The Ravels (Published under PSICOM Publishing Inc.)

[𝐏𝐔𝐁𝐋𝐈𝐒𝐇𝐄𝐃 𝐔𝐍𝐃𝐄𝐑 𝐏𝐒𝐈𝐂𝐎𝐌 𝐏𝐔𝐁 𝐈𝐍𝐂.]

Prequel of the The Ravels Inception: Yulia

"From her deepest hell, she thought that marrying the man of her dreams would eventually fade all the tragedy her father gave her. But then, it was just starting."

___________

Prim and proper. Delikadesa. Tunog bulaklak sa tuwing magbibigkas ng mga salita. Ilan lang 'yan sa mga katangian ni Yulia. 'Yan ang mga gustong makita ng kaniyang tatay ng mga tao sa kaniya- ang maging perpekto at hindi makabasag pinggan.

Namuhay siya sa masikip at hindi malayang buhay. Lahat ng desisyon niya ay kontrolado. Dahil ayaw ng ama niya na masira ang kanilang apilyido sa madla lalo na at siya ay ang panganay. Gusto ng tatay niya panatilihin ang kagandahan ng kanilang apilyido- hindi dahil para sa kanila, kung hindi para sa sarili niyang kapakanan. Para sa kapangyarihan. Para mabusog siya ng yaman.

Ang tanging naisip lang ni Yulia para makatakas sa buhay na mayroon siya ay ang pagpapakasal sa lalaking gusto niya. Pero. . . tulad ng kaniyang inaasahan ay hindi 'yon hinayaan mangyari ng kaniyang tatay.

Sa ika-26 taon niya sa mundo ay ipinagkasundo siyang ipakasal kay Logan. Ang lalaking ayaw niya. Impyerno man o siya ay mas pipiliin niya na lang ang impyerno. Kaya gagawin niya ang lahat para mapigilan 'yon.

Ngunit ano nga ba ang aasahan ni Yulia sa mga susunod pang mga araw. . . mapipigilan niya bang ikasal siya kay Logan o hindi? Makakalaya kaya siya nang tuluyan kapag kinasal na siya at tuluyan nang gagaan ang kaniyang buhay?

O nagsisimula pa lang ang gyera?