مضطربة_عقلياً

البارت 15

💔
اشعر ب اشياء تدخل في عقلي
لا اعلم ربما بداء وقت التعذيب النفسي🥀

مضطربة_عقلياً

البارت_15

🌹 🌹 🌹 🌹 رزان باسم 🌹 🌹 🌹

_من دخلت تفاجأت بينا

صبيحة :- خيرر هاي شتسوين هنا؟

مروة :- اجيت احجي شكم كلمة وياج
واروح ..

_اخذي بنت اختج واطلعي برا يلا
ما عندي حجي وياج ..

_غصبا عليج تسمعيني .. افتهمتي

_الغي خلي نسمع الخرط مالتج!

_شوفي اني ادري و واثقة من هذا الشي
انتي مسوية سحر لبيتنا ومسوية لهاي
الطفلة لذا .. فكي العمل وخلصينا لان
ما فارغتلج ..من وراج هاي الطفلة
كامت تاخذ على نفسها لهذا السبب
رجعت لهنا .. بس قسما بالله اذا
طلعتيها منا لو منا لو دزيتها .. وحق
من خلقج ادفنج هنا وانتي تعرفيني
وافضحج بالمنطقة وحتى اشتكي عليج

_جانت خالتي مروة تحجي وكلبها محروك
جنت اباوع لصبيحة جانت ملامحها مبينة
خايفة من التهديد الظاهر خالتي مسوية
بيها دكة ناقصة قبل ..

_شكلتي هذا الي عندي واذا متقبلين
اوديها بالشارع ولا اخليها يمج اذا
طلعتيها ..بس يهدء الوضع ارجع
اخذها ما ابقيها يمج ابدا

_ماشي اقبل بس عوفيها

_ممنوع تطلعينها وفكي عملج الي شامرتة
على زوجي واولادي .. بطلي سحر وتخريب بيوت .. ما مليتي توبي

_هو لو بيدي جان بطلت

_مبين كلش تردين تبطلين

_هسة يلا ارجعي لبيتج وخليها يمي

_راحت خالتي مروة وبقيت يم خالتي
صبيحة... رجعت لحياتي ورجعت لهذا
البيت الي كلة طاقة سلبية ... طبعا
اني دخلت ب ١٢ .. رحت كعدت برا

جنت كلش ضايجة من تصرف امير
لان ضربني .. والله مو اني والله مو بيدي
ليش ما يصدك .. صارت عندي خوفة
من كلشي وحتى من امير .. حتى من
نفسي اخاف .. الخوف ماخذ حيز جبير
بحياتي .. جنت كاعدة وجان الدنيا غروب

خنكتني العبرة لان ما عندي احد وياي
شفت واحد واكف بعيد عني وجان يباوع
علية .. جان شاب بس سبحان الخالق
على هيج جمال ..

بارق :- هل تحتاجين الى المساعدة؟

_بقيت مصدومة هاي شنو هالسرعة
هسة جان بعيد علية .. رفعت راسي
جانت العيون ملونة بس ما اعرف اوصف
جمالهن .. بيهن لمعة قوية جان الشعر
سرح.. اسود البشرة بيضة الجسم
شي ثاني .. بحيث. نسيت شنو ارد

_هل تحتاجين الى مساعدة؟ لماذا
لا تجيبين ... هل اتكلم مثلكِ لكي تفهمي؟

_ها لا شكرا..