صرخه خوف1

2

بعد ما الاولاد مشو والتوام قالت ماشه تشوفو وسالم قال لي لسه في العمليه😟ياربي اتصرف كيف قلت ليها :
-"ريتال خلاص اقعدي ونمشي سوا بعدين ونسوق معانا رنيم شكلها زعلانه "
-"طيب "
بعد رجعو الاولاد ونامو سقنا رنيم ومشينا وخلينا معاهم عمار اخوي ومشينا انا وهي ورنيم وكانت العمليه انتهت وفاق منها وصلنا وسلمنا عليو وبعدين طلعت ومعاي رنيم وخليناها تتكلم معاو ....
ريتال:
قعدت جمبو وقلت :
-"كيف حصل ليك كدا "
-"قضاء وقدر بس الحمدلله "
-"خفت عليك شديد "
وقعدت ابكي وقلت :"حرام عليك يا ماهر تخليني كدا"
-"هييي قولي بسم الله يادوب تم يوم  "
-"قلت للاولاد انك مسافر "
-"ايواا بس انا عاوزك توريهم وتجوني كلكم بعد المغرب وتقعدوا للعشا تمام "
-"ليي حاسي بانك ما كويس😭"
-"لا لا بس اشتقتت ليهم بالذات راجح جيبيو لي هو والتوأم وبتي ماشاءالله كبرت وبقت فاهمه حبيبتي ناديها لي اتكلم معاها "
ناديتها وجات ضماها وقال ليها :
-"بتي كيفيك الليله كيف المدرسه من غير بابا "
-"ما حلوة ارجع معانا "
-"مالو عمار شاكلكم عشان ادقو ليكم "
-"لا لا بس ما بيعرف الدرب أخرنا "
-"طييب انا الليله الدكتور منعني اطلع بجي بعد بكره البيت تمام "
-"كويس"
-"بس دايركم تجوني الليله بعدين وتقعدوا معاي وبكره عشان بشتاق ليكم "
وبستها عاينت لي طويل وقالت :
-"ارجع معانا البيت عليك الله "
-"انت عارفه وفاهمه اني ما بقدر "
-"لكن ....بتجي بعد بكره البيت "
-"طيب "
-"وعد "
-"اي "
-"طيبب حامشي هسه اقرا سرعه واجيك "
-"يلا يا حلوة "
ومشت سرعه وقالت :
-"تعالي "
قلت:"اي جايه وراك ما بتأخر "
مشت وانا عاينت ليو وسألتو :
-"عندك شنو بالضبط وريني "
ابتسم بهدوء وقال :
-"فقدت رجلي "
لو وقعت فيني صاعقه ما كان فيني دهشه زي دي سألتو :
-"وحتشتغل كيف؟"
-"حاشتغل في البيت تاني"
شفت رجلو وكانت اتبترت فعلا قلت ليو:
-"وبالجت حتجي بعد بكرة "
-"اي "
-"طيب حمدلله على السلامه "
وقعدت ابكي حضنني وقال :
-"لا ما تبكي رجلي ما بتساوي شي من غلاوتكم "
-"لا والله دموع فرح خفت افقدك "
-"الحمدلله ما حصلت حاجه اسوا مش يلا اتفائلي"
فرحت بسبب كلماتو وطلعت رجعت سرعه البيت صحيت الاولاد راجح قال لي :
-"ماما الساعه اتنين خليني اتم نومتي "
-"لا لا لازم تقرا هسي "
خليت التوأم نايمين وقعدت اقرا مع راجح بعد خلصنا قلت ليو:
-"راجح عاوزة اكلمك بحاجه "
-"اها الموضوع مهم لدرجه انو في وحوش هاجمو الارض "
طبعا متأثر بالتلفزيون قلت ليو:
-"عن ابوك "
-"ابوي ..مالو قال حيجيب لي حاجه صح حلاوة لا عربيه ولا......"
-"ابوك عمل حادث "
اتصنم وقعد يعاين لي قلت :
-"هو من امبارح في المستشفى بس هسه بقى كويس "
يادوب حسيتو رجع طبيعي وسألني بصوت متهدج:
-"حيجي البيت😭"
-"شويه عليو بجي بعد بكره والليله بعدين حنمشي ليو قال دايرك انت بالذات "
-"طيب حنمشي ليو صح وهو كويس "
-"اي كويس ما جاتو عوجه "
-"يلا لازم اقرا سرعه عشان امشي ليو "
-"اي"
ونزل راسو للكراس ما رفعو الا لمن انتهى وانا اتنهدت براحه كنت خايفاهو يتصدم ولا يزعل بس شافع والشفع مافي قلبهم شي انتهى وقال لي:
-"ماما شوفي حلي صح "
فتحتو ولقيت شغلو كويس وكلو صح ابتسمت وقلت ليو :
-"فالح حليت الرياضيات صاح "
-"تمام 😋 يلا نمشي لابوي"
-"استنى لبعدين "
-"طيب ماشي العب مع عمار"
ضحكت عليو ومشا مشيت لعمار سالتو :
-"وين رنا "
-"راحت تشوف اولادها وتجي وانا مرزوع معاكم لما ابوكم يجي لانو الجامعه مؤجزه "
-"طيب "
ورقدت حبه ختيت يدي في بطني والبيبي بيتحرك جات رنيم وقالت :
-"ماما البيبي بيتحرك "
-"اي "
-"بت ولا ولد "
-"ما عارفه انت دايرة شنو "
-"بت دايرة بت اخت ليي جبتيهم كلهم اولاد 😭"
-"ما مشكلع طوالي نجيب ليك بت "
-"تمام بالجت حنمشي لابوي"
-"اي"
فرحت شديد ضحكت عليها وفجاه فكرت اذا فقد رجلو معناها ما حيقدر يسوق تاني زي الاول الا يتعلم من جديد وما حيقدر يطلع يجييب الخدار ومستلزمات البيت ما حيقدر يمشي السوق بس في حاجات كتيرة بيقدر يعملها يطبخ يراجع للاولاد يا ربي سهلها اتنهدت تنهيدو طويله نطيت بسبب البيبي الشاتني مشاغب خلاص ما بيخلي امو تفكر الشين دا رنيم كانت مراقباني سألتها:
-"في حاجه عاوزة تقوليها حبيبتي "
-"ماما انت كويسه صح "
رديت باستغراب:"ليي بتسألي؟؟"
-"البيبي كويس وما اتأذى امبارح كنت واقعه في الارض متأكده انو ما اثر فيو قلقك على ابوي"
ابتسمت وقلت :
-"يا بتي الحلوة ما تبكي ولا تزعلي اخوكم ولا اختكم كويس من الصباح بيلعب "
-"الحمدلله 😂😂😂"
وقريب المغرب صحيت التوأم ومشينا مع عمار نزلنا وقال :
-"عندي مشوار ضروري "
-"طيب "
-"اجيكم بعد أذآن العشا "
-"طيب "
نزلنا ومشينا لابوهم دقيت الباب وفتحتو وابتسمت لما لقيتو مبتسم قال :
-"اتأخرتو "
جا مؤيد طاير وبصرخ :
-"ابوي "
ونطا فيو ووراه محسن قال ليهم :
-"براحه على بابا 😂"
جا راجح وهو بس بعاين ليو من بعيد لما انتهو التوأم ماهر صنقر واتكل على ظهر السرير وسألو :
-"مالك ما عاوز تسلم علي "
-"ابوي 😭"
-"تعال "
قعدو جمبو وقال :
-"لا ما تزعل انا هدا كويس قدامك "
-"ابوي انت كويس متأكد "
-"اي "
جات رنيم وسلمت عليو وجبت كرسي وقعدت جمبو وهم بيحكوا بحماس الحصل ليهم الليله انا امبسطت وانا بشوفهم فرحانين كدا بس لهسه ما لاحظو لرجلو اتكلم بعد ما خلصوا :
-"اولادي بعد الحادث الحصل دا انا اتضررت "
راجح :"مالك حصل شنو عندك وجع وين "
مؤيد :"ننادي الدكتور "
رنيم :"انت كويس"
محسن سكت لاحظت انو مصدوم شويه وابوهو لاحظ قال ليهو :"مالك يا ولدي ؟"
-"رجلك اتقطعت 😨💔"
راجح ضربو شديد وقال ليو :
-"ما تقول كدا "
انا مسكت راجح وماهر قال ليو:
-"ما تشاكلو كلامو صح "
-"بالجت 💔 "
-"اي"
رنيم قعدت تبكي والتوأم في صدمه وراجح بيتمتم قلت ليهم :
-"هووي خلاص ابوكم كويس "
هو اتكلم :"ما تزعلو انا ما زعلان على رجلي بيكفي تكونوا معاي "
راجح :"بس كيف حتمشي تاني "
-"بعكاز وحاكون معاكم "
مؤيد :"جيب رجل آليه "
محسن :"انا بركبها ليك "
ضحك وقال ليهم :"انتو ابقو كبار وجيبوها لي "
راجح :"ابوي ليي عملت حادث وليي طلعت من البيت لو كنت ما طلعت هسه كنت كويس "
-"لكن مكتوب ليي كدا ما تزعلو اذا زعلتو بتزعلوني"
ضميت رنيم وقلت ليها :
-"يلا ما تزعلي ابوك "
ابوها اتكلم :"كدي تعالي جمبي "
مشت وقعدت جمبو ولسه بتبكي قرب منها وهمس:
-"ليي بتبكي ؟؟"
-"ليي يا ابوي يحصل ليك كدا انت ما بتاذي زول ودايما بتساعدنا ليي ؟؟"
-"ما تبكي دا ماهو الا اختبار لصبري عليك الله ما تزعلي "
مسحت دموعها وكلماتو كفتهم تصلح باقي اليوم قعدوا معاو اكتر من الوقت للساعه تسعه مسا وضحكنا كتير ماهر قال لي بجديه :
-"امشي افحصي البيبي كويس"
-"هاااا؟؟"
-"اي افحصي نتأكد "
خليتهم معاو ومشيت فحصت كل شئ وقال لي :
-"البيبي كويس بسس ارتاحي وما تتحركي كتير"
-"الحمدلله "
مشيت وريتهم وبعد تعب جريت معاي الاولاد للبيت 😂 بالذات التوام اتشربكوا شديد ورجعنا البيت😂
..........
             رايكم +تعليقكم+انتقادكم
                   صوتوا♥♥