هيَ كاذبة ، تبتسمُ طوال اليوم ، تحاول ملء الفراغ بداخلها ، تمرّ بفترة إرهاقٍ شديد ، لا أحد بجانبها ، تواسي الجميع دائماً ولا أحد يواسيها ، تردد دائماً أنها بخير رغم أنها ليست كذلك ، تبكي بالخفاء ، لا تتحدث عما تشعر به ، كتومة بداخلها عاصفة تتمنى لو أن أحداً يشعر بها.
#مضطربة_عقلياً
البارت_31
🌹 🌹 🌹 🌹 رزان باسم 🌹 🌹 🌹 🌹
_تمام.. اخر فرصة تنطق الشهادة
وتطلع .. لو احركك
_ما انطقها ... ولا راح اطلع ولا راح اعوفها
_تمام جهز نفسك.
_اتحداك
_انت الي جنيت على نفسك.
كرم :- بدأ يقرأ على لارا .. ولارا تصرخ
بس جان صوتها غير عن الصوت الحقيقي
جانت تكفر كفران مو طبيعي جسمي
قشعر.. من وراها.. جانت ساعة تضحك
ساعة تصرخ اني والسيد وما كدرنا لها
جنت لازمها والسيد يسال منو انت
ومنو دازك وهواي شغلات ..جنت اسمع
عن السحر واسمع عن المس وهواي
امور بس مو هلكد جنت اصدك... بيهن
بس اليوم ثبتلي غير شي اختي هي
الي انصابت اختي واكعة .. تدمرت
ما بقت عدها عافية ..جنت اشوف من
يسكت السيد شلون تصير زينة وشلون
تهدء وراها توكع ما تكدر تحرك جسمها
عبالك ميتة.. وبس تون.. خلصت اول
جلسة بقينا بيها ٥ ساعات متواصلة
حتى السيد بوقتها كال...
_كلش تعبتني اختك بحياتي كلها ممعالج
هيج بشر الله يساعدها شلون متحملة
المرض هذا
_ليش سيد .. يعني اكو حالات بسيطة
_اكو حالات بسيطة واكو مستعصية
واكو يموتون من ورة السحر... واختك
السحر مالتها مو جديد لا.. عدها ٣ قديمات
وهذا الجديد... سوة هيجان عدها اختك
حاليا وصلت مرحلة فقدان العقل لذا
اتمنى منك ومن كل ولازم تلتزم ويايه
بالجلسات وشنو اكلك عليه تسوي احسن
ما تضيع من ايدك راح تعانون منها
وراح تشوفها شخص ثاني راح تتاذه
وراح تعاند .. وأشكال راح تصير بس
انت لازم يكون عندك صبر و وياية
وياية تمام.. ذني غسولات لازم تسوين
وهذا هم مي راح اكتبلها بي ذني الآيات
تشرب منه ٣ مرات باليوم... وما تنام وحدها
_ماشي سيدنا ان شاء الله اكدر اسويهن
كلهن
_منو الي سببلها عمل؟
_القديمات وحده قريبه عليها كلش
اما الجديد مراح اكلك عليه بس اريد
اكلك بيتك يحتاجلة تحصين... من كل ولازم
_تمام
_جنت متمددة يمهم ومغمضة عيوني
جان جسمي منمل ما اكدر احركة جنت
تعبانة عبالك مضروبة .. جنت اون من
الالم الي بالمفاصل من وجع الراس
من الم بالبطن الم برجلية الم بأيدية
حتى لساني ثكيل ما اكدر احركة...
كل هاي الاعراض الي صارت واكثر يمكن
جنت اسمعهم بس ما اكدر احرك شفايفي
أنت تقرأ
مضطربة_عقلياً
Spiritualلارا...جنت اباوع لنفسي بالمراية.. بالليل شفت وجه طلع بالمراية .. انرعبت باوعت وراية ماكو احد رجعت اباوع بمرايتي هم ماكو شي .. تنهدت اكيد متوهمة .. تعبت على كد ما افكر .. رحت مددت على السرير وصافنة ليفوك جانت غرفتي ظلمة وبارده بيها بصيص مال ضوة.. الص...
