مضطربة_عقلياً

البارت 12

‏رباهُ إني ضائع والأرضُ في عيني تضيق💔🥀

مضطربة_عقلياً

البارت_12

//////////////////رزان باسم ////////

لارا :-

شفت واحد واكف يم راسي بس جان
الشوف عندي مغوش كلشي ما اميز
انمدت ايدة على وجهي .. انمسحت
دمعة نازلة من عيني .. انهضمت بالزايد
وكمت ابجي .. كرهت روحي من هاي
حالتي .. انمسح على راسي فقدت
ما ادري بعد شنو الي صار ولا منو
الي جان يمي لو جنت بحلم  ...

ما اعرف شكد بقى مغمي علية ..
بس جنت مكان اظلم وشفت وحدة
لابسة عباية هي مرية عجوز .. جانت.
تخوف  اجت علية وخنكتني بطرف العباية
جنت مختنكة... اريد ابعدها ما اكدر.
فجاة طلع هذا الشاب نفسة .. اجة

يتعارك وياها .. جانت الاصوات مثل ضرب
سيوف او هيج شي الاصوات جانت عالية.
وقوية .. ما جنت اميز منين الصوت جانت عركة قوية ما اعرف شلون كدر يبعدها
عني .. اجة علية ..

_انتِ الان بأمان .. لا تقلقي.

_فزيت من مكاني لكيت نفسي عركانة
ونفس مكاني ونفس النومة .. بس جان
جسمي مكسر ما اكدر احرك اي جزء منة
ألم .. مو طبيعي .. كوة كمت. لكيت
خالتي جاية .. العجيب بالموضوع انو
خالتي لا كومتني ولا حتى شافت شبية
ما بية .. عادي كأن حيوان مشمور يمها
مو بشر ..

صبيحة :- لارا ليش ما فتحتي الباب؟

_جنت كوة مركزة حتى مالي خلك اجاوبها

_ليش ساكتة؟ مو احجي وياج

_ما جاوبتها سويت بيها مثل ما سوت
بيه كمت من مكاني وطلعت برا باوعت
للسماء نزلت دمعتي .. دمعة وحدة مكسورة
ومخذولة . وضايعة ما تعرف شنو تسوي

ياربي وين اروح وين والله تعبت اريد
اشرد .. لا احسن اموت روحي واخلص
لا ميصير جنت احجي واجاوب نفسي
احس كلبي يوجعني  . والخنكة الي
بصدري محد يحس بية .. احسن شي

اشرد منا وما ابقى هنا بعد.. بس وين
اروح وين ... جنت كاعدة وافكر
احس روحي تلوب ومخنوكة وتعبانة
بس ما اعرف ليش .. بهاي الاثناء اجت
امي .. جنت اتمنى احضنها واسولفلها
كل الي يدور بداخلي .. واتمنى تحضني
وتخاف. علية بس عبث اعرف بيها
قاسية .. ولا تهتم الية ..

ماريا :- تعاي .. عندي حجي وياج انتي
وخالتج

_جانت كاشخة على اخر حباية والعلج
بالحلك واللبس القصير .. والكعب ..
جان الي يشوفها يتعجب بجمالها

دخلت للبيت راحت صاحت لخالتي...
لكيتهن كاعدات سوة

_ديلاااا شكد روحج طويلة  .. يلا مستعجلة
هنة شكم حجاية واريد اولي منا

_احجي خلي نشوف شعندج

_باعي صبيحة اني هذا البيت راح ابيعة
الج .. هو الي موجود بي .. بعد ما اريد
هذا البيت .. رايحة اسافر وية شخص
ولارا هم اخذيها .. يمكن بعد ما ارجع
شتردين تسوين بيها سوي ما اريد
اي شي من هذا البيت  ...