صرخه خوف1

الخاتمه 27

ضحكت وكان معاهم راني وراي الكان واقف وراي سالم كان ماشي اتلفتت وهمست:
-"نرمين ما مصدقه انك كلب وريها احسن ليك "
-"طيب!"
-"حتوريها😃"
-"اي بشرط !"
-"شنو"
ميل علي وهمس:"سامحيني "
-"شنو ما سمعتك !"
-"سامحيني وانسي الحصل ونكون اخوان تمام "
-"طيب جيب لي اسكريم شكولاته العلبه الكبيره وختو في التلاجه واكتب عليو اسمي ومن 41"
-"انعل!! ...طيب سماح "
-"سماح😃"
وبعد ماا اتكلم مع نرمين جات وقالت :
-"وااي يا رنيم معليش راني طلع كلب"
البت دي متقلبه بشكل صرخت:
-"راااني ما عافيه ليك "
اتكلم :"خلاص بجيب ليك علبه اسكريم كبيرة معاها"
-"طيب يا زول امشي هسه"
-"مشيت مشيت"
ومشا نرمين قالت:
-"ماشا وجايه "
ضربت لعمار وقلت:
-"خلي الجيه صلحت الامور معاهم "
-"شطورة "
-"يلا اقطع وشك "
-"عان دي !"
-"سلام "
وقفلتو ومشينا كلمنا ميرال طبعا هي بقت تالتتنا اكبر مننا بسنه بس ونديم اصلا قال لينا نصاحبا ونونسا وكدا كانت لما تتوحم بتتوحم بس من نديم اول مما يجي خاشي بتستفرغ نديم طردناو من البيت كانت خالتي قاعده معانا عصريه اليوم داك سالتها:
-"دايرين نسوي كيكه "
-"الليله"
-"اي عشان وائل ما يأكل "
-"بس عليكم يا بنات دايرين تزعلوا لي ولدي "
ميرال:"انا نفسي في كيكه شكولاته ما تتكلمو عن الاكل ياخ "
نرمين:"يااي معناها حتسويها😃"
رنا:"طيب بس ما تلخبطو الحته "
مشينا وخلطنا وسويناها واكلنا اكل وتاني يوم الصباح جا عمار قال حيبيت معانا طبعا ولا صدقت جبتو وقعدتو ومعاي نرمين سالتو :
-"اها الراجل داك حصل ليو شنو "
-"ياتو!"
نرمين:"الخطفها"
قال (بكذب):"سجنوهو"
-"وناصر"
-"افرجو عنو "
-"طيييب "
-"ومصعب اتقبل الموضوع"
-"اي اي ما زعل اصلا "
-"كويس ووائل"
-"كان بيبكي وقال الدوا حار"
-"ومحمد"
-"ابوك اعتذر ليهو "
-"اي "
....بمناسبه التساؤل الكائن بخصوص ناصر وجريمه القتل ..بلسان القاتل:
كنلا قاعدين انا وابوي قال لي:
-"حتعمل شنوو"
-"ولا شئ"
-"ما مفكر تهرب "
-"لا "
-"ناصر اطللع من الخرطوم وامشي اقرا الجامعه في حته تانيه اسرع اهرب من هنا احسن ليك "
ضحكت وقلت:"عاوز اقتلك بس "
-"ليي!"
-"عشان العملتو زمان "
-"انا عملت شنو "
-"كتلت امي يا كلب "
-"امك كان قدرها اليوم داكك حتى لو ما كتلتها"
-"/لكن نفسك خولتك تكتلها "
-"ناصر الفات مات "
-"طيب خطتك شنو "
-"اعمل عيان وبعدين في مشارط في المستشفى اكيد اطعن الدكتور واهرب "
-"سمح بقول ليهم عاوز اشوف ابوي "
-"طيب"
وفعلا نفذناها بس انا كنت بنفذ الخطه الفي راسي انا ما خطتو"
وفعلا جابو لي ابوي قلت ليهم يخلونا برانا وطلعو وانا مسكت المشرط ابتسمت وقلت :
-"الخطه ماشه صح "
مشا على الشباك وفتحو وانا غدرتو بورا كانت لحظه رغبه جنونيه وغزيت المشرط في ظهر رقبتو وطلعتو وبقيت بطعنو لما حسيت نفسي شبعت ومليت الفراغ الفيني انتقمت لامي ودا كافي لاني اموت سمعو صرختو وجو وقبضوني ما قاومت اي شئ بعد ما كتلت ابوي حسيت شمعتي طفت شمعه الضمير دا ابوي ولو عمل فيني شين بس هو ابوي وما فارق معاي انا الزمان كنت ما قايل روحي حأذي زول بس خطفت بت قتلت زول وما اي زول ابوي نفسو...
رنيم :
مرت الايام ومحمد نسى الموضوع وسامحني والباقين بقو معامليني كاخت البيت بقى حلو شديد وميرال جابت ولد سموهو سالم على جدو وعمار اتزوج بس كنت اتاقلمت عليهم وما عاوزه اكتر من كدا وعشت هنا اما راجح لسه في تحقيقاتو بس كان مطمن لانو جدي ما حيخذلنا لانو كان بيحب ابوي شديد وحتى موضوع القروش ما مهم لانو عموما ما بيقصروا معانا محسن اتعود عل حياتو شديد اما عمي مروان ما رجع لمرتو ومؤيد مشا لمحسن طبعا كونهم يتلموا سوا بيكفي عمار قال لينا زوجتوني ساي بس مرتاح لانكم مرتاحين كانت حياه حلوة شديد وكنت بتلمى طوالي مع اخواني وميرال صالحت ابوها واخيرا ومراد ياهو مراد ماف زول شغال بيو عايش على حنانو😂 والحياه مستمرة على حالها.....
النهايه
وائل:"انا ليي ما ذكرتيني في النهايه مع العلم انك مرتي ...الليله خايناني"
راني:"ي كلب"
وائل:"مع السلامه قبل ما ادقى💔😃
مارايكم في:
القصه
طريقه السرد ؟
الشخصيات ؟
انا الراويه؟
نهايتها ؟
اعمل جزو تاني ؟
حب لكل من دعمني 😍😘