مضطربة_عقلياً

البارت 26

يَخسر الانسان مَرة ويبقى خائفاً الى الأبد ،

#مضطربة_عقلياً

البارت_26

🌹 🌹 🌹 🌹 رزان باسم 🌹 🌹 🌹

- شنو ذنبي من أفز حلمـان بعيونك؟ 💔

_هزيت راسي بمعنى اي .. طلع وسد
الباب رحت قفلتة وكعدت ابجي بحركة
كلب .. حطيت المخدة على وجهي وكتمت
الصرخة علمود لا احد يسمعني... احس
الدمعة تجويني... ليش هيج ياربي خليتني
احبة ليش... فوكاها صديقتي اااخ
كلبي شكد ما عندك حظ جنت متأملة
بيوم اعترفلة او هو يحبني. اني منين
اجيت اختة... منين ... هاااااا. بقيت
ابجي. اريد اوكف عن البجي بس ما اكدر
مو بيدي الدموع هي تنزل... احس صارت
عندي خنكة شوقت يجي باجر واهج
من هاي المنطقة الي ما شفت منها خير

مر الوقت واني كاعده بالغرفة ما طلعت بس على كد الصلاة المغرب ورجعت .. بالاضافة
الى ان حور اجت من صديقتها.. شافتني
وطلعت حتى ما تسلم... جنت صافنة وافكر بالانتحار.. اندكت
الباب..

_تفضل!

_شو ما اجيتي تعشيتي يمة..؟ خو ما بيج
شي؟

_لا خالة مابية

_لعد ليش باجية

_اني؟

_اي انتي هاي شوفي عيونج مورمة وحمر
والخشم احمر...

_ها.. لا بس لان راح افارقكم بجيت

_شوفي ما نروح باجر لان كلت لخالج
وما قبل كال مو هسة خلي تبقى اسبوع
عدنا شغل وتعزيل .. يعني بس افرغ اخذج
انتي ابقي ..

_لا عفية باجر اروح حتى لو امير ياخذني

_امير ما يندل ولا حتى يعرف بيت اخوج
وين صاير.

_جريت نفس وتنهدت... ماشي..

_هاي هيج تردين تخلصين من عدنا ..

_لا .. راح انام اني

_ها من هسة تنامين مو بعد وقت.. اقلها
تعشي يمة

_لا ما اشتهي ..

_براحتج يمة اني رايحة

_طلعت ورجعت نمت بفراشي حسيت
نفسي تمرضت مالي خلك احس جسمي
تعب .. والدمعة تنزل بكل هدوء... حسيت
الباب انفتحت .. مسحت دموعي
وسويت نفسي نايمة..

_هاي انتي هنا من الصبح يمنا .. واني
ما ادري...

_رجف كلبي من الخوف هذا صوت نذير
ما حجيت سويت نفسي نايمة .. نومتي
صفح يعني منطية ظهري الة ومغطية راسي
كلشي ممبين مني...

_ااااااااااااااااه.. يا كلبييييي شكد احبج
هسة انتي ليش رفضتيني وخليتيني
اعيش بعذاب ليش.. كرهت الزواج
وكرهت النسوان من وراج انتي...
اوف شكد حبيتج لا عشگتج مو
بس حبيتج من انتي وطفلة... لو بس
اعرف منو هذا الي تحبينة والله جان
شربت من دمة لان من وراه اخذج
مني وخلاج تشوفيني مجرد اخ الج
راح تبقين حسرة بكلبي ..