مضطربة_عقلياً

البارت 9

::لـقـد ڪانو بار؏ـين في ترڪي وحيدۿ ! 💔🖤🥀

مضطربة_عقلياً

البارت_9

/////////////رزان باسم /////////////

مالك :- اطلعييييييي بررررا وجه الشؤم
من اجيتييييي راح ابوية

_تفاجأت وعقلي ما يستوعب الي سمعتة ..
اجة علية وجرني من ايدي ..

_اطلعييييي براااااا اطلعيييي لا توصلين
لهنا

_جان يجر بية من ملابسي . ما اكدر استوعب
جانت الدنيا ليل..

مريم :- عوفها الله يخليك هي معليها

_وخرررييي من كدامييييي

_دفع اختة وطلعني برا وسد الباب بوجهي
كل هذا ما مستوعبة الي صار .. عقلي
واكف . بقيت واكفة بالباب جان الشارع اظلم
اخاف ارجع وحدي. يمكن مرت ثواني
اجة فتح الباب ..

_ادخلي

_بقيت واكفة حسيت بالذلة هنا ..
لو بس اكدر ارجع جان رجعت .. بس اخاف

_اعتذر صارت بوجهج .. ادخلي لا تبقين
واكفة ..

_فتح الباب ودخل بقى الباب مفتوح
اجت مريم.. تحاول تعتذر عن تصرف
اخوها.. بس احس كلبي ميريد يسامح
ولا حتى يعذر كلش كرهتهم ..

_ادخلي جوة عفية والله ميقصد اجت
بوجهج. مقهور على بابا ..

_دخلت جوة بس جنت مستحية.. اني
شورطني وبقيت يمهم .. بقيت ساكتة
اريد اروح بس اخاف .. عفية مريم اريد
اروح والله هسة ماما تذبحني ..

_هسة اكول لاخوية ..

_راحت يمكن مرت دقايق اجة هو ..

_يلا امشي.

_رحت اركض مشيت .. هو يمشي
واني وراه اخاف اصير بصفة ..

_شبيج خايفة ترا ما ناكل بشر.

_محجيت شي ..

_امج مو ماريا.؟

_خفق كلبي من كال هيج... اي

_ممممم يعني انتي مثل امج

_شلون يعني مثل امي .

_لا ماكو شي ..

_وصلني لباب البيت .. جان يتقرب علية
صار وجهة بوجهي .. احس حرارة طلعت
من وجهي ما اعرف ردت اتخربط من الخوف

_امج مو هلكد حلوة انتي منين جايبة
هذا الحسن..

_بقيت صافنة بوجهة .. ابتسم بخبث
وراح .. دخلت اركض من الخوف ..

حسام :- وين جنتي؟ لنص الليل يلا جاية
ومنو هذا الي وصلج لباب؟  بعدج بطول
النعال وتواعدين شباب

_انت معليك خوش لا تسوي نفسك
الناصح الي ماكو منة وبعدين هذا اخو
صديقتي وصلني اشوفك انت امي سالتو
علية . لو خالتي الحمد لله ولا واحد
افتقدني وكال وين راحت .. بهاي
الاثناء نزلت امي ..