مضطربة_عقلياً

البارت 24

لم يرهقني شيء ، كما فعلت افكاري".
💜

#مضطربة_عقلياً

البارت_24

🌹 🌹 🌹 🌹 رزان باسم 🌹 🌹 🌹

_شنو قرارج؟

_بقيت صافنة اي لو لا حرت خاف اوافق
وخاف اذي بعدين خاف ارفض وهم يتأذة
جريت نفس وتنهدت جوابي الك...

_اي .. جاوبي

_لا 

_لا..؟ 

_اي لا .. ليش مصدوم جانت اثار الصدمة
مبينة على وجهة

_ليش اريد سبب.

_اعتبرك اخ الي ...

_اثنينا نعرف انو لا انتي اختي ولا اني اخوج
لج صار سنين انتظرج تكبرين وبالتالي
تكولين لا... ليش اكيد اكو سبب بس انتي
ما راح تكولين..

_جريت نفس وتنهدت .. باوعت لعيونة
جانت كلها حزن... الدموع متجمعة
بيها بس يكابر ..

_احجييييييي لا تبقيين ساكتة.ةةة احجيييي
لييشششش

_كام يعيط ويدفر شكو شي كدامة .. خفت
منه لان خالتي طلعت وبس اني وياه
بالبيت .. بلعت ريكي.. ما اعرف شلون
نطقتها وشلون طلعت من لساني ..
تقبل تتزوج وحده تحب واحد غيرك؟

_شنوووووووو .. عيدييييي ما سمعت
زين عيديييي ..

_جان يحجي ويتقدم علية... ويعيط
سمعت كلش زين وهذا السبب

_لججج كلج بطول النعال شبسرعة
لحكتي تحبيييين هااااا واني جنت اكول
لارا مؤدبة مو مثل امها لارا تفتهم ومراح
تسوي شي غلط... بالتالي رحتي تزوجتي
واحنا ما عدنا علم ... تعرفين من عرفت
بيج متزوجة وشلون يعاملونج لج ضغطي
ارتفع .. اخذوني للمستشفى.. من صحيت
احس جمرة بكلبي تجوي .. وراها رحت
فوخت كلبي بزوجج وخالتج... من تطلكتي
هم ونزاح من على صدري ... كل هذا
مو بعينج... ردت اتزوجج اقلها تبقين
معززة مكرمة يمي وشحدة الي يأذيج
بكلمة.. ردت اخلي حياتج تتغير اطلعج
من الحياة الي عشتيها... بس انتي دفرتي
النعمة ... ما ردتيها...

_يحجي بعصبية وصياح عروق جبينة
مبينات .. احسهن يردن يطكن.. من
العصبية وجهة احمر .. ويصيح بعلو
صوتة دمعتة نزلت... اول مرة اشوف
هيج موقف... دموعي يجرن لان جرحت
انسان.. بس اني شفت هذا الشي الصح
بالنسبة الي واله... لزمني من زنودي
ويحجي ..

_جاوبييييي شو اخرسيتي .. جاوبيييي
اريد جواب مقنع .. يلا اعوفج بحالج

_اني بية خلل بعقلي... ما افيدك..
ما اعرف ليش حجيت هيج يمكن حجاية
خالتي أثرت بية او يمكن فعلا عقلي
بي خلل ..

_هههههههههههااااا منيلج هاي السالفة
عبريها على غيريييييي .. كلشي ما بيج
احجي منو هذا الي تحبينة ..