I HATE LOVE

I HATE LOVE - 24

ဖရိုဖရဲဖြစ်နေတဲ့ Roseရဲ့ ပုံစံကို ရှောင်းကျန့်
မနှစ်မျိုစွာကြည့်မိတယ်..။

"လင်း.. သူ့အတွက် အခန်းတစ်ခု စီစဥ်ပေးလိုက်.."

ရှောင်းကျန့်ထိုမျှသာပြော၍ရိပေါ်ကို တွဲကာ
အခန်းထဲသို့ဝင်လာခဲ့သည်..။

*ဝမ်ရိပေါ်..အကျင့်မကောင်းတဲ့ကောင်..။မူးပီး
မိန်းမတစ်ယောက်နဲ့အတူ အိမ်ပြန်လာတယ်ပေါ့..*

အသိမရှိပဲ ရှောင်းကျန့်ကိုသာ မှီခို၍ ပါလာတဲ့
ရိပေါ် ခန္ဓာကိုယ်က ရှောင်းကျန့်အတွက် တွဲသွား
နေရတာ သိပ်တော့လွယ်ကူမနေချေ..။
မိန်းမတစ်ယောက်နဲ့အတူ ညဥ့်နက်မှ အရက်မူး
ပြီးပြန်လာတဲ့ ရိပေါ်ကိုလည်း သိပ်ကြည်နေတာ
မဟုတ်တော့ ကုတင်နားရောက်တာနဲ့ ရိပေါ်ကို
ပစ်သာချလိုက်တော့သည်..။

ဒီတိုင်းပစ်ချထားပြီး ထွက်သွားဖို့လုပ်သော်လည်း
ဖရိုဖရဲ ကြီးနဲ့မသက်မသာ အိပ်နေတာမြင်ရပြန်
တော့ရှောင်းကျန့်မနေနိုင်..။
ရှောင်းကျန့် ရိပေါ်ကိုသေချာနေရာချပေးပြီး
အကျီလဲပေးရန်ပြင်လိုက်သည်။အကျီအပေါ်မှာ
​အထင်းသားရှိနေတဲ့ နှုတ်ခမ်းနီရာကို မြင်လိုက်ရ
တော့ ရှောင်းကျန့်လက်တွေ တုန်ရင်စွာ ရပ်တန့်
သွားတယ်..။မယုံကြည်နိုင်စွာ ရိပေါ်ကို လှမ်းကြည့်
တဲ့မျက်ဝန်းတွေထဲမှာတော့ မျက်ရည်တွေ ပြည့်လျှံ
နေတယ်..။ဘယ်သူ့နှုတ်ခမ်းနီရာလည်းဆိုတာ
ကတော့ အထူးတလည် ရိပေါ်ကို ရှောင်းကျန့်
မေးနေဖို့မလိုအပ်တော့။

*မင်းအတွက် ငါက ကစားစရာအရုပ်တစ်ခုလိုမျိုး
လားဝမ်ရိပေါ်..။မင်းအတွက် ငါက အရုပ်တစ်ရုပ်
လား..*

လည်တိုင်နားက အနီရောင်အကွပ်ကိုပါ
ထပ်မြင်လိုက်ရတော့ အိပ်ပျော်နေတဲ့ ရိပေါ်
မျက်နှာကိုကြည့်ရင်း ရှောင်းကျန့် ခပ်ထေ့ထေ့
ပြုံးတော့သည်..။

အခန်းတစ်ခုရဲ့ တိတ်ဆိတ်နေမှုက နာရီ စက္ကန့်သံ
ရွေ့လျားမှုကိုပင် ကြားနေရသည်။တိတ်တိတ်လေး
မျက်ရည်ကျနေတဲ့ ကောင်လေးတစ်ယောက်ရဲ့
ရှိုက်သံသဲ့သဲ့ကလည်း အချိန်တော်ကြာသည်ထိပဲ။

*********************************
ရိပေါ် မျက်လုံးစဖွင့်လိုက်တာနဲ့ စိုးရိမ်စိတ်နဲ့
ဘာတွေ ဖြစ်ကုန်ပြီလဲဆိုတဲ့ အတွေးကစီစီရီရီပဲ။
ဘေးပတ်လည်ကိုကြည့်တော့ ကိုယ့်အခန်းကိုယ်
ပြန်ရောက်နေတာမို့ စိတ်သက်သာရာတော့
နည်းနည်းရသွားသည်..။