صرخه خوف1

11

رنيم:
وصلنا بيت خالتي وهي عندها بت قدري واربعه اولاد اكبر مني ..
تعريف:
راني:البكر 20سنه حجامي ووجيه
نديم :18سنه صغيروني حجما
محمد:17 سنه صامت وما بحب يشارك في اي شي
وائل :15سنه متحمس شديد ومندفع
نرمين:14سنه صحبه رنيم شديد ونفس عمرها
سالم :زوج رنا 45 سنه من النوع البيعضي الشفع ودمو بيفور😭😂بس ظريف
رنيم :
وصلنا بيتنا الجديد خالتي قالت لي:
-"اخدي راحتك البيت بيتك ولو في حاجه وقفت ليك تعالي لي "
وائل جا طالع من اوضتو وقال :
-"ريم كيفيك؟ 😂"
-"اسمي رنيم يا زفت وائل"
-"اووف ونعم الترحيب "
-"اسكت يااا"
مراد صحا في الطريق وكان واقف جمبي خالو سالم جا وقال :
-"تعال ي مراد نسلم عليك😃"
كان متعود يناوشو قال ليو:
-"ابيت"
-"ليي"
-"بتعضيني "
-"😂😂😂😂"
-"ما تضحك "
عاين لي وقال:
-"رنيم انتي اقعدي مع نرمين واخدي راحتك في الصاله ديك والغرفتين الاولاد ما بيخشوهم اصلا"
ابتسمت وهزيت راسي بس سألتو:
-"ومراد"
-"مراد بيقعد بيجاي معانا"
قال:"لا ..ماشي مع رنيم "
-"طيب سوقيهو معاكم "
جا راني ولما شافني استغرب وقال:
-"رنيم "
مراد مصاحبو صرخ:
-"راني"
-"وين يا حبيب الكل "
هو الوحيد البيتعامل مع مراد في العيله جا شالو من جمبي ودي اول مرة اشوفو من قريب كدا رفع راسو وعاين لي وقال:
-"مالك بتعايني لي كدا انا ما سحاري "
نزلت نظري سرعه خلعني هو 😶 وفجاه الباب فتح بقوه وجا نديم وصرخ:
-"اتعلمت يا راني😝"
اتلفت لي واتخلع واتحرج من كواركيو وقال:
-"اهلا...ريم "
-"اسمي رنيم "
-"طيب "
ودخل جا محمد كتله الكآبه المتحركه وقال:
-"السلام عليكم "
ومشا قبل ما زول يرد غريب الاطوار ومشيت مع خالتي لغرفه نرمين كانت نايمه قالت :
-"ودي حتكون غرفتك معاها "
-"طيب "
مراد مشا مع راني  مشيت لنرمين وهزيتها وقلت :
-"اجيك من بيتنا عشان تنومي ي دبه "
قامت وقالت :
-"رنيم .."
اخدت ثواني وصرخت :
-"رنيم ...حتجي تسكني معانا "
-"اي😂"
-"واااي واي ما مصدقه كيف عماتك الكريهات ديل رضو"
-"اششش غسبا عن عينهم "
-"اكيد "
رتبت معاي حاجاتي وكان عندها تلفزون في غرفتها لانهم ناس غنيانين ما شاء الله وقعدنا ضحكنا كتير وكانت زي تومتي تلفوني ضرب قالت :
-"اةوه رقم غريب ارد "
-"لا جيبيو "
رديت:"السلام عليكم "
-"وعليكم السلام رنيم حبيبتي "
-"ناصر!!"
-"كويس متذكراني لسه مالك ليي ما بتردي على رسايلي قلقتيني عليك "
-"امي اتوفت وكنت قافله التلفون"
-"معليش"
-"ما تفتح الموضوع عليك الله "
-"طيب مشتاقين ي قلبي "
-"بالاكتر "
-"طييب انا طالع يوم الخميس ممكن اجي اسوقك معاي "
-"طالع وين"
-"ماشي الف كدا رايك شنو "
-"طيب بس ما عارفه "
-"عليك الله😭"
-"بشوف"
وقفلت لقيت نرمين في وشي:
-"ناصر دا منو 😈 "
-"حبيبي"
-"هييي رنيم عملت ليا قرون 😶"
-"ي بت اسسكتي الود دا عسل "
-"بيلعب بيك يا رنيم"
-"مستحيل هو بيحبني"
-"بيلعب بيك يا رنيم ما تصدقيو "
-"لا لا خليهو اذا بقى كدا انا بنتقم منو"
-"ما حتقدري يا رنيم "
-"منو القال ليك "
-"رنيم انا جاده معاك ما تبقى كدا ياخ انت زوله كويسه بلكيه الزفت دا "
-"ما تقولي عنو كدا هو زول كويس"
-"لا لا "
-"خلاص اقفلي موضوعو"
-"تعالي نعمل حاجه سوا"
.....
راني:
لعبت مع مراد حبه لانو محروم شديد الولد دا اخوانو ما بيلعبو معاو وهسه يتيم ام وابو نعس شلتو وشويه كدا نام اديتو لامي ومشيت لغرفتنا قعدت اذاكر حبه عندي امتحان يوم السبت نديم اتكلم :
-"شفتو المزه الجات البيت دي "
وائل:"اي عسل عدييل"
اتكلمت :"اسكتو يا كلاب"
نديم:"الكلب الكبير يتكلم "
-"اسكت"
وائل:"اصغر مني بسنه بس وساكنه معاي في البيت اففف انا في نعيم ياا"
محمد:"احترموها لو سمحتو جايكم لانو امها وابوها اتوفو ممكن تفهمو النقطه "
نديم:"ابو الاحترام زاتو 😭😂"
وائل :"احترام وين مع المزه دي😈"
محمد:"مزه امك يا كلب"
-"اي عارفها مزه ابوي دا محظوظ ربنا يديني حظو "
اتكلمت:"اسكتو ياخ عاوز اقرا"
......
رنيم :
ساعدت في الغدا وختينا الصينيه قالت :
-"ممكن اسوي ليكم انت ونرمين سوا "
اتكلمت :"لا ماف داعي بلبس طرحه"
-"طيب"
لبست طرحتي واصلا لابسه بجامه اكمامها طويله بقدر اقعد بيها في البيت ختينا الاكل نرمين قالت لي:
-"دقي للاولاد الباب بيفهمو انو الغدا مشيت وغرفتهم بعيده شديد دقيت الباب ورجعت بس ضعت ما عرفت اطلع من وين ما متعوده اني اخش الجزو دا من البيت فجأه كدا حسيت بزول ماشي اتلفتت وكان راني قال لي وهو مكشر:
-"الجابك هنا شنو "
-"ضعت بس ..."
صرخ:"خاشه ليي؟ اطلعي "
طلعت سرعه كانت الحته مضلمه وانا خايفه منو اصلا رجعت سرعه صرخ تاني:
-"اطلعي"
مشيت سرعه وعيوني اتملت دموع من الخوف وانا ماشه جري زي الكاني في ماراثون ونديم طلع من الغرفه وانا جايه حاولت افرمط لكن ما قدرت وطقشت فيو تاني وقربت اقع بس رجعت سرعه ما قدرت اعاين لوشو وطلعت مسحت دموعي ومشيت غسلت وشي وطلعت وانا لسه برجف نرمين قالت :
-"دقيتي الباب "
-"اي وضعت بس جيت "
صحيت مراد النوام وقعدنا في السفرة وجو الاولاد وسالم وقعدنا مراد اتكلم :
-"راني يقعد جمبي "
قلت لا اراديا:"لا "
سالم عاين لراني وقال :
-"مالك يا رنيم "
راني:"ماف حاجه"
-"انا بتكلم مع رنيم "
رنا:"في شنو يا راني "
-"ماف شئ"
-"رنيم!"
-"...."
راني:"انا قرفت الاكل "
وقام ..
نديم:"راني اقعد ما تحرد عشانها"
-"ما عشانها ولا اي شي نفسي مقفوله"
وطلع نديم اتكلم:"انت خشيتي الصاله التانيه "
كلهم اتهجموا حسسوني اني  ارتكبت ذنب عظيم سالم اتكلم:
-"صح الكلام دا يا رنيم "
-"..."
رنا:"رنيم "
-"...."
-"دخلتي"
وائل اتكلم:"فالحه هسه حرد الاكل عاجبك كدا "
اتكلمت بغضب :"بس انا ضعت"
نديم:"صدقتك "
-"انا ما عملت غلط "
وائل:"وكمان ما عملتي غلط "
-"اي"
سالم :"خلاص خليهو "
نديم:"اخلي راني عشانها التافه دي"
رنا صرخت:"هيييي"
سالم :"احترم نفسك "
وائل:"تجي يوم واحد ما تمتو عشان تعمل كدا في راني الجابها شنو رجعيها من مكان ما جات"
انا اتخنقت من كلامو وما قدرت ارد نديم اتكلم:
-"اي حالنا كان اخير لما كانت ماف رجعيها "
سالم :"اسكتو انتو "
رنا:"راني دا مدلع ساي "
نديم:"ما بصدق يا امي كلو عشانها "
وقام خلا الاكل نرمين مشت ليهم وبقت بتكورك في راني وائل قام وراهم ورنا مشت توقفهم بقوا كلهم بيكوركو وسالم مشا يهديهم والبيت كلو بقوا بيكوركو وففضلنا انا ومحمد ومراد المسك فيني بيخاف من الصوت العالي محمد اتكلم :
-"جيتي تفككي شملنا يا رنيم جيتي تأذينا كدا "
وقام مشا انا اتخنقت خنقه وجريت على غرفتي انا ونرمين ورقدت في سريري وبقيت ببكي وببكي راني دا مشكلتو شنو معاي وهم كلهم حيقلبو اذا بحاجه بسيطه وانا اصلا ما ذنبي وقعدت ابكي جاني مراد وقال :
-"رنيم مالك "
-" ...."
-"رنيم"
قعد يبكي معاي ......
             رايكم +تعليقكم+انتقادكم
                   صوتوا♥♥