مضطربة_عقلياً

البارت 36

مضطربة_عقلياً

البارت_36

🌹 🌹 🌹 🌹 رزان باسم 🌹 🌹 🌹

_مر الوقت ورجعنا لبيت خالتي تغدينا
وراها رجعنا للبيت الطريق كلة صافنه
وافكر هذا الي سويتة صح لو غلط
جنت خايفة من المجهول... ما اعرف
شلون راح تكون حياتي وياه .. بداية
جديده وحياة جديده ما اعرف مصيري
شنو....

كرم :- الف مبروك

_الله يبارك بيك..

_شو احسج ما مقتنعه

_لا... نجرب حظي يجوز خوش ولد

_هو مبين وشفته رايح راجع علية طول
هاي الفتره يلح عليه علمودج

_ابتسمت يعني فعلا يحبني ورايدني
دخلت رتبت الغراض ونظفت البيت
و طبخت ... يعني جنت ملتهية بالشغل
وغيرها اخلص وقتي لان الوقت احسة
ما يمشي وممل .. جنت مقررة هاي السنة
ارجع للأول متوسط اكمل مسيرتي الدراسية
وان شاء الله ما يطلع شي منا منا يخرب كلشي... هناك تذكرت ذني الي لكيتهن.

_اكلك كرم جيب السيد خلي يجي يشوف
ذني

_شنو؟

_ذني الحجابات ومدري شنو الي كلتلك
عليهن...

_ها اي تذكرت هسة وره العشة اروح
اجيبة ذكريني خاف انسى

_تمام... اذن المغرب رحت صليت
من خلصت رحت اجهز العشة
تعشينا ولملمت المطبخ ونومت ابن كرم
ورحت على كرم ذكرتة يجيب السيد طلع
هو بقيت اني انتظر بالبيت يمكن نص
ساعة اجة دخل السيد للاستقبال قدمت
الضيافة .. ورجعت انتظرة يصيحني
بمجرد ما جنت انتظر صارت عندي رجفة
عركت صار عندي خفقان حسيت نفسي
ما اريد ادخل جوة اكو شي بداخلي يكلي
لا تدخلين جوه... تعوذت من الشيطان
بس ماكو فايدة... حسيت بضيق بالتنفس

_لاررراااا تعاي السيد يكول خلي تدخل

_بلعت ريكي و حاولت اقوي نفسي...
دخلت واني جسمي يرجف

_شبيج وجهج اصفر خو ماكو شي

_هزيت راسي واني العرك يصب منا ومنا
لا لا ماكو شي...

_تمام

_دخلت.. السلام عليكم

_وعليكم السلام تفضلي هنا بنتي

_كعدت قريبه علية وكأن حس بيه  لان
بالاساس هذا شغلة..

_اي بابا شنو لكيتي

_بهاي اللحظة اريد اتذكر ما اكدر
كلشي انمسح من بالي من الخوف
.. صرخت بعلو صوتي ما اررريددددد
ابتعد... هنا وبهاي اللحظة فقدت وكأن
السيد متعمد سالني هيج..

بوقتها لزمني كرم وما كدرلي بقى
يرتل الايات وايات التحصين وغيرها. واني حالتي تزيد للاسوء جنت احجي بس مو
اني جان صوتي بي خشونة جان يحجي
كلام والسيد يسال...