حلمي

الحلقه 1

#حلمي
__________________

المقدمة + الحلقه الاولى
_____________________________
عهد ناضت من النوم مرتاحة ولأول مرة في حياتها تعيش هالشعور الحلو❤️
من بعد هالتعب يلي مرت بيه كله ؟ واخيراً وصلت للشيء يلي هي تخططله من صغرها
تحقق حلمها ❤️❤️، حلمها يلي ضحت عشانه الف مرة .

كتابة : BOSHRA HADIA

عهد: واخيراً انا في المكان يلي مفروض نكون فيه من زمان .. نضت من على سريري فتحت روشن الغرفة يلي انا فيها وشفت الشيء الخيالي والحلو يلي كنت نشوف فيه في التلفزيون بس، انا نحلم ؟؟ لالا هذا حقيقة ❤️، واخيراً قدرت نطلع من الكابوس يلي انا كنت فيه .

نعرفكم بنفسيته وعيلتي :
اسمي عهد مواليد 1995 ، من انا وصغيرة كان عندي حلم كبير وصعب اي حد يقدر يحققه لكن انا ما عنديش شيء اسمه مستحيل ، نقرا في الطب ومجتهدة فِ قرايتي وطبعي مرات هادية لكن في بعض الاحيان تافهة ومرات نكون غامضة ،
ومش مرتبطه، لاني ما نحبش 🤷🏻‍♀️😂، وشكلي مش ضروري نوصفه ليكم لانه ما يهمش الشكل .
عيلتي : تتكون من بابا يوسف عمره في الخمسينات وماما نورية عمرها في الاربعينات وعندي خوي سند عمره 20 سنة، واختي حلا عمرها 15سنة وبس هادي عيلتي .

وعندي صحبة وحدة اسمها وِداد ، ديما انا وياه مع بعض ونحبها واجد نفس عمري ، وفي شخصيه جديدة ح تكون صاحبتي ح نتعرف عليها في اول حلقه.
وطبعاً باقي الشخصيات ح نتعرفو عليهم في الحلقات
.

كتابة : BOSHRA HADIA

نـردو لخـمس سنـوات فـاتو

عهد : اتصلت بِـ وِداد.. الو ، شنو مش ماشية للجامعة ولا شني ؟
وِداد : لالا بنمشي غير شوية اخر لمسة من المكياج
عهد : باهي هيا نستنى فيك راهو !
وِداد : هي جاياتك .

عهد.. طلعت من داري مشيت للصالة لقيت عيلتي يفطرو

اميرة: صباح الورد على العائلة السعيدة
كلهم : صباح النور
ماما : تعالي افطري اكيدة وقت عليك
اني : هي تو نجي وِداد طولت اليوم
بابا : نوصلك على طريقي رافع حلا للمدرسة كان بتمشي معانا؟
اني : كلمت وِداد توا وقالتلي ج...

على خشت وِداد

وِداد : صباح الخير عليكم شنجوكم وشن اموركم يا وجوه الخير
كلهم : صباح الخير
اني : هيا طولنا 😩
وِداد : هيا اصلاً كنت نراجع مش زيك 😌
اني : اي واضح عليك .. غير هي بسرعه اطلعي قدامي ..

وصلنا للجامعة
خشينا للمحاضرة وبدا الدكتور في الشرح وانا مركزة معاه بإنتباه ووِداد مش معانا بكل تزملط في ظوافرها 🤦🏻‍♀️

المهم خلال الوقت هذا كان في شخص يراقب فيا كيف انا منتبها مع الدكتور بشكل دقيق ،
كملنا المحاضرات وطلعنا

وِداد : جِعانة بنشري حاجات ناكلهم ، شن تبي نجيبلك معاي؟
اني: ما خاطري في شيء كيف فطرت جيبي لِروحك
وِداد : عينك تو نجيبلك حتى نسكافيه حشيشتك عاد
اني: جيبي باهه

ومشت وِداد

اني كنت مقعمزة نشبح في الشيتات متاعاتي وشن خدينا اليوم .. قاطعتني بنت
البنت : لو سمحتي عهد يوسف انتِ؟!
اني : انشالله تفضلي !
البنت : حبيت نتعرف عليك بس ❤️
اني : اها عادي ❤️.. عرفتلها نفسي ..
وانتي عرفيني عليك!
البنت : اسمي هيام تخصصي معاك في الطب
ديما نشوف فيك منتبها مع الدكاترة وهككِ ولفتتي انتباهي وحبيت نتعرف عليك
اني : بالجودة ، ليا الشرف ❤️
هيام : تمام معناها عطيني رقمك عشان نبدو ع تواصل
اني : تمام هـي سجـلي ..

وجت وِداد شافت عهد معاها بنت ..

وِداد : ماشالله من ورايا صحبات وجو جديد
هيام : اهلا انتي صحبتها ؟!
اني :اي هادي صاحبتي واختي ❤️
وِداد : 😌.. باهي من انتي ؟!
هيام : اني اسمي هيام تو كيف تعرفت على عهد
وِداد : اها .. تعالي نعرفك عليا يا حنه .. اني اسمي وِداد وعمري 20 سنة ونقرا في الطب وحشيشتي عهد، ونحب انزملط ظوافري، ونحب البريوش ، والناس يلي ديما تضحك وانتي ؟!
هيام : 😂.. اني اسمي هيام ونفس مواصفاتك ماعدا ما نحبش نزملط ظوافري 😂
اني ووِداد : 😂😂.. معرفة خير انشالله
هيام : انشالله

هدرزنا نحنا وهيام وروحنا وحسيت هيام بنت كويسة وتنحب بسرعه

يتـبع ...

كتابة : BOSHRA HADIA