مضطربة_عقلياً

البارت 35

مضطربة_عقلياً

البارت_35

🌹 🌹 🌹 🌹 رزان باسم 🌹 🌹 🌹

_لارا..

_اجيت اجيت... دخلت لكيت الولد
كاعدين وكرم وياهم ومالك ..

_يابه هاي كدامهم هذا مالك رايدج على
سنة الله ورسوله... يابه شتكولين

_بقيت بحالة صدمة لان ما توقعت بهاي
السرعة .. راح يتقدم بقيت ساكتة
جان يحجي امير..

_عوفها تفكر كدامها اسبوع وهي تنطيك
الجواب لا تستعجل.. وانت هم كرم اذا
تحب تسال عليهم ولو ميحتاج بس علمود
تطمئن ..

_تمام روحي لارا.

_طلعت والدمع متجمع بعيوني .. ما اعرف
ما اريد اتزوج وما اعرف شنو شعوري اتجاه
مالك شعور كلة انانية ما اريد اخسر وما اريد
اتزوج وما اريد يتزوج غيري... هاي شبية
اني شو كمت اخربط.. طلعت رحت
غيرت ملابسي ورتبت اغراضي  وتمددت
اتنظر الصلاة.. ما اعرف شنو هالخوف
الي بداخلي والتردد هذا... جنت متمددة
وصافنة للسقف .. اجت علية سمية

_اكعدي خلي احجي وياج شوية وانتي
قرري بعدها..

_نزلت دمعتي مسحت الدمعة وكعدت
مقابيلها

_شوفي لارا اعتبريني اختج واسمعي مني
لحد الان ما سولفتي عن ظروفج الي
مريتي بيها يم اخوج... تمام بس ثقي
بالله مهما تكون راح نوكف وياج اني وامي
واخويه واختي.. اريدج تفكرين بس
انتي باوعي للشغلة من جميع الجوانب
شوفي الصح الج شنو و سوي حتلو
انتي مراح تردينه بس بعدين راح تتعودين
عليه لا تبقين هيج محد راح يبقى وياج شو انتي لا اب ولا ام وبس اخوج وهم يجي يوم ويتزوج بالاضافه تذكرين براق شسوت بيج
الي راح تجي مراح تعرفينها مو صح... لا تضوجين مني بس لمصلحتج ليكون بعلمج
مالك من اول يوم اجيتي بي ودكيتي الباب
بقى يراقبج وبقيتي بالة لحد ما كام يموت عليج وبس يريد فرصة يكلج بيها بس
متردد من ردة فعلج. يتخيل انتي عدوانية
ومراح تتفهمين اني ومريم من زمان ندري
بي هو كال احجن وياها بس احنا ما حجينا
انتظرنا الوقت المناسب محد يجبرج
على شي انتي اذا قبلتي راح تبقين سنة
مخطوبة اقلها يتعرف عليج هو لكة شغل
ثابت بكربلاء وعلمودج طبعا بس ما حصل
فرصه بالاضافه هو يعتبر غريب عليج بينما
اذا عقدتوا راح تكدرين تتعرفين عليه واذا
ما عجبج تكدرين تفصخين كلش عادي
انتي كدامج اسبوع تفكرين بي.. ما انصحج
بالرفض ابدا والله.. انتي اختي وما اريدلج
غير الشي الزين... اني رايحة وانتي فكري

_تمام الله كريم.. طلعت سميه وبقيت
بحيرة بعد اكبر حسيت نفسي اريد
وما اريد .. حسيت نفسي بحالة مجبرة
اوافق علية في سبيل ما اكسر بي لان
ببساطة عايشة شعورة .. الحب من طرف
واحد .. نذير ما قبلت بي لان اعتبرة اخ
هذا حتلو كلت مثل اخوية محد راح يصدك
بيه لان غريب علية .. رجعت تمددت
وغفيت شوية حسيت نفسي اريد انام