مضطربة_عقلياً

البارت 14

‏لم يعُد هناك شيئاً مُبهر لقد بهُتت جميع الأشياء..💔

مضطربة_عقلياً

البارت_14

//////////////رزان باسم /////////

_بقيت صافنة بوجه وهو اطول مني
كمت اهز براسي ما اعرف والله ما اعرف
دفعتة وطلعت اركض .. رحت لبيت
خالتي اريد اسحب النفس ما اكدر
احس اكو شي خانكني .. كمت
ارجف ما اعرف شنو اسوي وليش
هيج حايرة .. بعدني ما دكيت الباب
انفتح الباب ... جانت خالتي ..

_لارا؟ شبي وجهج اصفر؟

_ما بية ما بية كمت اتلفت منا ومنا
واختنك كمت ما اسيطر على نفسي
بالصريخ .. كامت تهدئني .. وجانت
لازمتني .. اني واعية بس ما عندي
اي سيطرة على تصرفاتي ..

_شبيها يمة

_ما ادري .. تعال الزمها ما اكدرلها

_لزمني امير .. جنت بقوة عشر زلم عجيب
هاي القوة منين تجي للبشر بهيج مواقف
يمكن الي مار بهيج حالة راح يعرف شنو
اقصد بكلامي ..

_يمة امير الزمها حيل

_يمة متشوفينها ما اكدرلها

_كتف ايدية امير وخلاهن وراية وهو
لازمني من ورة بس ضاغط على ايدية
بكل قوتة وخالتي ترتل الآيات .. ما اعرف
شلون هدئت.. وراها صار عني حالة اغماء

ما اعرف شنو صار بعدها وشنو وضعي
بس الي واعية علية هو اني اسمعهم
بس ما اكدر احرك لا ايد ولا رجل ولا
حتى شفايفي ..

_يمة سودة علية.. البنية راح تروح من
ايدنا اركض للسيد صيحلة

_يمة السيد شراح يسوي يعني حالتها
مال دكتور يمة بطلي سوالفج رحمة
للكعبة .. ما تشوفينها شلون صفر
وجهها وتعبت ..

_لك البنية مسحورة يمة

_لخاطرررررر الله بطلي هاي الخرافات

_هاي شبيها مروة؟

_ما بيها شي بابا تخربطت مثل ذيج
المرة وامي تكول مسحورة

_دسكتي يا مرة سحر شنو لو انتن النسوان
كل تفكيرجن حسد وسحر ..

_لا اله الا الله.. انتو شمعرفكم بهاي الامور
اي موجود السحر والحسد واثنينهم مذكورات
بالقران ..

_والقران يمة اذا رحتي للسيد وكلتيلة
هيج وهيج السالفة اطلع من البيت وما تشوفين وجهي بعد..

_ليش تخليني اصيح يبو... انت ما تفتهم
عوف البنية علية راح تموت من وراكم

_انتي ليش هيج مقهورة مو كلتي امها
سافرت ما تجي هي تتكفل بالموضوع
لو حايرة من حضن لحضن ما تلحك

_رحمة الله والديك وانت كلتها زين اني
اصير ناقصة وما عندي ضمير واشمر هاي
الطفلة هيج وتروح بالرجلين ليش ناخذها
على ذنب امها الساقطة وابوها الكوا...
ليش هااا بدل ما تتكفل بيها انت واني
نحصل بيها ثواب اني اصرف عليها من
فلوسي