مضطربة_عقلياً

البارت 21

الصمت لم يعد علامة للرضا!! بل اصبح علامة للألم..👌(تعويض الكم هذا البارت)

مضطربة_عقلياً

البارت_21

🌹 🌹 🌹 🌹 رزان باسم 🌹 🌹 🌹

لارا :- طلعت لكيتهم كاعدين بالصالة
حجت خالتي بس شافتني

_هلا بنورها...

_جانت تضحك بمكر .. باوعت عليهن
جانت الملامح مبينة هم جايين بس
شلون محد يعرف عبالك وتحد غاسل
ادمغتهم ..

_هلا بجنتنا الحلوة تعاي اكعدي يمي

_رحت غسلت وجهي ورجعت يمهن

_هسة هاي هي هذا الاسبوع العرس
لان احنا مجهزين كلشي تمام

_انصدمت .. بس اني رحت لعمو
وكلتله ما اريد .. وفهمتة

_الولد يريدج واحنا هم نريدج

_باوعت لخالتي لكيتها مبتسمة بخبث
شغلها هذا كوة تشمرني عليهم ..

_اودعانكم ..

_طلعن وطلعت وياهن خالتي وجانت
واثقة من نفسها ..

_شفتي يالعوبة خليتة يكتل نفسة عليج
واجو غصب عنهم ومنهم مو منا... بعد
شتردين وراح يكوم يحبج هم ..

_بس اني ما اريد اتزوج!

_غصبا عليج تتزوجين مفهوم... لو لا

_حجت هيج وعافتني حايرة بنفسي
وراحت .. رحت طلعت بدون متدري
ورحت على خالتي .. ركض لازم استعجل

وصلت البيت دكيت الباب محد فتحلي
ردت اكسرة من الدك... بعدين تذكرت
هم راحو لكربلاء علمود امير .. والعائلة
هنا انتابني يئس.. كعدت بالكاع وابجي

وين اروح وييننن .. رجعت للبيت
واني بحالة يرثى لها  دخلت غرفتي
وطلعت مرايتي واحجي وية نفسي
جانت عندي مراية صغيرة .. باوعت
على نفسي هواي متغيرة .. يعني
الي بكدي يكون شكلهن حلو ..
مرتبات شو اني بحياتي كلها ما مرتبة
نفسي ولا اعرف شلون يرتبن نفسهن
ولا اعرف اختار ملابس حلوة لو البس

اني وين من هذا كلة وين عايشة
اني.. وراح اتزوج واني ما اعرف
عن الزواج شنو.. جان كل ظني الزواج.
بس بدلة بيضة وموسيقى وبس ..

_لاررررررررااااااا

_اجيت .. ها

_وجعا امشي سوي جاي راح يجون
علينا الزلم وابوج هم راح يجي تعرفين
واعتقد راح يجيب عمامج بس من
هسة اكلج .. اذا سالت كليلة موافقة
اذا كلتي لا... يا ويلج بسرعة اكلة
لكيتها ويه ابنهم واكفين سوة تعرفين
ابوج بحياتة ما وثق بامج يعني بس
اكلة هيج راح يكول طالعة على امج
وهنا يحط طلقة براسج ويكللهم غسل
عار والناس مراح يحجون شي تره
نبهتج .. خاف تكولين خالتي ما نبهتني