مضطربة_عقلياً

البارت 16

حتى النوم حين يَراڪ مُتعباً يهجُرڪ !💔

مضطربة_عقلياً

البارت_16

🌹 🌹 🌹 🌹رزان باسم 🌹 🌹 🌹 🌹

اندك الباب قوي طلعت فتحتة وجانت
الصدمة جبيرة ..

_مستحيل هاي صدفة؟ بقت صافنة
بوجهي

ام ايمان :- ام مالك هنا؟ ودفعت الباب ودخلت هي والبنية الي وياها

_بعدني ما حجيت دفعتني ودخلت هاي
شتصير منهم

_ام ماااااالك وينجج خيةةةة

_هلا ام ايمان تفضلي حبيبة ..

_دخلت وبوست ام مريم ..

_شلون صارت مريومة ولج عيني كلبي
طاك عليها اليوم رحت رزت ودعيتلها
عمت عيني عليها بعدها شابة

_هي حجت هيج وخالة ام مالك شبعت
بجي

_اي والله انكسر ظهري البنية دتروح مني
وما اعرف علتها وين ..

_حطت الفوطة على عيونها وتبجي
وسمية هم تبجي ..

_اكلج حبيبة هاي البنية منين احس
نفسي شايفتها بس ما اعرف وين

_هاي رفيجة بنتي ... تجي عليها الله
ينطيها العافية ..

_هاا

_جانت تحجي وتباوع علية من فوك ليجوة.
ياربي شسوي احجي راح يطردوني .. اذا
ابقى ساكتة.. حرام علية مريم تتاذة من وراية
بقيت حايرة شسوي ما متأكدة اذا جانت
تسوي سحر فعلا لو جاية على خالتي بشغل

بقيت اراقب حركاتها ..

_اكلج حبيبة؟

_كولي

_اني اعرف وحدة خوش علوية تعالجها
هذا السيد ما يفتهم شتكولين ناخذها

_منو هاي العلوية وين صايرة؟

_بهاي المنطقة مو بعيدة عنكم .. علوية
صبيحة

_علوية صبيحة؟ اول مرة اسمع بيها

_شلون علوية بعدج ما حاجية تحجي
قبلج .. وتكلج على كلشي

_علواه ياريت

_ناخذها هسة؟

_لا خليها على باجر ما تشوفينها متخربطة
ولحد الان يعالجون بيها... اقلها تهدء باجر
والله كريم  .

_جنت كاعدة واسمع لكلامهن جان يطلع
مالك من الاستقبال وصاحني .. رجف كلبي
من الخوف ..

_تعاي لارا.

_ها

_تعاي السيد يصيحج

_بلعت ريگي ودخلت سلمت ودخلت
جانت مريمة وجهها شاحب .. وذبلانة
جانت بس عبارة عن جثة ميتة ما تحرك
لا ايد ولا رجل .. بس تحرك بعيونها
جان السيد كاعد يمها وفاتح القرأن وجان
يمة اوراق وقلم ..