مضطربة_عقلياً

البارت 18

مضطربة_عقلياً

البارت_18

🌹 🌹 🌹 🌹 رزان باسم 🌹 🌹 🌹 🌹

جانوا كاعدين بالصالة.. دخلت عليهم
كرم

_ها ..

_اريد ارجع .. لبيتنا

_ليش..

_خلصت مدة العلاج وارتاحيت هنا
بس .. اريد ارجع

_ما تطلعين منا.. لو على جثتي

_ليش علاج وخلص اريد ارجع

_شتسوين ترحين بهذاك البيت ها شنو
ما تهمج سمعتج تره صرتي جبيرة
مالها داعي رايحة هناك وانوب خالتي. صبيحة
تعرفينها وتعرفين شغلها بعد شكو باقية

_هستوك صرت حنين... هذا الي تسوي
ما يغفرلك ذنبك .. ما راح اسامحك

_قابل لا تسامحيني بس طلعة منا
ماكو ..

_حسيت بخنكة.. اريد ارجع تجمعت
الدموع بعيوني.. فدوة كرم اريد ارجع
تنهد... وكال

_لهاي الدرجة حاقدة علية؟

_مو شغلة حاقدة بس رجعني اوعدك
اسامحك والله

_ماشي يلا كومي .. باي وقت يعجبج
تجين لهنا البيت مفتوح لو بعد سنين

_كمت من مكاني ورحت ركض اخذت
الغراض الي عندي والملابس الي جابهن
الية كلت خاف يغير .. ودعت براق
واموري وطلعت وياه الطريق كلة
ساكتين...

_لارا

_ها

_اريدج تسامحيني من كل كلبج .. لان
الندم وتأنيب الضمير ياكل ويشرب
ويايه وما اريد اخسرج ولا اريدج تصيرين
مثل امي... رجعتج بناء على طلبج ما
اريد تكولين علية متسلط لو لئيم ..
اريدج قوية ولا تخلين احد يطخج..
اعرف خالتي مو راحة واعرف طبيعة
شغلها شنو وين تشتغل و ويامن بس
الي عرفته من زمان هي مالها علاقة بيج
والي خلاني اطمئن اكثر هي خالتي
مروة موجودة .. هناك... بس ثقي راح
يجي يوم اجيبج يمي ..

_ماشي... اني مسامحتك واكولها من
كل كلبي .. واتمنى الكة الامان والسند
يمك واتمنى ما انخذل .. منك.
صح حجيت هيج بس كلبي احسة
مجروح ما اعرف يمكن اني عقلي
يرفض فكرة المسامحة بس كلبي لا...
مشيت ورة كلبي .. استغرقنا وقت
طويل شبعت نوم بالسيارة...

وصلنا للبيت .. كعدني دخل هو ونزل
الغراض شاف البيت جر حسرة وتنهد

_وين تحطين ذني الاغراض؟

_فوك بالمخزن

_تنامين بالمخزن؟

_اي

_ليش؟

_احسن الي من كل شي... اني اريد
اشيل الغراض واريد ارتبة واحط بي
سرير عدنا وره البيت واخلي الي
بس ما اكدر وحدي...