مضطربة_عقلياً

البارت 1

مضطربة_عقلياً

البارت_1

//////////للكاتبة رزان باسم////////////

سيؤذيـك مـטּ ڪآن ٱمانـك يـومآ 🖤

سنة 1998 بشهر الواحد.. الجو بارد
يكص كص.. مشغلين صوبة نفطية وملتمين
داير مدايرها.. والقوري حاطينة على الصوبة

بهذاك الوقت جانت ماريا حامل بنتها الثالثة
لارا.. جانت بشهر التاسع يعني على ساعة
تولد ..

مروة... شعجب بقيتيها

ماريا... ما اريدها شكد حاولت اسقطها
ماكو فايدة كلت بس اولدها اشمرها

مروة... ياااااا عزة بعينج انتي من كل عقلج
متحجي كلمة عيني ابو كرم

ابو كرم:- هو احنا العيشة كوة مدبرينها
خلي تذبها حالها حال اختها..هي اولها
وتاليها لبيت زوجها يعني كلشي مراح نستفاد
منها خلي تولي واذا تردينها اخذيها..

_انت تعرف كلش زين ما اكدر اخذها بسبب
زوجي لان نحس لو تبقى علية اني اخذها
واربيها .. بس تعرف العيشة صعبة واني عندي
اطفال ..

_لا تبقين تتفلسفين .. جان اخذتي
الاولى لو معجبج ..

_انتم الله يسلمكم انطيتوها لصبيحة ..
وما سالتو عليها... ولا تعرفون اخبارها
وانتي تعرفين زوج صبيحة شلون عاملها
هو و صبيحة .. وتعرفين الباقي ولا رحتي وسالتي عليها

_اهوووو ولله مالي خلك سوالفج .. بعد
راحت طبها مرض واهاي هم راح تلحكها
مالي خلك اربي هسة لو جايني ولد جان
ميخالف .. بس بنت ..

_مستحيل انتي ام ولا ذرة رحمة عندج
شوفي يا ماريا.. غصبا عليج تربينها
واذا شمرتيها راح يكون مصيرها مثل اختها
وانتي تعرفين شنو اقصد.. قسما بالله
بس تذبينها.. تعرفين ميحتاج احجي

_انتي منين طلعتيلي هاا ما راح اذبها
بس اسكتي

_شنو اكو شي اني ما اعرفة

_انت معليك لا تتدخل النا ساعة نتعارك
ما حجيت ولا تدخلت من صارت كم حجاية
اجيت تتدخل...

_الكل سكت ماريا انكلب وجهها البيت هدوء
ماكو غير صوت استكان الجاي... يمكن
ما مرت ١٠ دقايق جان تصيح ماريا

_الحكونيييي ولج مروة... ااااخخ بطنيييييي
يمكن راح اجيب

_رحت ركض لبست العباية ورحت اركض
جانت الدنيا مطر والطريق طين .. رحت
لبيت القابلة جبتها واجيت .. رحنا ورجعنا
و ماريا تلوب من الوجع... مر الوقت وجابت
ماريا .. كملنا كلشي اجيت اغسل للطفلة
تفاجات بجمالها .. سبحان الله.. يعني
الام صح حلوة بس هاي عليمن طالعة

_اخذيها ذبيها برا ما اريدها

_طلعي صدرج خلي ترضع الطفلة  لاتصيرين نحسة لج باعي الجمال كل هذا وتردين تشمرينها