حنيتلة بـڪد العُمـر ڪد همـة واسراره💙!.
مضطربة_عقلياً
البارت_17
🌹 🌹 🌹 🌹رزان باسم 🌹 🌹 🌹
خلصت نص الوقت يمهن ورجعت
للبيت وجان ضميري مرتاح .. وصلت
قريب باب البيت... وجان انصدم
بوجودة واكف بالباب .. هذا شجابة؟
معقولة هو ركزت عدل بي... اي والله
شذكرة بينا... بمجرد ما باوع علية
سارت رجفة بجسمي... ورجعتني
من عمر ٦ سنوات جان يتحارش بية
احس الخوف تملكني جمدت بمكاني
لا اكدر اتقدم ولا اكدر ارجع .. لازم
اقوي نفسي واعبرة .. بقى واكف
منتظرني اجي... رحت كملت خطواتي
بس بداخلي خوف جبير .. والف سؤال
وسؤال ..
كرم :- شبيج خايفة مني
_جان شكلة متغير وكبران واللحية والشوراب
بالبداية كوة عرفتة .. انت شتسوي هنا؟
_بيتنا وجاي اشوف اهلي عندج مانع؟
_اهلك مو هنا روح يلا
_زين ليش تطردين بية...
_جنت احجي والعبرة خانكتني .. يمكن
لان اخوية حسيت كلبي حن اله . صح ما
سوة شي حلو وياي بس يبقى اخ وابقى
احن اله ..
_ليش ساكتة احجي اي شي
_شحجي مثلا ها؟
_اي شي
_ما عندي شي وياك.
_امي وين؟ ابوية؟
_امك تزوجت وسافرت وابوك متزوج
ومستقر يم مرتة الثانية
_وعافوج وحدج بهذا البيت؟
_لا مو وحدي خالتي صبيحة هنا مقيمة
بهذا البيت وامي انطتها البيت الها
_منووو خالتي صبيحة؟ وشكو جاية هنا
_ما ادري والله روح اسالها..
_اني اريد اكلج شغلة
_اي اسمعك
_اني تغيرت مو مثل قبل صدكيني
وحتى متزوج ومستقر وعندي ولد
_فرحت من كال هيج .. واني شعلية
متغير؟ ما اعتقد تتغير
_والله تغيرت اجيت افتح صفحة جديدة
وياج واجيت اعتذر منج على كلشي صار
قبل.. اعترف غلطت قبل وجنت طايش
ومراهق .. والي صار قبل كلة بسبب البيئة
الي جنت عايش بيها والي زاد هذا عندي
اصدقاء السوء .. الصراحة ما جنت قابل
على وضع امي وابوية... هسة اكيد
تكولين بداخلج المفروض يصير احسن
منهم ويحميني من ابوية بس اني هم
مثلج رحت ضحية لابوية.. ابوية مو بس
انتي تحارش بيج حتى اني... وجاب
زلم على امي علمود الفلوس هذا كلة
ياثر على نفسيتي .. هم اقذر اثنين بالعالم
ابوية وامي جان المفروض يمارسون قذارتهم
بعيد عنا .. المفروض منهم يرسمون صورة
حلوة النا اقلها يربون عدل وبعدين خلي
يعيشون حياتهم محد مانعهم .. جنت مو بوعيي من تحارشت بيج وياريت ميت
ولا مسوي هيج بيج .. اني اعتذر واتمنى
تسامحيني .. لان اني شردت من وره افعالهم
من اشوف منظرهم هيج احس جمرة مشتعلة
بداخلي جنت اتمنى اغير المستنقع الي عايشين بي اتمنى اقتل ابوية وامي تعرفين
شكد جماعتي يعيرون بية من ورة امي
لو اشكال الفشار عليها والسمعة الموزينة
لو الحجي الي يحجونة بوجهي كلام
ما ينلبس علية ثوب .. شكد حاولت
انتحر بس جنت جبان .. بس بمرور
الوقت من عشت تجارب وكمت اعتمد
على نفسي واطلع مصروفي بالحلال
طبعا شردت لغير محافظة ما بقيت هنا
لان احس كل العالم تعرفني .. .. تعرفت
على صديق .. ونعم الصديق ابن ناس
ومتربي علمني هواي شغلات تعلمت
منه الكلام اللبق .. والثقافة وصرت اتطلع
على هواي امور .. حسيت نفسي انولدت
من جديد حسيت بنفسي من طلعت من اهلي
وما رحعت الهم حتى ما حن كلبي عليهم
على كد الكلام الي سمعتة منهم بقى
يدك بكلبي وعقلي .. وقررت اصير
احسن منهم .. الشي الي سويته وياج
بقى ياكل ويشرب وياي ودائما افكر شلون
اصلح هذا الشي وياج وما اعرف اذا
رب العالمين راح يغفرلي هذا الشي
أنت تقرأ
مضطربة_عقلياً
Spiritualلارا...جنت اباوع لنفسي بالمراية.. بالليل شفت وجه طلع بالمراية .. انرعبت باوعت وراية ماكو احد رجعت اباوع بمرايتي هم ماكو شي .. تنهدت اكيد متوهمة .. تعبت على كد ما افكر .. رحت مددت على السرير وصافنة ليفوك جانت غرفتي ظلمة وبارده بيها بصيص مال ضوة.. الص...
