مضطربة_عقلياً

البارت 37

مضطربة_عقلياً

البارت_37

🌹 🌹 🌹 🌹 رزان باسم 🌹 🌹 🌹 🌹

اصبر والله هو يفرجها .. فكرت لازم
اكول لمالك عن كلشي علمود ما ياخذ
موقف مو حلو عني واقلها يتفهم حالتي
واذا حب يبقى وياي خيرا على خير
واذا لا هو حر اقلها اريح ضميري.
خلي انام ومنا للصبح الله كريم يحلها
الف حلال ...

ثاني يوم.. كعدت الصبح ومثل كل مرة
نفس الروتين .. جان كرم وجهة ثكيل
عليه ..

_صباح الخير..

_هلا

_تريكت؟

_ما اشتهي طالع ..

_لا خلي اسويلك ريوك..

_ما اريد منج شي...

_شبيك علية

_لعد حلو البارحة فشلتيني كدامة
حلو هيج تسوين وانتي ليش هلكد
عصبية...

_والله ما ادري شنو صار والقران ما اعرف
ما اكدر اسيطر على نفسي ليش ما تصدك

_يعني تردين تقنعيني انو انتي مو بوعيج
اني اعرفج من تتخربطين ومن تعصبين
بس مثل البارحة لا مستحيل كلش فشلت
كدامة..

_ليش ما تصدك اني يايوم خجلتك كدام
احد.. لا بس هاي الفترة من تمرضت ما اعرف
شنو بيه...

_اني رايح اجيب خالتي مروة تجي هنا
كم يوم تبقى يمج

_صدك.. فرحت من كال راح يجيب خالة
شعجب

_شنو شعجب عندي شغلة وما اكدر اعوفج
وانتي هذا وضعج واني بالطريق احجيلها
كلشي

_اني فكرت اكول لمالك علمود ما يكول
انغشيت وليش ما كلتوا علمود يعذرني

_الله كريم.... هسة اني رايح لا تفتحين
الباب لاي بشر تمام..

_ماشي الله وياك.. طلع كرم رحت قفلت
الباب وراه ورجعت للبيت سويت ريوك
الي ولابني واكلنا سوه ونظفت ورتبت
البيت جنت بس اريد اخلص الوقت مع
العلم جنت مريضة كلش مو مال... اشتغل
وغيرها طول الوقت مالك شاغل تفكيري
ما اعرف بلشت اميل اله لو شفقت عليه
لو خجلانه من الموقف الي صار ما اعرف
شنو بداخلي صراعات على حزن على الم
على اكتئاب.. على وجع على حيرة كلشي
مثل العاصفة ... ماكو شي يهدء بداخلي

خلصت تنظيف ورجعت اسوي غدة
بهاي الاثناء صار وكأن مثل المنام صوت
اجاني... (بعدج ما شفتي شي) مثل
الي سطرني سطر الصوت بمجرد ثواني
مرت فز عقلي... اريد استوعب اني اتخيل
لو فعلا اكو صوت بقيت التفت منا ومنا
اجتني رعشة مال خوف سارت بجسمي
برودة تخلخلت عظامي اختنكت بس لازم
ما اوكع.. لازم اصير قوية بجيت لا ارادي
وما اعرف شنو سبب البجي... كعدت بالكاع
صرخت وعيطت لوحدي بجيت ملخت. نفسي