العوض الجميل ❤️!

1

المره دي حكايتنا مختلفة عن الحكاية الفاتت حكايتنا بدايتها حزيييينة💔 لكن ان شاء الله نهايتها عوض  تابعوا❤️....
.................

أعرفكم على نفسي انا شمس لكن ما يغركم الاسم انا شمس منطفأه😔 شمس غربت وما شرقت تاني لكن ما حيأس وحفضل منتظرة الشروق عسى ولعل يوم أشرق✋ 💔....

تعالوا نعرف حكاية شمس : ....!
...
١٢/١٠ يوم الفراق... يوم الوداع... يوم الألم💔... أكتر يوم مكروه عندي عارفين بكرهو لي؟... عشان دا اليوم الفقدت فيه ضحكة الدنيا الفقدت فيه نفسي وأهلي بابا وماما💔 ااااه لو تعرفوا قدر شنو إشتقت للكلمتين ديل😔... نفسي أعرف لي خليتوني ومشيتوا؟ لي خليتوني وسط الوحوش وسط ناس ما بتعرف الضمير ودنيا ما بتعرف رحمه 💔خليتوني وحيده انا ورب العباد☝️ وقفت وسندت نفسي بي نفسي عشت وقاومت وما لقيت سند ولا عكاز  أتسند عليه ما لقيت البقيف وسط الخلق ويقول بتتتتي✋😔💔دا كلو ما لقيتو لكن حاولت أسند نفسي بي نفسي وطول عمري بحاول أقنع في نفسي وأعيد وأكرر وأقول انا ما براي انا معاي 🤝❣️ ....

نرجع بي الزمن شويه ونتذكر الماضي! الماضي الأليم💔 نتذكر اليوم دا بالتحديد ١٢/١٠...
.....

كان في أسرة حلوووه شديد وبسيطة بتتكون من أم وأب وطفله❤️ أيوا دي أسرتي ماما وبابا وانا كنا عايشين في سعاده وحب وحنيه❤️ بابا وماما عرسوا عن حب دام 8 سنوات ونهوه بالحلال كان حب صااافي وصادق ونقي❤️ كنا عايشين في بيت صغير رغم وضعنا الفوق الممتاز لكن كنا بنحب البساطة والتواضع ما بنحب الفشخره والافتراء😊 عشنا بي سعاده لحدي ما جاء اليوم المشؤوم يوم الفقدان وكان اليوم دا هو نفسه يوم عيد ميلادي 💔بكرهووووو من أعماقي ما بحب أحتفل بيه لانو ما يوم ميلادي دا يوم موتى 💔
كان ماما وبابا ماشين يجيبوا حاجات العيد ميلاد وخلوني مع مرت عمي ايوا مرت عمي البكرها💔 والكانت سبب وجعي وحتعرفوا السبب قدام ... أثناء ما ماما وبابا ماشين في الطريق عملوا حادث سير وقتها كان عمري 3 سنين وللأسف ماتوا في لحظتهم لأنو الحادث كان قوي شديد وقدر الله وما شاء فعل😔 وبي كدا أكون فقدت ضحكتي وانا لسه طفله ما عرفت في الدنيا شي ما كنت فاهمه حاجه... ما كان في زول غير عمي وحبوبتي أم ابوي هم الوحيدين الفضلوا لي في الدنيا حبوبه كانت كبيرة في السن وما كانت بتقدر تتحمل المسؤليه وانا بي حكم أني طفله كنت دايره رعاية عشان كدا قرروا إنو عمي هو اليربيني مع أولاده عمي عندو ولد أكبر مني بي سنتين وبت أصغر مني بي اسبوع... مرت عمي ما كانت راضيه في الأول لانو أصلاً هي ما بتحب أمي وعلاقتها ما كانت حلوة معاها 💔لكن كانت مجبوره عشان راجلها إلي هو عمي الكان وصيني... أما بالنسبة لي حبوبتي كانت متمسكه بي لكن ما بتقدر تتحمل مسؤليتي بعد العمر الوصلت ليه دا...

تعالوا نعرف سبب كرهه مرت عمي لي امي... :
أمي يتيمه ايوا امي يتيمه 💔وإتبنوها أسرة غنية من عمرها 5 سنين ماما كانت عايشة مع أُمها وأبوها لكن حصلت مشاكل بينهم وإتفصلوا وأي واحد راح لحال سبيله وودوها الميتم! لسه في ناس بالقساوه دي يا الله؟💔 يعني مهما وصلت من مراحل التفاهه ما حتقدر تجدع ضناك المن لحمك ودمك لكن بس نعمل شنو ونحن في زمن إتعدمت فيه الرحمة😔💔... ماما إتربت عند الناس ديل وبقوا ليها أهل وكانوا حنينين عليها شديد كانوا بحبوها لأنهم محرومين من الأطفال كانوا عبارة عن مرة وراجلها كانوا في نهاية العشرينات إتبنوها وربوها وعلموها أحسن تعليم لحدي ما طلعوها دكتورة قدر الدنيا❤️ ودا كلو ما حصل ماما إعتبرتهم ناس ربوها وبس لأ كانت معتبراهم أهلها أمها وأبوها واي شي لحدي ما لاقت بابا في يوم وحبتو إتلاقوا في الجامعة كانوا بقروا مع بعض وحبوا بعض وماما إنتظرت بابا لحدي ما كون نفسه وإتزوجوا... رغم انو بابا كان عارف انو ماما يتيمه وما معروف أهلها الحقيقين وين لكن عمرو ما فكر يخليها لكن السبب دا كان هو سبب كرهه مرت عمي لي أمي عشان في نظرها هي يتيمه وما عندها أهل وما بت أصول وما عارفين ليها أصل ولا فصل💔 عمي أول شي كان رافض برضو لكن لمن شاف حب أبوي لي امي وافق ورضى❤️ أما مرتو ما رضت ودايماً كانت بتشوف امي قليلة على أبوي وإنو ابوي بستحق أحسن منها وست ستها 💔 أما بالنسبة لي حبوبه كانت بتريد أمي لأنها كانت مأدبة ومحترمة شديد فما رفضت أبداً ووافقت طوالي وشجعت أبوي عليها وحبت أمي من أول نظرة لأنها كانت طيييبة شديد❤️!
دي حكاية أمي نبع الحنان والغالية!✨...
......

عمي ساقني معاه بيتو ووداني لي مرتو ومن هنا بدأ الوجع وبدأ الظلم وبدت الحكاية وطلعت من عالم لي عالم تاني خاااااالص طلعت من عالم الحب والحنان لي  عالم الظلام💔!!!

#خا~ط~رة...
نَمُت ونحنُ على قيد الحياة... نفقدُ أناسٌ أحببناهم وأحبونا💔 ننكسر ونفقد طعم الحياة💔 هكذا هي الحياة دوماً فقط ننتظر ونرى ماذا ستفعل بنا غداً ! ....
#كتابتي

# يتبع