مضطربة_عقلياً

البارت 5

مضطربة _عقلياً

البارت_5

/////////////////رزان باسم /////////////

_بهاي الاثناء وهنا بحالة نقاش كمت
اسمع اصوات كمت اشتم ريحة .. بس الاصوات والريحة زادت عن حدها اي
مو مثل اول ما اجت هاي المره ..
اجاني صوت قوي كلش من الجهة
اليسرى مالتي ... التفتت وشفت
الي بحياتي مشايفتة ..

_شفت نفسي بأقبح صورة .. لا هاي مو
اني بقيت دايرة وجهي وصافنة من الخوف
حتى ما رمشت .. منو انتي والسؤال جان
بداخلي .. مجرد هذا السؤال انشمرت
على الكاع .. واحس نفسي بين الفاقدة
الوعي وبين لا .. جنت اسمع حجيهن ..

ماريا :- يااا هاي شبيها وكعت؟

_ما اعرف احتمال داخت ... هسة معلينا
تعاي خلي نتفق .. اعرف بيج تردين فلوس

_اي اكيد احتمال اسافر وهناك استقر

_اكول شو انتي ما سالتي على بنتج. الجبيرة

_مو علية.. هاي سوالفج تدرين بية انتي
ما ردتها وشمرتها عليج بعد ليش تذكريني
وبعدين هاي بنتج .

_لا مو ردت اكلج ترا ماتت .

_عادي كلنا نموت الله يرحمها ..

_هو ردت اختبرج علمود كم شغلة الظاهر
كلبج صاير اقسى من الحجر.

_لا وين بس تعرفيني اني رقيقة وحساسة
بس من ناحية الاطفال ماكو اي شعور

_المهم مو هنا السالفة .. اسمعي من هسة
احذرج اذا لعبتي بذيلج تنفضحين ..
واخلي اهل المنطقة يشردونج منا .

_سولفي .. اسمعج 

لارا:- من اغمى عليه محد منهن اجت
صحتني ولا حتى شافتني .. ثواني
ورجعت صحيت بس ما كمت لان جنت
اريد اسمع على شنو يتفقن .. واريد
اشوف شغل هاي المره شنو .

صبيحة :- شوفي تعرفين الاوضاع ومن
مات زوجي زادت الاوضاع سوء  لذا
اني قررت اشتغل .. ورحت لشيخ روحاني
هم يصيحولة معلم.. طبعا صديقتي من
ذني الي يعالجن الناس وهي دلتني ..
ورحت عليهم .. وعلمني وفهمني هواي
امور .. وشلون نعالج الناس .

_شيخ... يعني شيخ .. لو شيخ من نوع ثاني

_شنو قصدج؟

_لا سلامتج ماكو شي ...

_خليني اكمل .. المهم تعلمت وصرت
كشافة وبنفس الوقت اسوي حجابات 
وافيد الناس وفلوش كرف براس الناس

_همممم وترديني اعوف شغلي واصير
مثلج اييع ..

_اني ما اريد منج غير تنطيني اتصرف بيتج
لان بيتج الاجواء الي بي مناسبة للشغل
حتى يشتغل بسرعة

_يعني معلية بيج بس كلشي تستلمينة
بالنص الي والج.. اعتبرة ايجار البيت

_تمام.. زين بعد شغلة