مضطربة_عقلياً
البارت_28
🌹 🌹 🌹 🌹 رزان باسم 🌹 🌹 🌹 🌹
_ورة ساعة تقريبا سكت ابنهم هم بقت
ساكتة ما حجت شي. جابت الضيافة
هم راحوا واني بقيت يمها
_شعجب اجيتي؟
_استغربت من سؤالها؟ كرم كلي شوقت
ما تردين تعاي
_هلا بيج عيوني مو قصدي اسالج هيج
بس استغربت لان اعرف بيج ما تندلين
بيتنا...
_ها اي ابتسمت ابتسامة كاذبة.. من هسة
ما تبشر بخير ...
_تتغدين؟ لو ننتظر كرم
_لا ننتظرة جان ابنهم كبران يخبل صاير
_هاي عمة.. تعال
_اجة علية وهو دبدوب يخبل... والخدود
تخبل وردية بيضة... مر الوقت واني
العب ويه ابنهم ..
كرم :- هااااا هاي منوووو هنا؟
هلا هلا
_رحت كبل حضنتة جنت حيل مشتاقتلة
فعلا... ما اعرف محتاجتة ..
_شلونج ولج شعجب
_وين اروح اريد اشرد اجيت عليك
_خير شكو؟
_ها بعدين نسولف خلي نتغدة
_براق وينج يمعودة...
_اجيت حبيبي
_غدة يمعودة ميت جوع
_تدلل
_رحت ساعدتها بتجهيز الغدة. جان وجهها
شوية ثكيل ما اعرف يمكن متضايقة
من تواجدي .. لا اكدر اسال لان ما صار
ساعات من اجيت .. ما ترهم احجي
هسة اخليها يوم يومين وبعدين اكللها
اذا جانت متضايقة بهيج حالة راح
اتبهذل ..
جهزنا الغدة وكعدنا ناكل جانت مسوية تمن
ومركة بامية .. صار شكد هواي مماكلة
منها وخضرة... ناكل ونسولف
_اي شكو ماكو... همزين من اجيتي
صار يومين ابالي اجي عليج صار
هواي مرايح عليج
_لا هو اني من زمان اريد اجي عليك
بس ما اندل.. وخالتي جابتني
_اي خالتي تندل البيت من جان امير مريض..
لكيتهم صدفة بالامام... بس امير ما اجة
لان جان يريد يبقى هناك بالامام
_ اي كلتلي خالتي...
_اي صبيحة شخبارها؟
_صبيحة بعدين اكلك اخبارها ما اعتقد
راح تفرح اذا سمعت عنها
_خو ماكو شي؟
_لا .. خلصنا الغدة ونظفنا المطبخ
جهزنا الجاي شربنا كل الوقت زوجتة
ساكتة اخذت الطفل وراحت للغرفة
_اي تعاي سولفي كلشي
_اجيت هنا ابقى يمك يعني مو يوم ويومين
يمكن منا لمن اتزوج... ما اعرف اذا راح
ترحب بيه لو لا.. بس ما عندي مكان
أنت تقرأ
مضطربة_عقلياً
Spiritualitéلارا...جنت اباوع لنفسي بالمراية.. بالليل شفت وجه طلع بالمراية .. انرعبت باوعت وراية ماكو احد رجعت اباوع بمرايتي هم ماكو شي .. تنهدت اكيد متوهمة .. تعبت على كد ما افكر .. رحت مددت على السرير وصافنة ليفوك جانت غرفتي ظلمة وبارده بيها بصيص مال ضوة.. الص...
