صرخه خوف1

17

مشيت لسالم وقلت :
-"خالو سالم ممكن تكلم الاولاد يجيبو سريري لغرفه مراد "
-"طيب "
كورك :"نديم راني "
جو وراني حمر لي وسكت قال :
-"انقلو سريرها لغرفه مراد "
نديم وهو بيرفع ابهامو :
-"طيب"
راني من بين اسنانو بغضب :
-"طيب "
حولوهو نرمين قالت لي:
-"حتجي تقعدي معاي مش"
-"اي "
فجأه سمعت صوت مراد بيبكي مشيت ليو سرعه وسمعت راني نهرو:
-"هش اختك قاعده "
دخلت واديتو نظرة استخفاف ومشيت امراد كان نايم نص نص تبتبتو شويه نام فرشت سريري وهم طلعو قفلت الباب ورقدت نمت صحى بالليل وقعد يبكي عشان الضلام وعشان قايلني مافي قربت وهديتو ونام راجع صحيت بدري الصباح جبت ليو سهارة على شكل دبدوب حلو ولاني انا زاتي ما برتاح للضلام الايامات دي ناصر ما بتكلم معاي كتير مرات بس وانا من ناحيه مسئوليتي تجاه مراد ما بتخليني امسك التلفون كتير بقيت بصحى الصباح احمي مراد واستحما نأكل بقينا بناكل انا ونرمين بالجهه دي من البيت وراني بقيت ما بشوفو اصلا والاولاد برضو ولاا خالتي زاتها بقيت ما شغاله بيها ومراد بقيت بحبو شديييد وبقى اخوي هسه زمان ما كنت شغاله بيو لكن هسه اي شي الا مراد اخوي حبيبي♥ وجا اليوم القبل اول يوم مدرسه في الثانوي كنت ونرمين في نفس المدرسه ودي حاجه حلوة شديد اما مراد بالليل طلعت ليو الشنطه ووريتها ليو قال :
-"حامشي المدرسه"
-"الروضه "
-"مدرسه بس"
وكان اشتريت ليهو حافظه حلوة للعصير عجبتو شديد وشالها وكان متحمس يمشي وتاني يوم الصباح كلمت خالو سالم الزول الوحيد اللسه علاقتي معاو حلوة كلمتو بموضوع مراد قال لي:
-"طوالي بسجلو"
وسجلوهو في روضه قريبه من البيت قطع الشارع وكنت بصحى كل يوم بوصلنا راني انا ونرمين واصلا ما بشتغل بيهو نهائي...
مؤيد :
رجعت البيت الساعه تمنيه ونص تعبان تعب☹ دخلت البيت ما لاقاني اي ترحيب من عمي فتح الباب وقال :
-"خش"
خشيت وهو طلع امهم كالعاده مقفوله في غرفتها مشيت لميرو لقيتها راقده في سريرها ومتغطيه مستحيل تنوم هسه انا عارفا هزيتها شويه قالت بصوت باكي:
-"امشي مني "
اتكلمت:"ميرو دا انا "
رفعت الغطا وقامت عيونها كانت محمرة من البكا قالت :
-"مؤيد رجعت !
-"اي مالك!"
قعدت في السرير وضمت رجلينها وقالت :
-"ماف حاجه "
-"ميرو انا زعلان اذا نحن اخوان وريني "
-"لا نحن ما اخوان لو كنا اخوان كنت حتحس بالحاسه بيو انا 💔"
قلت بانكسار:"وكنت حتحسي بالانا حاسي بيهو لكن نحن ما اخوان لانو امك وابوك ما ميتين وما اجبروك تتفرقي عن اخوانك وتخلي تومك صح! "
ومشيت لغرفتي وانا مكسور واتغطيت وغرقت في دموعي مرت الايام وجا وقت المدرسه علاقتي بميرو لسه ما اتصلحت وكنت بحاول ارسم زي محسن بس ما بعرف وبزهج سرعهه هو بالو طويل ونزلنا مدرسه كنا بنطلع انا وميرو مع عمي الصباح يوصلنا وبنجي بكرعينا فرحت شديد لما لاقيت تومي وفي الاسبوع الاول يوم الخميس كنت راجع البيت فتحت الباب وسمعت صوت كواريك مرة يا ربي طلعت مرتو من غرفتها اتنهدت وخشيت عمي كان فاير وشديد كان قاعد في كرسيو وشايل كبايه قهوة ومرتو قاعده لما شافوني دخلت سكتو دخلت غرفتي وقفلت الباب وكنت بسمع فيهم.
مروان :"خلاص نتكلم بكرة "
-"لا هسه وان ما عاوز تتكلم طلقني هسه قبل ما بتك دي تعمل لي حاجه "
-"بتي !! بتي انا تعمل ليك انتي حاجه "
-"مروان رجعني بيت ابوي"
-"ابيت تقعدي هنا وتربيها ان ما البت اتزوجت انت ماف ليك طلعه من البيت دا "
-"اتزوجت مش سمح يا مروان بتك دي بتتزوج وان شاء الله بكرة دي في بيت راجلا"
ضرب الحيطه وصرخ:"ان ما تمت الجامعه ما تفكري تطلع من البيت دا لا انتي ولا هي😡"
-"ربنا يجيل اجلا الليله ان شاء الله "
اتصدمت دي امها بتدعي عليها تموت عدييل كدا عمي رد ببرود :"احترمي نفسك لو سمحتي والبت بتك كدا حتدمريها "
-"لو ما هي هسه كنت في بيت مع زول عاوزاه ما مع زول جابريني عليو "
قلبي انقبض عدييل عمي قال ليها :
-"خليتيني اندم والله ما بتستحقي اصلا "
-"طلقني😡!"
في اللحظه دي الباب اتفتح وكانت ميرو عمي قال ليها وهو بعاين لميرو:
-"خلي بكرة "
-"هسه "
-"طلقانه وما عاوز اشوفك في بيتي تاني "
-"الحمدلله "
ميرو:"ليي؟؟"
مروان :"ميرال امشي لغرفتك "
-"لا لا لا ما تمشي امي اقعدي "
-"ما قاعده "
-"ابوي ....ابوي رجعها "
نهرها :"ميرال على غرفتك سرعه "
مشت وهي بتبكي وانا قلبي حيطلع من مكانو بسبب الخوف مشيت رقدت في سريري وبحاول اضبط تنفسي براحه براحه هديت غيرت هدومي واستحميت طلعت والبيت ساكن ما فيو ولا زول بس ميرال صوت بكاها واصلني مشيت ليها وقلت :
-"ميرو 😢"
قامت على حيلها وقالت وهي بتبكي:
-"حصل شنو ي مؤيد اانت كنت قاعد مش سمعتهم حصل شنو كلمني..."
-"ميرو"
قال وهي بتخت يدينها في كتفييني:
-"اتكلم يا مؤيد حصل شنو ؟؟"
نزلت راسها وهمست :
-"بس...كلم..ني "
ورخت يدينها قالت :
-"مؤيد "
-"ميرو اهدي شويه وخليني افهم انا زييك جيت بس ولقيتهم بكوركو كدا ما تخافي حتتصلح الامور "
وفعلا بعدها بايام رجعوها بسبب تدخلات افراد العيله الكلام السمعتو ما كلمت زول عشان ما يدمر ميرو بسس محسن لاني ما بقدر اخبي منو حاجه بس رجعت الحياه زي ماهي بصعوبه........
راجح :
وصلنا البيت ودخلت لجدي قال :
-"راجح فقدناك يا ولدي"
-"اي حضرت الليله مش"
كنت بتشاكل مع جدي في التلفزون قال :
-"اي "
حبوبتي جابت شاي المغرب او بالاصح العشا وختتو وانا من نمل السكر حبوبتي سكرت لي معلقه واحده وختتو ضقتو لقيتو مسيخ وشلت المعلقه وكبيت تلاته معالق زياده بعدين طعم "
جدي اتكلم زي كل يوم:
-"يا ولد انت مرضان ولا شنو "
-"لأ يا جدي انت بتشرب مسيخ "
-"بتمرض"
كملت شايي وبقيت بسف السكر
حبوبتي:"راجح يا ولدي ربنا يهديك "
-"آمين"
جدي:"يا ولد احترم حبوبتك "
-"وي ماشي غرفتي "
ومشيت انوم لاني فتران شديد رقدت ونمت فرحان ..
محسن :
دخلت البيت ورزان جات جاريه جري ومسكت فيني لعبني لعبني لعبت معاها شويه ورسمنا ورقدت جمبها في الارض ولعبت معاها لما فترت وقالت لي ماشه تنوم وانا مشيت نمت ..
بعد سنتين...
رنيم :16سنه لسه مصاحبه ناصر ولسه كل شئ زي ما هو
مراد:6سنه مرح وبيعامل رنيم على انها امو
راجح:13سنه ونفس الشخصيه ولسه مصر ما يبيع البيت ولسه اعمامو مصرين يغيروا رايو
مؤيد ومحسن:10 سنه ولسه متعلقين ببعض شديد
ميرال:17 سنه
راني :22 سنه
نديم:20 سنه
محمد:19 سنه
وائل:17 سنه
نرمين:16 سنه
ناصر:18سنه
....نبدا مع مجهول...
....:
صوت ضرب..
-"كفايه والله بسوي البتقولو عليك الله وقف"
ضرب تاني وبعدها الصرخات المتوجعه من المضروب
-"امشي على كلامي البقولو ليك "
-"والله حامشي بس ما تضربني "
رمى العصايه الكان بيضربو بيها واتكلم بصوت مهيب:
-"اذا حاولت تحرف البقولو ليك بجيب اجلك"
-"...."
رايكم +تعليقكم+انتقادكم
صوتوا♥♥
وتوقعاتكم اهم من كل الفوق