مضطربة_عقلياً

البارت 20

هذه المرة بدأ الألم في عقلي ، أظن أن قلبي قد تلف !🥀

مضطربة_عقلياً

البارت_20

🌹 🌹 🌹 🌹 رزان باسم 🌹 🌹 🌹

_ما تعرف .. شوف هنة كلمتين غيرهن
ماكو... لو تزوج هاي البنية لو اتبرئ منك
كدام العشيرة كلها وحتى من العشيرة
اطلعك

_شنووووووو؟

_مثل ما سمعت غير هذا ما عندي

_يابة غير افتهم شنو الموضوع؟

_ما ربيتك على هيج تختلي ببنات الناس
بالبيوت وتخلي الناس تنهش بلحمها
وهي كل عمرها ١٢ .. علمود نتفادى الكلام
راح تتزوجها لان مو من طبعنا نسوي غلط
ونغطي علية ..

_يابة وحق الله وحق كل كلمة بالقران
ما سويت شي والله يابة ..

_لا والله حجي لكيت البنية مرعوبة
من وراه و هي ما عدها احد غيري كل
واحد حاير بعيشتة.. استر علينا الله
يستر عليك

_بقيت مصدومة عقلي ما يستوعب
اكيد هذا كابوس هسة اصحى منه

_تصدك بيهاااا وانت ما عندك دليل
يابة نيتي صادقة وياها تخيلتها اختي
المرحومة و كمت اعلمها والله ولا مرة
دخلت للبيت لو تجاوزت حدي .. تربيتي
ما تسمح استغل طفلة .. تجي وحدة
مثل هاي تجذب عليك وانت تصدكها

_احترم نفسك اني احترام لاهلك ساكتة
جان شوفتك وجهي الثاني ..

_ميخالف حقج علينا... وان شاء الله باجر
احنا يمكم وراح نعقد عليها .. والعرس
التجهيزات كلها الاسبوع الجاي يناسبكم
هذا مو..

_ميخالف المهم يستر عليها.. البنية
الناس كامت تطعن بيها اقلها تصير يمة
ويكوم يعلمها ..

_لا تخليني افضحكم هنا زواج ما اتزوج
وانوب بكد اختي انت كل عقلك يابة
ترا عمري ٢٨ وهي ١٢ تشوف فارق العمر
لو لا ... مستحيلل

_انجب ولا كلمة تزوجها غصب عنك افتهمت.
محد ضربك على ايدك وكلك روح لبيتها

_اني صافنة مثل الاطرش بالزفة ما مفتهمة
شي ..

_عيني ام لارا روحي .. وان شاء الله ميكون
خاطرج الا طيب

_امشي يمة امشي

_تعجبت شلون انقلبت شخص ثاني
و وجهها فقير .. والدموع اجت جرتني
من ايدي وخلت العائلة كلها تتعارك
دخلنا للبيت ..

_شفتي خالتج شلون راح تخليج تعيشين
مرتاحة... سويت هذا كلة مو علمودج
لا .. علمودي اني ... اريد ارجع الفلوس
الي اكلتيهن .. وبنفس الوقت اسحب
منهم فلوس شوقت ما اريد ...

_معقولة وصل بيها الجشع تبيعني بهيج
طريقة وبهيج رخص .. وتطعن بسمعتي
مستحيل .. ردت ارجع لخالتي مروة..