Chapter Nineteen
“Sharlene wait!” Habol sa’kin ni Marie. Nagmamadali akong pumasok nang banyo.
Nagpakawala ako ng isang malalim na buntong-hininga habang nakatingin sa salamin.
“Tapatin mo nga ako Sharlene, ano ba’ng nangyayari sa’yo?” Tanong ni Marie na nakatingin sa’kin sa salamin.
Humarap ako sa kanya at niyakap ko siya. Hindi ko na napigilan ang mapaluha.
“Naguguluhan ako Marie.” I said in between sobs.
“Alam ko.” Sabi nito.
“Alam mo?” Tanong ko sa kanya.
“Hindi naman kasi ako kasing manhid mo.”
“Aray ko naman Marie.”
“Pasensya na, pero ‘yan ka naman talaga ‘di ba? Hangga’t hindi sinasabi sa’yo ng harapan, nananatili kang walang alam.”
“Marie naman eh.”
“Simula nang manligaw sa’yo si JB, naramdaman ko na may iba kang hinahanap.”
“Hindi ko alam kung pa’no nangyari ‘to. Naguguluhan ako sa nararamdaman ko.”
“Mas nauna mong nakilala si Trent kaya ‘di malayong mahulog ang loob mo sa kanya.”
“Pero hindi siya ang gusto ko Marie!”
“Eh ‘di akin na lang siya?”
Kumalas ako sa pagkakayap sa kanya.
“Marie naman eh! You can’t be serious!” Sabi ko sa kanya.
“I can be serious. ‘Wag mo ‘kong hinahamon d’yan ha?” Malapad ang ngiting sabi nito.
“Pero---”
“Pero ayaw mong mawala siya sa’yo. Tama ba Sharlene?” Nangingiting putol nito sa sasabihin ko.
Tango lang ang naisagot ko sa kanya.
“’Wag kang mag-alala, wala naman akong gusto sa kanya.” Pag-a-assure ni Marie.
“How about him?” Tanong ko sa kanya.
“And what about him?” Ganting-tanong niya.
“Wala ba siyang gusto sa’yo?”
“’Yan tayo eh, umaandar na naman ‘yang kamanhiran mo.”
“Ba’t ‘di mo na lang kasi ako sagutin Marie?”
“Ganito na lang, ‘pag nagkaroon kayo ng chance ni Trent na makapag-usap, siya na lang ang tanungin mo.”
“Pero baka mag-assume siya na gusto ko siya?”
“Bakit, hindi ba?”
“Marie naman eh! Palagi mong ibinabalik sa’kin ang tanong.”
“Alam ko kasing ikaw lang ang makakasagot ng lahat ng agam-agam d’yan sa puso mo.”
“Wala nga akong makuhang sagot Marie. Alam mo namang noon ko pa pinapangarap si JB ‘di ba?”
“Kung si JB talaga ang gusto mo, hindi ka na magdadalawang-isip na sagutin siya.”
“Gusto ko si JB kaya lang hindi pa namin masyadong kilala ang isa’t-isa kaya hindi ko pa siya sinasagot.”
“Sigurado ka?” Paniniguro ni Marie.
“Hindi masyado.” Pag-amin ko sa kanya.
“Oh, kita mo na? Kahit pala sarili mo hindi mo mapagkakatiwalaan eh. Hayaan mo na muna, you have all the time to weigh your feelings.”
BINABASA MO ANG
The Famous Trespasser (Completed)
Non-FictionSaan mauuwi ang giitan ng dalawang taong nabuhay sa magkaibang mundo na biglang pinagtagpo ng makulit na tadhana? Sino ang unang bibigay?
