مضطربة_عقلياً

مشهد

- اللهي أنا لست بخير مُتعب ومحطم وممزق بالكامل اشعربالحُزنِ والألمِ والمواجع والانكسار والضياع والتشتت والأنين وكلها في أنً واحد لا أقوى حتى على البكاء أللهي انني احترق حد الرماد🤍.

مشهد صغيرون 🙂

لارا...جنت اباوع لنفسي بالمراية.. بالليل
شفت وجه طلع بالمراية .. انرعبت
باوعت وراية ماكو احد رجعت اباوع
بمرايتي هم ماكو شي .. تنهدت
اكيد متوهمة .. تعبت على كد ما افكر ..

رحت مددت على السرير وصافنة ليفوك
جانت غرفتي ظلمة وبارده بيها بصيص
مال ضوة.. الصالة .... جانت غرفتي عبارة

عن مخزن قديم جنا نخلي بي الاغراض
نظفته َرتبته وخليت بي اغراضي وسرير
حديد عدنا قديم هم اخذته و فرشت فرشة
عليه وخليت دوشك اسفنج ورتبته ونمت

اريد اخلص من حياتي من واقعي.. من
المستنقع الي عايشة بي .. بين الحلم
واليقضة سمعت صوت يناديني ..

انسيتي الجميلة ..
كيف حالكِ هل ما زلتِ بخير لأجلي؟!

لارا... الصوت جان همس كعدت فازه من
منامي لكيت نفسي عركانة واحس ببرودة
تخلخلت عظامي ... شنو هذا الحلم؟

___________________________

‏"لأول مرة أشعر بأن الطريق إليك بات منقطعاً، لأول مرة أشعر بأنك لا تخُصني"🖤✨

مشهد.. صغيرون🙂

جنت ممصدكه تحقق حلمي اخيرا
تزوجنا لبست البدلة البيضة للشخص الي
احبة.. تعبنا بحبنا اول مدخلت البيت
وهو لازم ايدي والموسيقى والناس جنت
طايرة من الفرح..

بعد تعب ومعارضات راح نصير سوه خلصت من مستنقع اهلي خلصت من مرضي راح اعيش مثل اي بنت طبيعية ... اول مدخلت الغرفه غابت الضحكة عن وجهي... شكد جنت فرحانه بس حسيت بشي غريب فجأة وبدون سابق انذار

اختنكت .. وكمت اشوف مالك شخص ثاني.
اجة على مسامعي نفس الصوت .. لا يربي
ما اريد ارجع مثل قبل..

لارا... لا تتقرب مني اطـــــلع بـــــرااا
ما اريد اشوف وجهك اطلع...

مالك... شبييييج تعيطين شمسويلج...
لج مو احنا صار سنين نتتظر هاي اللحظة
شبيج....

لارا... اكرهك لا تتقرب ما اريد ماريد ما اريد

مالك... اصحي كااااافي كااااافي.. لج تعبت
تعبت تعرفين التعب شنو...

لارا... والدموع على خدها وهي مكرفصه نفسها على الجربايه .. والشهكة بزردومها
طلكني اكرهككك..

مالك...؟؟؟

🌹🌹🌹🌹

هلو حبايبي شلونكم ان شاء الله بخير
رجعت وياكم بقصه حقيقه 100٪..
وصاحبة القصه ويانا... قصه حلوة
ان شاء الله تنال اعجابكم .. قريبا...

(مضطربة_عقلياً)