مضطربة_عقلياً

البارت 32

#مضطربة_عقلياً

البارت_32

🌹 🌹 🌹 🌹 رزان باسم 🌹 🌹 🌹

_رحنا للغرفة... ما لحكنا نكعد هواي
سمية شويه وكالت هسه اجي... مريم
نفس حجايتها اني بقيت بالغرفة وحدي
انتظرهم مريم كالت راح اخليلهم ضيافة
غير الجاي سمية عذرها عدها شغلة
ويه امها واني الي اجيت عليهن بقيت
كاعده وصافنة منتظرتهن...

شويه وانفتح الباب... مدنكة رفعت
راسي وتفاجات بي...

مالك:- شلونج؟

_تفاجات بدخول مالك للغرفه بدون ميدك
الباب... ارتبكت ما عرفت ارد بقيت ساكتة
مدري شصار بيه يمكن من الصدمة.

_شبيج ساكتة ليش متجاوبين..

_الحمد لله بخير

_بس ممبين عليج هيج؟

_لعد شنو الي مبين علية؟

_العكس وجهج مو نفسه ولا حتى شكلج
ولا حتى عصبيتج ولا اي شي من الي
قبل... كله عكس تماما

_وانت شمدريك.. تريدني اعصب عليك
عادي ما عندي مشكلة هسة اعيط
واسويلك بلوة روح منا عيب من خواتك
خاف يجن وياخذن نظرة محلوة علية

_لا تخافين غير متفق وياهن اريد احجي وياج.. شغلة واروح

_خفت من كال هيج بلعت ريكي وسويت
نفسي قوية بس بداخلي كلبي يرجف
كل اعضائي ترجف من الخوف

_احجي لو لا مستعدة؟

_هزيت راسي لان اريد اعرف شنو
يريد يكول الفضول يقرأ الف

_شوفي يا بنت الناس راح اجيج
من الاخير اني رايد اتزوجج تقبلين بيه؟

_بقيت بصدمة جبيرة لان احس عقلي
ما يسوعب الي صار وبحياتي ما مارة
بهيج موقف

_خلي اوضحلج اني من اول يوم شفتج
اجيتي يم مريم وسمية.... لفتي انتباهي
راح تكولين جنت طفلة.. بذاك الوقت اي صح
جنتي طفلة بس حبيت اعرف انتي
منو وين تعيشين وحياتج شنو لذا
اعترف كلما جنتي تجين يم البنات جنت
اتسمع عليجن واسمع كلامجن لان جنت
اخاف على خواتي. عندي ذني روحي
من الدنيا .. لذا جنت افكر بيني وبين نفسي
انو انتي مو خوش... جنت اخاف تعلمينهن
على غير أمور.. جنت اعرف تحبين
ابن خالتج بس ما جنت اعرف يا خالة
منهم الى ان عرفت كل تفاصيل حياتج
وبعد تحليلي بعرس اختي الي جنتي
تحبينه قبل هو امير.. وعجبني موقفج
من ضحيتي بسعادتج في سبيل لا تخربين
العلاقة وجانت عندج فرصة ترحين
تعترفين اله.. بس ما سويتي وضميتي
هذا بكلبج... وكابرتي ودستي على نفسج
في سبيل تشوفين غيرج فرحان .. ومع
هذا بقيت اراقبج .. وكلما تجين اسمع
لكلامجن جانت غايتي هي اسمع اخبارج
انتي.. من عرفت امج مو خوش ولا ابوج
.. تخيلت انتي مثلهم وجنت دائما انتظر
الفرصة الي تسوين بيها غلطة علمود امنعج
من خواتي بس ثبتي العكس تماما
خليتيني اتعلم هواي امور منج... رغم
صغر عمرج  .. لذا شفت نفسي يوم عن
يوم اتعلق بيج واحس بشعور حلو من
تجين لو المرتين الي حصرتج بالبيت وخليتج. تجهزين الاكل جنت اتمنى يوكف الزمن هنا
وما ترحين جنت اتمنى متزوجج واربيج
على ايدي.... بس مع ذالك والنعم من
تربيتج... يعني انتي البنية المثالية
بالنسبه الي لان كدرتي تطلعين احسن
من ابوج وامج.. صحيح عندي كومة
حجي وياج واتمنى ما يخلص
الوقت.. اني ما عندي فرصة .. احجي. وياج.
بيها اني من زمان موصي البنات واثنينهم
يدورن اني رايدج وخصوسا هسة
كبرتي مو مثل قبل جنتي طفلة وما جنت
اكدر احجي وياج خاف ما تفتهمين معنى كلامي لذا ومن النهاية اني احبج ...