مضطربة_عقلياً

البارت 7

💔ألــــف وجــــع بـــ ألــــف ذكــــرى بــــ ألــــف غـــصّـــــة والــقــلــب واحــــد 😔💔. . .

مضطربة_عقلياً

البارت_7

////////////////رزان باسم /////////////

صار وجهة بوجهي والعيون صفر ما اعرف
اوصف جمالهن .. بقيت متعجبة بجمالهن.
بحياتي مشايفة هيج جمال وجانت العيون
مثل عيون البزونة الي اشوفها... حسيت
بسكون وحسيت نفسي بغير عالم ..

فجاة واختفى وكان حلم .. مستحيل
الي شفته حقيقة ..

حسام :- ايدي توجعني متصير زينة

_هي بس ايدك اني رجلي موتتني

_باوعت عليهم ما اعرف شنو اكللهم

_لا عبالج نسيت بس خلي تصير رجلي
زينة . اريد اشوف منو تصلي والله
اله انهيج..

_جنت بحالة دهشة مستحيل اكو ام
تمنع بنتها من الصلاة .. ما جاوبتها

جان تجي صبيحة . ام السحورة

صبيحة :- اكلج ماريا

_خير!

_شنو تكولين لو اسويلج حجاب
يخلي كلمن يشوفج يجي يركض وراج
واخلي حتى بنتج تطيعج

_دسكتي حجاب تكتبين شخابيط والعالم
تصدك.. ما اريد

_لا تخافين بلاش مو بفلوس بس جربي

_هاا.. انتي هيج تكولين

_اي هيج اكول  .

_تمام

_جنت اسمع كلامهن بس ما جنت اعرف
الحجاب شنو   .. راحت امي جان تكول
خالتي وجانت عادي تحجي كدامي ما اعرف
ليش مطمئنة ..

_اله انتقم واخليها تسجل البيت باسمي
واخليها تنطيني فلوس اله اندمها ..
حتى انتي راح اسويلج واحد .

_بقيت صافنة ما افتهم شنو تقصد
بكلامها .. شنو تسويلي

_حجاب ماما علمود يحميج من كلشي

_بس الله هو يحمينا

_اي اكيد بس هذا اقوى

_لا خالة مروة كالت الله اقوى من كلشي

_محد خربج غير خالتج الدينة كوة
تسوي روحها متدينة ... على العموم
معلينا هو حجاب ميأثر عليج ..

_بقيت ساكتة .. جنت مفكرة اروح لخالتي
بس شلون ما اريد امي تدري لان
راح تبقى تسال... جان الدنيا ليل اجلتها
على باجر... رحت كليت بتية .. وطماطة
نفس الاكل كل يوم.. وامي تجي ماكلة
من برا وصار هذا الاكل ميعجبها ..

حطيت الي ولخالتي .. كعدنا بالكاع
وحطيت الصينية كعدت اريد امد ايدي
شفت العجب .. شفت شياطين داير مدايرنا
وجانو ياكلون .. نسيت كلمة بسم الله الرحمن الرحيم .. لان خالتي مكالت بشلت تاكل
هيج .. بسرعة تذكرت وكلت بصوت
عالي بس جنت خايفة .. باوعت الكل
اختفى .. جانت خالتي بذاك الوقت
تشك بية اشوفهم .. جنت ارجف منهم
بس كوة اقوي نفسي ..