Too Late, Ellie

CHAPTER 31

Chapter 31

Kendrick Luis Garcia Torres

Luis Garcia Torres sent you a friend request.

Kaya pala hindi na siya active sa dati niyang account kasi may bago na. Bakit niya kaya naisipang gamitin ang pangalawang pangalan niya. Gayunpaman, hindi na ako aasa na makakakuha rin ako ng ganitong notification.

"Hindi na ako aasa pa na maaalala mo ako."

Why do he need to even change his Facebook name. Gagamitin niya pa ba iyong dati? Kung hindi, edi pati sa gc namin wala na rin siya? Hayss iyon na nga lang iyong koneksyon ko sa kanya, mawawala pa.

Sadyang pinapalayo ka na talaga sa 'kin. Marahil alam ng tadhana na kapag lumapit ka pa, maduduwag pa rin ang puso kong magsalita. Ang dami kong hininging sensyales at unti unti na itong natutupad.

May isa pa, Ken. Huling senyales na lamang ang hihingin ko at kapag nangyari pa iyon, siguro nga dapat ko na talagang kalimutan ang nakaraan. 

"Ellie, samahan mo naman ako sa canteen oh. Hindi pa kasi ako nagbe-breakfast e."

Tulala ako sa kawalan at walang enerhiyang gumalaw galaw pero dahil kay Missy ay bigla akong natauhan sa malalim na pagkakaisip. Hanggang ngayon kasi hindi pa rin maalis sa isipan ko iyong tungkol kay Kendrick.

"Tahimik mo naman, as always." Asar nito sa tabi ko.

Binigyan ko siya ng maikling ngiti lamang. "Trip ko lang maging tahimik e, bakit ba?" Pabalang na sagot ko.

Hindi rin ata alam ni Missy iyong tungkol kay Kendrick at ayokong sabihin para hindi na niya ako asarin pa. Tsaka wala pa namang kasiguraduhan e kaya tatahimik nalang muna ako.

"Hmmm hindi mo ata nababanggit si Kendrick." Pagbubukas niya sa topic.

Nanatili ako sa pwesto at tanging ulo lamang ang ginalaw ko para tingnan si Missy. Saglit akong tumahimik at napaisip.

"Hindi naman ako gano'n kabaliw sa kanya para alalahanin siya kada segundo na lang." Paglaban ko sa sarili ko.

Oo, walang oras na hindi siya mawala sa isipan ko, ngunit hindi naman bawat segundo e siya nalang parati ang laman ng utak ko. May mga bagay na mas importante kaysa sa damdamin kong nakatago.

"Weh? Kung makapagkwento ka nga tungkol sa inyo dati wagas e. Iniyakan mo pa tapos bigla mong tatanggihan." Nang-aasar niyang sagot.

Napabuntong hininga nalang ako. Wala talagang magpapatigil sa bibig ni Missy, mas gusto niyang paniwalaan iyong gusto niya. Hindi ko nga alam kung maghihintay pa ba ako sa'yo, Ken, pero kasi talagang malabong nangyari iyong nais ko.

"Usog nga, Ken."

I was startled when Lance pops up and sat beside me and even called me by his name. Nainis ako dahil hindi rin niya ako tinitigilan kakaasar kay Kendrick at iyon na nga iyong ikinababahala ko. Kapag inaasar niya ako, walang pakundangan din niyang banggitin o isigaw ang pangalan ni Kendrick na labis na nagbibigay ng kaba sa akin.

"Huwag mo nga akong tinatawag gamit ang pangalan niya. Ang ingay mo, nakakarindi ka!" Reklamo ko, naiinis na para takutin siya.

Bigla namang nanlaki ang mga mata niya sa akin sa gulat. "Ay, sorry sorry baka may makarinig nga pala." Ngumisi siya ng nakaka-asar. I glared at him for teasing me.

"Huwag niyo ngang asarin si Ellie. Alam niyo namang hindi napipigilan iyong kilig niyan kada naririnig pangalan ng crush niya."

Mabilis kong nilingon ang boses mula sa likuran ko. Umupo sila sa mesa namin pagkarating. Napatingin ako kay Fia na malawak din ang ngiti sa mukha. Hindi niya pa alam na nakita ko na iyong litrato na pinadala niya sa akin kagabi. Hindi ko rin mabasa ang magiging reaksyon niya kapag sinabi ko ang totoo.