صرخه خوف1

3

ريتال :
رجعنا البيت وكل زول اخد سريرو خشيت المطبخ سويت العشا لاولادي وقعدنا نآكل وماف زول قال كلمه وبعدين مشا كل زول لسريرو كانوا بالجت زعلانين عشان ابوهم زعل رسمي💔 قلت انوم جمبهم لانو رنا حتقعد في بيتها وعمار في الصاله بره وقعدت افكر لما نمت صحيت بصوت انين قمت سرعه وكان محسن عندو حمى شديدة خوفني عليو عملت ليو كمادات بعدين نام راجع وانا نمت صحيت الصباح وهو بكح صحيتهم للمدرسه سريع سريع اتجهزوا وطلعوا وانا مشيت جهزت الاكل سرعه وجهزتهم كلهم وطلعو الا مؤيد بعد ما لبستو قال :
-"امشي براي"
-"محسن عيان "
-"ومنو الحيقعد معاو "
-"انا بقعد "
-"لكن ....طييب "
ومشوا مشيت لمحسن والحمى نار بس لما جا عمار راجع سقتو الفحص طوالي طلع عندو تايفويد قطع قلبي والعلاج تقيل تقل وساعه بحنس فيو يآكل اكل وبعد الاكل مشا استفرغوا قبل ما ارجع الصحن الاكل منو حالتو بقت خطيرة وبقى ما قادر يقوم من السرير وبقت عمار جا شافو وقال :
-"الود دا بيموت اخير نرجعو المستشفى "
-"اصبر للعصر ان ما بقى كويس نرجعو "
وسويت ليو عصير شربو بقى عايش على العصير والزبادي ما بياكل شي تاني بس الحمدلله بعد اكل نام جا مؤيد راجع وعاين لمحسن كنت مراقباهو من بعيد خت يدو في جبهه اخوه واصلا كنت خاته مويه باردة والقطعه في راسو رفعها وختاها في وشو وابتسم وبعدين جا طالع وقال لي:
-"ماما محسن حيبقى كويس 😌"
-"متأكد"
-"ميه في الميه لاني عالجتو "
-"وكيف😂"
-"شوفيو نايم كويس "
-"انت شاطر "
-"شفتي يا ماما قلت ليك "
-"😂😂"
وجا راجح وبعديو رنيم المصرة انها تهتم بمحسن وانا ارتاح قريتهم وراجعنا كويس عمار جا من برا واتفقدنا قال :
-"راجح بعد ما تخلص تعال نلعب"
-"اكيد يا عمار"
-"انا خالك يا قليل ادب "
-"عمار عمار 😝"
-" بوريك يا شين😣"
-"شين براك مش يا ماما "
قلت:"اكيد خالك دا شين وانت حلو زي ماماتك "
عمار:"بكلم ليك امي انا زاتي عندي ام"
-"ما عندك يا كضاب"
-"اسكت يااا"
ومشا وراجح بيكاوي فيو وهو بيتزاعل بعد انتهو من القرايه زي بعد المغرب كدا جاني راجح :
-"ماما !!"
-"اها"
-"حنمشي الليله لابوي صح"
-"لكن محسن تعبان ما بقدر"
-"انت قلتي حنمشي "
-"اي بس ما كنت قايله محسن حيمرض"
-"بس انت قلتي كدا انا ماشي لابوي "
-"يا راجح عليك الله ارحم امك الفي بالي ماشويه "
-"لكن انت قلتي حنمشي ليو "
غضبت وصرخت :
-"ياخ اخوك عيان ما ممكن نمشي الليله وابوك جاي بكره ماف طلعه من البيت لبكره فاهم "
سكت ومشا عرفت اني غلطت اكيد نفسياتو مهدومه ابوهو في المستشفى والمواضيع جايطه في راسو رأسي لفا ووقفت فجأه اتسندت على الحيطه شلت الطماطم اللكنت بقطعها وقعدت في الكرسي اقطع جاني عمار سألتو:
-"خير؟؟"
-"ما كان تكوركي في راجح حرام عليك "
-"عمار اختاني عليك الله"
-"ما ممكن تكوركي فيو ابوهو في المستشفى وفقد رجلو ومحسن عيان وهو مستني من الصباح الوقت دا عشان يلاقي ابوهو ما تحرميهو منو ياخ دا ابوهم انت عارفه الابو دا مكانتو شنو ؟؟"
-"حاجه ما عارفها ما تتكلم فيها "
بلع ريقو ومشا هسه كمان جرحت عمار هو اصغر واحد ولما ولدهو ابوي كان اتوفى وكنا زمان بنشاكلو لما يتكلم عن الابو لانو ما كان في يوم عندو ابو زعلت على العملتو فيو المسكين لكن كلامو صح مشيت ناديت راجح ما جاني عامل زعلان ناديت رنيم عشان تقش الحوش جات قلت ليها :
-"امشي قشي الحوش "
بقت في عيونها صدمه وقالت :
-"ما حنمشي لابوي 💔 "
-"لا ما الليله "
-"لكن قال لينا تعالو حيكون زهجان براو "
-"امشي وما تجادليني مشو وانا مزاجي اتعكر زياده بعد شويه جا مؤيد ياااخ ديل مالم معاي قال لي :
-"ماما متين حنمشي لابوي "
-"ما هسه "
-"بعد شويه "
-"ما ماشين "
-"ليي؟💔 "
-"اخوك عيان "
-"بس ابوي قال لينا بستناكم "
-"طيب امشي "
مشا زعلان تلفوني ضرب وكان ماهر رديت :
-"الو"
-"وينكم انا راجيكم هنا "
-"محسن عندو تايفويد ما بنقدر نجي "
-"جيبهم وتعالي"
-"قلت ليك ما بنقدر "
-"نفسياتهم حتهبط جيبيهم "
-"ما بجيبهم قلت ليك مفروض يتعلمو انو رايهم ما حيتفرض علي انا امهم "
-"بس انا قلت ليهم راجيكم تجوني  بكرة وهم حيكونوا عاوزين يجو وانا زهجان 😭"
-"ماهر جمال احترم نفسك "
-"ياخ انت ام بوين خليهم يجوا مع عمار اصلا عاطل ساي وانت لو ما عاوزة تجي ما مشكله والله "
عرفتو زعل قلت :
-"خلاص تمام بنجي "
-"كويس 😍"
وقفت اي شي في يدي ومشيت لقيت محسن اتحسن كتير وراجح في سريرو مقبل على الحيطه ورنيم بتقش في الحوش بدموعها ياخ عليكم الله انا ان غبت اسبوع ما بفقدوني ابوهم يوم ما عدا اتكلمت :
-"راجح قوم غير هدومك طالعين "
من غير ما يتلفت:"ما طالع معاكم بطلع مع ابوي لما يجي البيت"
-"ارح ماشين ليو"
-"بالجت "
نطا وطلع بيكورك :
-"رنيم رنيم ماشين لابوي "
قعدت تنطط وتصفق ومؤيد قال لي:
-"ما تكذبي تاني يا كذابه"
نهرتو:"يا ولد !!"
-"خلاص والله"
ومحسن مشا ورا مؤيد مشيت لعمار وقلت:
-"قوم وصلنا لماهر"
-"ما قلتي ما ماشه 😌"
-"ياخ بطل هباله دا ابوهم كيف ما يفقدوا"
-"ايواااا عارف انا وقلت لكن ماف زول بشتغل بكلامي"
-"عمار"
-"خلاص ماشين "
مشينا وفرحوا شديد محسن اتلصق في ابوهو وديل مندمجين شديد معاو لقيتو غير هدوم المستشفى وخاتي شنطتو جمبو استغربت بس قلت اكيد حيكون قرف من هدوم المستشفى زي ما عادتو بعد سلموا عليو قال لينا :
-"خلاص انتهت الزياره "
رنيم :"هاااا؟؟"
راجح :"ليي؟؟"
مؤيد :"ابوي!!"
محسن:"هوووي!!"
-"مالكم فعلا الزيارة انتهت يلا قومو وقوموني معاكم"
رنيم :"حترجع معانا "
قال بطريقه طفولييه :"هيي انا ما كلمتكم "
رنيم رجعت تتنطنط تاني وديل بصرخوا الدكتور جا خاشي من برا وقال:
-"لو سمحتو 😡"
راجح :"ما بنسمح ابونا راجع معانا البيت"
الدكتور باستدراك :"بتصرخو عشان ابوكم"
-"اي"
ابتسم وقال :
-"حمدلله على السلامه كوركو زي ما عاوزين "
انا قلبي فرح بقدر ما زعل لما قالو لي عمل حادث قلت ليو:
-"عشان كدا كنت مصر نجيك"
-"اكيد ما بقدر ابعد منكم اكتر😍"
وطلعنا ورجعنا العربيه وفي الطريق راجح قال ليو:
-"ابوي لما عندك ررجل معناها بقيت من القراصنه صح "
-"ممكن "
-"يااااااي ابوي القرصان قول آرررغ "
قعد يضحك 😂😂
مؤيد اتكلم :"صح راجح متذكر داك الفي التلفزيون"
-"ايوة ابوي حتشتري سفينه بطير"
-"هااا؟؟"
رنيم ماسكه في يد ابوها تقول خايفه يضيع منها عمار اتكلم :
-"اها كيف ي ابو العيال "
-"الحمدلله لكن ما بقو عيالك بعد دا "
-"هووي لم عيالك عليك شغالين شغب ساي وكلو فوق راسي انا المسكين "
-"اتنقل اسكن معانا "
-"شنو "
-"اقعد معانا لانو عارف وضعي وما بقدر اخلي ريتال تطلع السوق وغيرو "
-"طيب اصلا هنا احسن لي"
ريتال :"ياااا عمار انت عسل "
-"بس لما اعرس ما عندي فيكم غرض"
ماهر بابتسامه :"يا بتاع المصالح بعد ما تعرس راجح ببقى راجل تاتي يجيب هو "
راجح :"انا هسه راجل عمري سبعين "
ضحكنا عليو وهسه قلبي اطمن شديد ........
             رايكم +تعليقكم+انتقادكم
                   صوتوا♥♥
مهما تلف بيك الحياه بتلقى اهلك سندك وجمبك اتمسك بيهم 😍