مضطربة_عقلياً

البارت 23

الخيبات لاتُنسى، والجروح التي بهذا العمق لاتُرمم".

#مضطربة_عقلياً

البارت_23

🌹 🌹 🌹 🌹 رزان باسم 🌹 🌹 🌹 🌹

لارا :- بقيت يم خالتي.. ما رجعت
للبيت .. جنت خجلانة منهم لان تزوجت
بدون ميدرون بس بعدين هم وضحوا الامر
الشخص الوحيد الي مقهور كلش هو
نذير .. بقيت يمهم على الغدة...

صار اذان الظهر .. رحت لغرفة حور
اصلي .. باوعت علية ودارت وجهها
ما اهتميت شسويلها... كملت صلاتي

وطلعت اريد اساعد خالتي.. سمعتها
تحجي وية نذير بالمطبخ... بقيت
اتسمع عليهم..

نذير :- يمة مو تدرين بيه احبها من
هي صغيرونة وبقيت انتظرها تكبر علمود
اتزوجها ليش هسة ما تخطبينها الي

_يااااا. اكلة يمين يكلي يسار... لك يمة
البنية بعدها طفلة وينها وين الزواج افتهم
عاد

_لعد شلون قبلت بهذا الكوا... زهير

_ليش تغشم نفسك تدري مو بأرادتها
وخالتك جبرتها وشفت شنو سوو بيها
بعد ليش تلح سد الموضوع ..

_لا ما اسدة .. انتي كلتيها انجبرت
علية اني مراح تنجبر علية راح تقبل
بيه لان اعشقها مو بس احبها...
ليش ما تفتهمين وبعدين انتي تحبينها
وتخافين عليها ليش بعد ما تاخذينها

_اولا انت جبير عليها كلش جبير وبعدين
هي شمعرفها بالحب .. بعدين ليش اظلم
بختها... يجوز متريد واذا لحيت عليها
زايد هم راح تعتبرة اجباري وراح تكرهني
والبنية يا يمة مريضة بعقلها شتسوي بيها

_عيب عليج يمة تكولين هيج..

_لا مو عيب لان اني من قبل جنت
اتجاهل بس بعد الي كالتة بالمستشفى
علساس ضاربها ومدري شنو وطلع كلة
جذب لان الرجال راكض بيها صح يضربها
بس هو مو قاسي لدرجة يعوفها مريضة
بس البنية تتخيل وتحجي يمة السبب
ظروفها والبيئة الي عاشت بيها.. قبل

_انتي عاجبج الكلام ومقتنعة بي
لذا تردين تمشينة علية وتسوينة صح
وبعدين اني اعالجها واربيها واعلمها
احسبها بنتي.. تدرين بيه شكد تعبت وعانيت
وتدري بيه شكد تحملت وبقيت انتظرها
على أمل تكبر بيوم وتحبني واتزوجها

_تخبلتتتتت انت تخبلتتتتت كلت لا يعني
لا .. عندي بنية اخطبها الك اقلها مقاربة
لعمرك وفاهمة ودارسة وجبيرة واعية
ليش تركض ورة هاي الطفلة الي يوم
اي ويوم لا بعدها بمرحلة المراهقة
وحتى متعرف تتخذ قرار صح ..

_شوفي يمة قسما بالله اذا ما زوجتيها
الي هسة اختلي بيها واحجيلها كلشي
ومو بس هيج اصخم وجهكم واخليكم
غصب عنكم تزوجونها الي ..

_عزةةة العزاج مروة... تالي عمري تجيبلي
سالفة وتخلي ابوك يطلكني من وراك
انت لان ردت هاي البنية لك يمة عيب
تريد تجلطني انت.. امشي منا امشي
انوب علية حب