مضطربة_عقلياً

البارت 25

ألـف أمنـيه و أولها ليتـك نصـيبي🖤

#مضطربة_عقلياً

البارت_25

🌹 🌹 🌹 🌹 رزان باسم 🌹 🌹 🌹 🌹

ركزت سمعت صوت

سيارة شرطة .. عبالي متوهمة
بس فعلا سمعت صوت السيارة ..
رجف كلبي من الخوف ما اكدر اطلع
ولا اكدر ابقى هنا الحل شنو ياربي ..

بقيت واكفة بمكاني ومنتظرة يفتحون
الباب.. اسمع اصواتهم وخالتي تعيط
فجاة اندفر الباب دخلو علية الشرطة
وهم وزيهم يرعب المقابل ..

_سيدي .. سيدي

_نعم.

_لكينا وحدة وياهم... بس صغيرة

_ثواني

_صفر وجهي من الخوف احس الدم جمد
جسمي كام يرجف .. واني اسمع لكلامهم
فعلا ثواني واجة واحد.. جان شكلة هيبة
دخل...

_جيبوها وفتشوا الغرفة كلها ..

_هو كال هيج اني اغمى علية من الخوف
حسيت كلبي .. وكف عن النبض... وهو فعلا
وكف لان بهاي الاثناء... وثاني مرة تصير
بيه .. شفت جسمي بالكاع واني بعيدة
اسمعهم واشوفهم بس هم لا .. شفت
عالم ثاني مرعببب بشكل... اشوفهم. ملتمين
علية. ويصيحون منا ومنا  مثل المخبوصين

_اعتقد ماتت؟

_انقلوها على المستشفى بسرعة

_شفت نفسي وحدي افتر.. شفت
خالتي حاطينها بالسيارة وحطوا كيس
اسود على راسها والبقية هم ..
الي عرفتة جوارينا والناس الي عايشين
بالمنطقة هم الي مبلغين عليها بسبب
الاذية .. والناس محملة عليها وبسبب خراب
البيوت. الي سوتة .. شفتهم اخذو جسمي
وراحو.. والسيارة اخذتهم وسيارة نقلوا
جسمي بيها  فجاة انسحلت من قبل اثنين
ما شفت شكلهم .. خلوني بغرفة ظلمة

بقيت اصيح  طلعونيييي والله اخاف
من الظلمة اختنك طلعوني ... ما اعرف
شنو صار لان بالاساس ما اتذكر .. بس
الي تذكرته فتحت عيوني لكيت نفسي
بالمستشفى...ما عرفت شكد مر من الوقت
يمكن ثواني ...

عمر :- الحمد لله على سلامتج .. صارلج.
ساعتين نايمة هنا جنتي بحالة غيبوبة

_بقيت صافنة بوجهة احس عقلي
ما يجمع كلام .. اصلا ما استوعب
ما متوازنة عبالك فاقدة الذاكرة

_هسة نصيح الدكتور ونخلي يشيك
وضعج كلة.

_بقيت ساكتة اجة الدكتور شافني
وقاس الضغط ..

_ما بيها شي .. تكدرون تطلعونها .. اذا
تردون راح اكتبلها علاجات لان عدها نقص
فيتامينات قوي وفقر دم... وان شاء الله ما عدها غير العافية.

_تمام دكتور مشكور راح نطلعها. 

_راح هذا الولد جاب العلاج وطلعني ..
اخذني للسيارة مالته جنت خايفة
كلش منه..