"ဖြစ်မှဖြစ်ရတယ် လေးရယ်...
ဒီလူမိုက်ရဲ့ ရှေ့မှာမှဝင်ရပ်ရတယ်လို့...
အခုတော့ အညိုအမည်းဆွဲပြီ...ဟင်း..."ပြောလည်းပြော မေမေက...လေးရဲ့မျက်နှာကိုကြပ်ထုပ်ထိုးပေးနေတာ အားများသွားသည်..။
"အ!...ကျွတ် ကျွတ်...
နာတယ် မေမေ...ကျွတ် ကျွတ်...""ကျွတ် ကျွတ်...
မေမေ အားပါသွားမယ်...
မင်းမျက်နှာကိုပြင်ထား ညီညီ...
လူလေးကြည့်တော့ အသက်၂၀ကျော်ပဲရှိသေးတယ်...
အခုတော့ ကလေးအဖေဖြစ်နေပြီ...
မနက်ဖြန် ဟိုကလေးမလေးအိမ်ကိုသွားဖို့ပြင်ထား..."မေမေက ကြပ်ထုပ်ထိုးပေးနေရင်း..မျက်နှာကိုစူပုတ်ပြီးထိုင်နေတဲ့ ညီညီ့ကိုလည်း လှမ်းဆူနေသည်..။
"ကျွန်တော်သူ့ကိုမယူနိုင်ဘူးလို့ပြောထားတယ်လေ..."
"အဲ့တာဆို အဲ့ကလေးမဗိုက်ထဲက ကလေးကိုဖျက်ချခိုင်းမလို့လား...ဟမ်...."
"မသိဘူးဗျာ...
သူတို့ဘာသာ လုပ်ချင်သလိုလုပ်ပါစေ...""ဖြန်း!...ညီညီ မင်း မိကောင်းဖခင်သားသမီးဆို မင်းဒီလိုမပြောသင့်ဘူး..."
ပြောလည်းပြော..မေမေလည်း သူမရဲ့သားငယ်ကိုလှမ်းရိုက်လိုက်သည်..။
"မေမေကလည်း...
မေမေမသိပါဘူးဗျာ...သူတို့မောင်နှမကကောင်းတာမဟုတ်ဘူး...""ညီညီ အဲ့လိုမပြောရဘူးလေ..."
"ကိုကိုပဲ အကုန်လုံးကိုအကောင်းမြင်နေလိုက်..
မပြောချင်တော့ဘူး..." ဆိုပြီး ညီညီက ထိုင်နေရာကထကာ..သူ့အခန်းသူဝင်သွားလေသည်..။"မနက်ဖြန် အသင့်ပြင်ထားနော်...
ကလေးမလေးအိမ်သွားရမယ်...""ကျွန်တော်မသွားဘူးလို့ ပြောပြီးပြီ..."
"ဟဲ့ မသွားလို့ရမလား...
ငါနော် မပြောလိုက်ချင်ဘူး...
ငါ့သားလူပျိုလေးရှိနေလို့...""အဟက်...သွေးတိုးနေပါ့မယ် မေမေရာ...
ပြောမနေပါနဲ့တော့...
မနက်ကျ ညီညီလိုက်မှာပါ...
ကျွန်တော်လည်း ဖြောင်းဖြပေးပါ့မယ်...""အေးအေး...မေမေ့သားကြီးလို အေးဆေးသားမျိုးဆို မေမေဒီလောက်ထိပြောနေရမှာမဟုတ်ဘူး...
အခုတော့ ဒီလူမိုက်ကြောင့် ပြောနေရပြီ..."
YOU ARE READING
Lay (ေလး) (completed)
Fantasyအရာအားလံုးဟာ..အက်ိဳးရွိလို႔အေၾကာင္းျဖစ္လာတဲ့အတြက္..ငါဘာကိုမွစိတ္ထဲမထားပါဘူးေမာင္.......