بقايا رماد

بارت 36

#بقايا_رماد_الجزء_الثاني

#جميلة_جاسم

وانطفت لحضة جفى.وابتدت لحضة وداع ..
وانطفى نور السعادة واحسب انه ضوي
ماتقبلت الفراق ومالي يدي فيه حيلة
ااااه لو انه الضروف المقبلة تكشف قدرها
كان جنبنا المشاكل من قبل يوقع ضررها

حامد زيد

جليلة....بكيت علي منضر جداي علي كل يوم الم عشته في حياتي علي كل لحضة ضعف ...علي تعبي من لما محمد عمره شهوور الي وقتي هذا اربع سنوات واني نعاني بروحي ..
كبرت قبل وقتي
تحملت مسؤولية
فقدت تقتي بنفسي
مستقبلي حياتي حتي الحب الوحيد فقدته وانحبس الي في داخلي ..

الم في قلبي لو نحكي العمر كله مستحيل يحسه الا شخص عاش نفس ضروفي ..
ايدي علي قلبي وسالم يشبحلي ويتكلم ....
مش مركزة معاه نهاائي لين قالي...

سالم...ولد عمتك بيطلق سمعتيني ولالا

جليلة التفتت عنده لقيته يشبحلي ....قتله  سمعتك شن يبي طلبه ..

سالم....تخيييلي لبغل هذا قااالي تنازل علي ورت بوك من حوايز جدك واراضيه في بن وليد ...
هيا توا الارض غادي بالدبح ياخدو فيها ..ويبني نتنازل

جليلة ...وانته شن قتله

سالم...قتله مش متناازل طبيعي...

جليلة....باهي واني ياسالم....

سالم...خيرك انتي جليلة شن بنخلي واحد بيني وبينه قريب 12 سنة يضحك عليا ويستفزني ونقوله سللم وخيي طلق وطلعلي شهاب واني نتنازل وين صارت هاذي تبيه ايدلني..
اني نطلقك بعرق جبيني بتعبي منه
ونطلع شهااب بسيف عليهم وكان بندفع عليه الالاااف ونطلعه ..
ولا نتنازل علي حصة وحدة...
شني مستوطيين حيطنا معندكمش التريس وياخدو رزقنا...
حصة بوي زيا زي خوته بناخدها....ومن عيوونهم...
ومنوليش سالم ولد ذهيبة الدايحه لو ماديحححت امم اممهم في الشوارع فروخ لحرام

جليلة...يتكلم بصوت عالي ويأشر...سكتت ...مزال معاناتي مع باري مستمرة....وصلنا الحوش ...
نزلت لقيت ربيعة...في الفم تعلق في الحوايج صغارها في الشمس...

خشيت طول سلمت علي بوي وقعمزت ...جي محمد حضني وقعمز سالم .. معانا. 
المشكلة الي قعدة منحلتش سالم مش متقبل محمد ..نهاائي..
ممكن في باله مرته خايناته ويتخيل فيه مش ولده..
ونفس الشي محمد يلعب ويكلم كانه شخص عادي مش بوه...

اكثر من مرة نبي نعرف من الجثة الي لقوها بدل سالم ودفنوها وماقلوش...واكثر من مرة نسأل فيه ويقوولي ..

جيفة وانحرقت بالنار والمجهول خير من المعلوم  ...هذا رد سالم لينا كل مرة

خشت ربيعه....

ربيعة....حيي اعلينا بدي النوو الي يقتل ....والضي المقطوع شن صااير في لبلاد ولعباد
وين مشيتو انتو من صبح ربي