بقايا رماد

البارت 8

#بقايا_رماد

#جميلة_جاسم

شقاؤنا وتعاستنا وعدم إحساسنا بالسعادة نتاج لأشياء خارجية عنا: ظروف
أو حظ
أو أشخاص آخرون
أو مكان معين.
او  طغيان دات
الحظ المتقلب أكبر شرور البشرية على الإطلاق. الحكيم لا ينبغي أن يعانده إذا عبس في وجهه الحظ  ربما تغرق بك باخرة الحظ غالبا قرب المرفأ اليك بلا مبالاة 

ربيعة.. ...اول مرة نتناقش اني وبوي حسيت بصدمته لما قالي

الحاج علي ...اني تكسري كلمتيى وتعلي حسك معاي

ربيعة...حشااك بوي من كسر الكلمه  انته عارف لا اني نكسر كلمتك و اني عارفه انته ما يهون عليك ربيعة بنتك تتزوج واحد زي مختار وتسيب الطب الي خشتله علي خاطرك  ...

الحاج علي....وخيييرة مختار ولد عمك وشاريك ومتمسك بييك احسن من الف واحد وافقت اعلييه وهرب وخلااك ...

ربيعة.... حسيت قلبي وجعني حيقعد طول عمري نتعاير بييه الشبح حيلاحقني طول عمري .  .

قتله ....اني مستعدة نخسر روحي ولا نخسر حلمي ودراستي اني لا نبي مختااار يا بوي ولا نبي غيره نبي راحة بالي بس لاني تعبت من نفس الموضوع .

علي صوت كلامنا خش ساالم  ومعاه جليلة جايبها من الطريق حط جليلة وجي عندي

سالم...خيركم بوي ربيعه شن صااير. ..

ربيعه...شي مجرد نقاش عادي وخلاص

سالم...كيف مجرد نقاش وصوت بوي واصل الي وين

ربيعه...نضت خشيت لدار تحشمت من يوي ومن سالم ولا يوم توقعت بناقش بوي بهالشكل.....لو يموت مختار منتزوجاش.   ولا نخصر حلمي علي خاطر واحد صنته زي الجيفة ..

قعدت حاايرة ونسمع في نقاش بوي وسالم. 

وبعدين.طلعو برى لشارع واني قعدت
ندعي انه سالم يعرف يقنع بوي ...سالم من النوع المحااور يعرف يتكلم مع بوي....
اني لا نغضب وردة فعلي هجومية ديما...

ساعه اتنين وجي سالم فتح الباب لقاني نراجع في قرايتيى...

مع انه عطلة لاكن اني حلمي أكبر ....فتح الباب وخش

سالم....تقري من توة قعدين في شهر تمانية خييرك مسبقة الفرح بليلة..

ربيعة؟..تضحك ومنسجم سالم انحس انك قدرت تقنع بوي وله

سالم....اول شي ربيعة عييب انك ترفضي الولد قدام بوي كنتي تقدري تقولي ..خلوني نفكر ...ولا خلي يجي سالم واسأله..

لاكن انك ترفضي قدام بوي هكي هذا معجبتنيش منك بكل

ربيعة...باهي كيف بندير معقوله نتزوج مختار ونسكت علي خاطر منردش علي بوي اني طول عمري مانقدرش نتناقش اني وبوي  لاكن منبيش جداي بارقة توصل لأي شي تبيه