صرخه خوف1

22

كان ماشي بتردد خطوة خطوة براحه واتمشينا في المول وكان شكلو متوتر سالتو :
-"انت مالك؟"
-"ما مصدق لهسه "
-"اها "
قال :"تعالي "
-"وين"
-"تعالي نقعد بس "
قعدنا وهو بهز رجلو بتوتر وبيتلفتت اتكلمت :
-"ناصر متاكد انك كويس"
-"اي كويس بس يا رنيم ..."
-"شنو ؟؟"
-"رنيم احكي لي حصل لي شنو بعد ما اتوفت امك "
حكيت ليو كل شئ بالتفصيل قال :
-"يا حليلك "
-"انت ما حكيت لي عن نفسك قلت انك الوحيد عند امك وابوك"
-"اي بس ... 😢"
-"بس ؟"
-"رنيم امشي يا رنيم اذا اتلاقينا تاني انا خايف يعملوا ليك حاجه "
-"اهلي ما تخاف ما عارفين "
-"ما اهلك ..بس انسي امشي "
-"طيب مع السلامه نتلاقى "
-"اي"
ناصر:
اووف مشت كويس انهم ما عملو حاجه وصلت قال لي:
-"كويس شلت الدايرو "
-"شنو !"
-"ما يخصك الخطوة الاولى تمت "
-"....."
اضطريت اتراجع من غير كلمه.....
رنيم:
مشينا لمحمد وانا ماشه معاو وهم ورانا قال لي:
-"رنيم الاولاد ما كويسين ما تباريهم بيعملوا فيك مصيبه تجننك "
-"عفوا"
-"انت لو اختي دي نصيحتي ليك احفظيها كويس"
ومشا رجعنا البيت سرعه ورقدت نمت صحيت الصباح راجح ضرب لي قال لي :
-"رنيم تعالي سرعه"
-"طيب "
-"جاي مع مصعب ماري ببيتكم "
-"طيب "
طلعت بعد الفطور ومشيت لراجح قال :
-"جدي قال حيورني عن المزرعه "
-"طيب "
بعد شويه جدي جا سالتو :
-"في شنو؟"
-"الموضوع سابق لاوانو بس المزرعه خلوها معاي لما نسير الامور شويه البيت جايط شديد تمام "
-"تمام!"
راجح :"انا عاوز اعرف "
-"بتعرف في وقتو يا راجح "
-"هسه خليتني اجيب رنيم ساي"
-"اي يا زول داير تقطع لي نومتي "
كنت نعسانه جدي قال لي:
-"امشي مع مصعب يرجعك "
مصعب دا ود عمتي ساريا ركبت معاو حرك العربيه وقبل ما نصل وقف في رصيف وقال :
-"رنيم 😳"
-"نعم "
-"كلموك؟؟"
-"بشنو "
-"انا ..."
-"شنو؟؟"
-"ما تصبري انتي مستعجله مالك ؟"
-"اها "
-"رنيم انا عاوزك مرتي "
-"نعم ؟؟"
-"كلمت خالتك وراجلا وكلمت جدي ووافقو "
-"..."
اخدنا لحظه صمت بعدين قال:
-"كنت قايل خالتك كلمتك"
-"لا ماف زول كلمني "
-"طيب هسه انا كلمتك يا رنيم انا داير رايك "
-"دا ما وقتو😠😳"
-"رنيم عاين في عيوني دايراني ولا لأ "
-"عاوزة افكر "
-"طيب عندك يومين 😉"
-"طيب😳"
-"رنيم انا دايرك والله من قلبي وان وافقتي ما بتقصري بس على راحتك يا زوله تمام "
-"تمام"
وصلت البيت وما كان في جديد الا راني النظرات الحاقده كترت الايامات دي نديم لهسه ما وطلع من الغرفه دييك وكنا قاعدين في البيت الايامات دي الا في يوم كان في بكا من اهلنا البعدين المهم طلعو رنا وسالم وبقينا نحن مراد طلع يلعب مع اصحابو ونحن بناكل في الغداء وائل قام اتكلم :
-"راني طالع مع حبيبتي سمح "
-"امشي بس ما مسئوليتي "
نرمين :"اتلمى من بنات الناس يا وائل "
-"ياخ انت مالك ؟"
وطلع سرعه محمد قام وطلع وراو نرمين قالت:
-"راني نديم كيف"
-"حاسي بيو بيحاول يتقبل الموضوع حبه حبه "
-"كويس "
كملت اكل ومشيت غسلت يديني راني جا وقال :
-"سوي لي شاي "
-"....اسوي ليك شاي؟؟"
-"ما بتعرفي "
-"بتشرب كيف"
-"خفيف من غير سكر"
-"طيب "
وختيت المويه في النار جا وقال لي:
-"رنيم "
-"نعم "
-"ما توافقي على مصعب "
-"ليي؟؟"
-"لانك حقتي انا ومرتي اناا فاهمه "
-" نعم😳"
الليله مالم اي واحد مرتي مرتي اتكلمت :
-"لا هو لا انت "
-"معناه انا مش اوعك تقبلي انا دايرك مما جيتي البيت دا ومصيرك معاي "
-"منو ااقال ليك يا راني "
-"لانو دا المفروض يحصل وقسمتك معاي فاهمه يا رنيم ان وافقتي ما اظن يحصل خير"
-"كدا مش كويس"
مسكت تلفوني وضربت لمصعب رد:
-"رنيم اها قررتي"
-"اي موافقه حبيبي بس العرس بعد الجامعه"
وقفلت وانا بعاين لراني اتكلمت :
-"عاجبك مش "
-"رنيم "
-"اها انت مش عاوزني تعال شوفني بعد كدا سوي شاييك براك "
ومشيت اتكلم :"اتحملي البجيك بعد دا "
-"اصلا حاتحملو يلا جاو "
كنت قاصده احرق ليو دمو لما مشيت غرفتي وفكرت في القلتو اتخلعت اني ضربت ووافقت لمصعب واااي قلبت السما ارض عشان اغيظ راني بس من ناحيه تانيه يستحق الكلب ضحكت مع نفسي لما عيوني دمعت يستاهل يعني هو دايرني يقعد يسوي كدا "
الباب دق قلت :
-"منو ؟"
رد بصوت مبحوح :"نديم!"
-"طيب دقيقه "
لبست عبايتي وطرحتي وفتحت ليو قال:
-"عاوز اتكلم معاك "
وجات نرمين وقعدنا كان عيونو حمراء من النوم بقى خمول وكسول بشكل قال :
-"رنيم كيف ميرال؟"
-"ما شفتها بس بجيب ليك خبرها "
-"طيب عمك حيرجع مرتو "
-"ما اظن لانو مشاكلهم دي جرت شديد ودي زاتا الطلقه التانيه او التالته "
-"التالته ..."
نرمين :"لا سمعت عمتك بتقول التانيه "
-"اي طيب ما تنسي اسألي لي عنها ضروري "
-"طيب😶كيفك انت ؟"
-"انا بموت ياخ "
-"اصبر بس "
-"طيب "
رجعت غرفتي عشان اضرب ليها .....
مؤيد:
بعد ما مرة عمي طلعت من البيت جات ميرو سألتها بخلعه :
-"ليه جيتي ووين نديم "
اتجاوزتني ودخلت غرفتها جا عمي مروان عاينت ليو بغضب اتكلمت :
-"لييه عملت فيها كدا لو انت عاوز تنفصل عن مرتك ما كان تختها ضحيه ونديم زاتو شكلو مشارك كلكم تافهيين "
حنيت عليها لما دمعت قال لي:
-"انا ما عندي دخل "
قلت وانا شويه وابكي :
-"لييه عملت فيها كدا هي ما لعبه "
دموعي نزلت وصرخت :
-"حرام عليك هي ذنبها شنو لو انت شايف انك ما قادر تعمل علاقه ناجحه هي بتقدر وهي بتكفي بس انت مصر تخرب حياتهاا زي ما خربت حياتك سوت ليك شنو ؟؟؟ اتكلم!! اذنبت بشنو اختي عشان تسوي فيها كدا حرام عليك وحقها حيتجز منك "
ومشيت لغرفتها وقفلت الباب كانت بتبكي مشيت وضميتها وهدت شويه قلت ليها :
-"لو نديم ما عاوزك بتلقي احسن منو"
-"نديم ما عمل حاجه هو كمان كان ضحيه دا كلو منها هي وابوي "
-"خلاص لو عاوزين كدا ما تديهم الدايرينو امشي لنديم وعيشي حياتك وما تشتغلي بيهم "
-"ما بقدر يا مؤيد "
وقعدت تبكي مروان جا خاشي وقال :
-"ميرال بتي .."
قاطعتو :"ما بتك ولا بعرفك شايفني رخيصه للدرجه دي يا ابوي "
-"لا اسمعيني"
-"ما بسمع اطلع برا "
قرب منها وقال :
-"عليك الله اسمعيني "
-"ابيت ابيت ابيت "
وبقت بتكورك غضب منها وسكتها بيدو وقال :
-"لو بتعرفيني داير مصلحتك كان سمعتيني "
ضربتو في عينو وقالت :
-"اطلع ما عاوزة اقعد معاك امشي مني يا كريه "
عاين لي وقال :
-"انتو الاتنين ما بتفهموا "
-"الموضوع واضح وضوح الشمس وما محتاج شرح"
مروان :"امك السبب ما انا "
-"انت بس السبب اطلع "
وبقت بتصرخ اطلع لما طلع وقعدت تبكي وانا بهديها قعدنا زي اسبوعين وهي قافله تلفونها وهي كانت حالتها صعبه مرضت وما عاوزة تمشي الدكتور اربعه وعشرين ساعه بتستفرغ وعندها حمى عمي في النهايه ودانا لبيت جدي قعدنا هناك انا مع راجح طبها حكيت ليو وفهمتو القصه وهو وقف معانا تاني يوم الصباح جدي قال ليها تمشي تشوف مرضانه بشنو؟ ردت:
-"بمشي بس مع مؤيد"
مشيت معاها وصلنا الدكتور وفحصت كل الفحوصات في النهايه الدكتور قال ليها :
-"انت متزوجه "
-"لا "
قلت :"كانت متزوجه قبل تلاته اسابيع تقريبا "
-"قعدت مع راجلك كم"
-"اسبوع "
-"تمام مبروك انت حامل "
-"......
رايكم +تعليقكم+انتقادكم
صوتوا♥♥