بقايا رماد

البارت 1

عدنا والعود احمدو 🌹🤚

#بقايا_رماد

#جميلة_جاسم

غيبة كبار الحوش شينك غيبه
مايحس بيها غيـر من جربها

وموتة الغالي والحبيب مصيبه
تنكد عليك وعيشتك تقلبها

اوقاتك بلا بوك اوقات عصيبة
تقتل زهاك ودمعتك تسكبها

ويومك بلا والديك  الله لا تجيبه
يزيدو عليك جروح ما تطببها

.....
الرواشن مصكرة والجو شتي مغيييم ....صوت المطر يضرب علي سيارة جارنا ويدير في صوت مزعج...

نحيت البطانية من علي وجهي وشفت لسطح ...اللامبة...تتحرك ودير في ضي يقوى ويضعف ..
...انتبع فييها بعيوني....وندعي انه الضيي يقعد ما يفصلش...

برووحي في الدااار وتفكيير يااكل فيا في عضاامي وتأنيب الضمير ...صوت تنفس معاي ....تفكرت حمودة ...راقد...

كل مرة نشبحه تقعد الغصة في داااخلي....هذا ولدي بالتبني...
ربيته من عمر الشهور ....خديت من جهدي وصحتي ... اوقات...خديت من حياااتي ..وعطيته ...نبي نعوضه ...نبي نخلي يعيش حياة حلوة....
وكل ما نقعد نفكر كيف بيعيش حياة حلوة نتفكر عيشتي....

نحيت البطانية... وقعمزت علي المنداار ..وقعدت نشبح لحمودة رااقد...
عيونه نص نعسة...بطبيعته يرقد وعيونه مفتوحه ...نقعد نغمضله فيييهم... ونتلمس في بشرته .....
ونكلم فييه مرات زي المهبوله بصوت عالي ..مرات خاطري وقلبي يتكلمو ومايسكتوش....

ماما نوعدك انعوضك علي امك وبووك ...نوعدك نعيشك احلي عيشة ....انته ولدي اني...اني ربيتك وكبرتك حرمتك من امك وبووك ....صح لاكن عوضتك ساامحني يااروح امك ....

عدلت البطانية علي كتاافه غطيته كويس ..والغصة في قلبي...ياريت نقدر نوفرلك احلي عيشة. ..ياريت مش انته وبابا في رقبتي يااااريت بس....

لبست شخاشيري.....وشبحت لروشن....يصب مية ...خديت اكياااس وبديت نسكر في الشق وندخل فيه بالبيرو كيس ورى كيس والمية متبيش توقف ...خايفة لمية توصل لمحمد وينوض....

والمطر تقوي وصوت الريح قوييي هلبا... والرعد يكتر بداية شهر عشرة ..

عمي جمال جارنا غارس سروله قدام الحوش ...وصوت الريح يجاوب فيها ..

نعرف الجو بصوت السرولة....هذي ....

حطيت بطانية تحت الروشن وفوقها فوطة كبيرة ....تمص في المية الي نزلت... وطلعت..من الداار....مشيت لدار بوي..لقيته رااقد .... والدفاية والعه....

شبحت السااعه لقيتها ..الاربعه العصر...
نحسب في الوقت ...توة الخمسة قريب يهرب الضي....فيسع نطيب لعشي....ونجي نقعمز..

خشيت للكوجينه ..فتحت التلاجه ...شن ندير ياربي مكرونه ولا شن نديير

التلاجه فااضية....وخايفه نطلع من الحوش ومحمد ينوض يلقاني مهناش .....