المتخلف دا في البيت "
اكلنا وجيت انوم فتحت تلفوني لقيت رساله في الواتس من رقم غريب الرساله كانت :"السلام عليكم.. مشتاقين يا رنيم " قلت اكيد واحده من صحباتي رسلت "وعليكم السلام ..معاي منو" جاني الرد في نفس الوقت "ناصر😌" رسلت"ناصر منو"رسل "معقوله ياخ انا ما عرفتيني"رسلت:"معليش ما بتكلم مع اولاد " وعملت ليو بلوك في وشو😌 وختيتو في الشاحن ونمت بالصباح فتحت التلفون قريت المحادثه وقلت :"اكيد واحده من صحباتي بتتهابل " رفعت البلوك جاتني رساله :"رنيم "
-"نعم "
-"صحيتي انا راجيك من بدري........ممكن نكون اصحاب 😇"
-"اصحاب؟؟"
-"ايوة بس من غير لفلفه وكلام فارغ تعامليني زي صاحب بس "
-"تمام "
-"عاوز اتعرف عليك وعشان ما تقولي عاوز حاجه منك انا بقول ليك اول....انا ناصر عمري 14 ماشي تانيه ثانوي ما عندي اخوان عشان كدا بحاول اعمل صداقات في التلفون "
-"طيب انا رنيم عمري 13 ماشه اولى ثانوي وعندي اربعه اخوان اولاد"
-"الله عيلتكم كبيرة😭"
-"ايوة "
نادتني امي :"رنيم قومي نضفي الغرفه "
رسلت ليو:"معليش بس امي بتناديني انضف ماشه "
-"يااه انت صغيرة على النضافه "
-"....سلام"
-"سلام لما تجي رسلي لي"
قمت ومشيت انضف...
             رايكم +تعليقكم+انتقادكم
                   صوتوا♥♥
              زعلتيني يا رنيم 😭