مضطربة_عقلياً

البارت 39

مضطربة_عقلياً

البارت_39

🌹 🌹 🌹 🌹 رزان باسم 🌹 🌹 🌹

دقايق وسمعت صوت خالة تصرخ اريد
اكوم ما اكدر حيلي انهد جسمي باد من
التعب بسرعة اباوع على ايدية ترجف
كوة كمت سندت. نفسي وطلعت للطارمة
انصدمت من المنظر الي شفتة..

جان مالك بحضن خالة والدم صاير بطولة
رحت ركضت عليه.. هاي شبسرعة هيج
صار .. هسة وين اروح...من عياط
خالة التموا الجيران ونقلوا للمستشفى خالة
راحت وياهم... ما قبلت اطلع من البيت
لان خاف يجي احد منا منا.. بقى كلبي
يلوب عليه محترك حرك... يارب رجعة
الي بالسلامة.. بعد ما نقلوا وما عرفت
السبب شنو... حتى نسيت اسال...

دخلت للصالة كعدت ابجي واندب بحضي
الفكر .. وين ما اروح يصير شي...
بقيت كاعده وابجي الدموع تنزل
لوحدهن بكل هدوء... يعني... بهاي
اللحظة كرهت حياتي وكرهت نفسي
لان ما شفت سعادة لحد الان... وحده
فوك الخ.. الصدمات... هنا صارت عندي
حالة يأس .. شلون ياربي وين اروح

شفتة كاعد مقابيلي ومبتسم... فركت
عيوني اكيد اتخيل...مالك؟

_لا تخافين راح ارجعلج ان شاء الله

_اريد الزمة اختفى.. حسيت على نفسي
نفس الكعدة يعني ما تحركت مجرد ما
شرد عقلي .. او تخيلت شوية.. مددت
على القنفة .. ونمت والدمعة ما نشفت
اجاني بالمنام هو الطيف..

_هذا لا شيء بالنسبة لي مجرد تحذير
المرة القادمة... للموت

_انت شتريدددددد مني... ما كافييي
الي بيه تجي انت تزودها علية من
ساعة السودة الي عرفتك بيها والي
حبيتك بيها كافي لا تأذي... هو شنو ذنبة

_ذنبهُ اخذكِ مني... لذا تحملي

_حجة هيج واختفى.. جانت عيونة كلها شرار من الحقد والغضب فزيت من النوم..
كعدت ابجي ما توقعت نفسي هلكد متعلقة
بي او يمكن بسبب المرض مشاعري بردت
وما كمت احب احد لو اميل لاي بشر
او يمكن ما اتقبل انو اني خسرتة خسرت
انسان راقي ويحبني ومتفهم.. يمكن
كمت اتصرف بانانية... يمكن من وره
شكلي لان هو الوحيد الي تمسك بيه
وما لعبت نفسة من شكلي حاليا.. سمعت
الباب يندك .. طلعت اركض .. فتحت الباب
طلع كرم وابنة..

_هاي شبيج... ليش باجية منو وياج

_مالك بالمستشفى الحك وروح وراهم
وشوفه شلون صار

_شلون.. ليش.

_كلشي ما ادري فدوة روح وطمني من
ترجع

_تمام ديربالج على الطفل... اني رايح

_طلع كرم واني بقيت اني والطفل بالبيت
رحت صبيت اكل اله.. اصلا ما مركزة
شنو اسوي واخلي بالماعون .. فلت
الماعون من ايدي وانكسر .. فزيت.. تطشر
التمن بالكاع.. لميت الاكل وخليت
ماعون جديد. غيرة خليت الاكل اله
وكعدت مقابيلة وهو ياكل..