بقايا رماد

بارت 39

#بقايا_رماد_الجزء_الثاني

#جميلة_جاسم

ماحسبت تزهي غير ربي راد .. ايجيك فرح فالدنيا يلامس طيفك
ولقيتهن ايام الفرح موش بعاد .. حتى ولو تما الياس حليفك
حزنتي وحزنك كان مش معتاد .. ربيعك مشا خلط عليه خريفك
تقول سيل دمعك منهدر بداد .. متلاقيات ياساتك مع تحسيفك
الا غير في لحظة عنادك حاد .. وودعت دمعاتك مع ترشيفك
من قال ياعيني بعد تذريفك .. تنسي اللي هان الغلا من كيفك

_________

ربيعة.... حطيت الشنطة من ايدي وركزت علي التليفون صوت الغناء برا ماسمعتش المكالمة مشيت..
خديت التليفون
وسام يتصل
قلبي شدني...ياربي عمرا ما كلمني ولا حتي سمع صوتي من اخر مرة قعمزت معااه...
معقولة يكون سند قاله شي..

لين فصل مارديتش عليه...اني علي ذمة عماد توا متزوجة حطيته وخلييته ايرين...مرة واتنين وتلاته ...
اخر شي بعت رسالة
ربيعة ردي اخر مكالمة ..

مشيت سكرت الباب بالمفتاح...

وجيت قعمزت نقصت صوت الدوشة شوية ..شادة تليفوني ونستنى..

اول ما كلمني فتحت الخط...مش عارفة حتي كيف مخلية رقمه عندي ...

جاني صوته....

وسام...الف مبروك ربيعة ..واخيرا بتتزوجي الي تحبييه انتي....سبق وان تزوجتي شخص يحبك ومتحبيشي...توا فرحتك غير اكيدة عمااد هذا

ربيعة...عماد شن تبي

وسام...ههه وساااام اني وساام مش عماد...والدليل واضح عندي ..قلتي عماد...لدرجة هذي تحبييه ربيعة مادرت شي معااك ولا وصلتك لشي الي تبييه

ربيعة...وساام اني تزوجت وايبارك فيك والفال ليك تتزوج وتعييش ..وصغارك مش حنحرمك منهم...اصلا انته حرمت روحك وسافرت ومشيت ...يعني في اي وقت اني ربيعة علي سالم...دكتورة ومعروفه ..وقارية ومتعلمة...تعال في اي وقت.... مش مقايلة لااا

لاكن توا مكلم شن تبي

وسام...نبي نباركلك...نبي نشوفك فرحانه ولا لاوصلني ردك لما قلتي عماد

ربيعة...ايبارك فيك من قالك سند

وسام... لالا والله مصارت ولا كلمني بالاصل سند تليفونه مسكر...

ربيعه....يعني من وين سمعت..

وسام...مش مهم من وين سمعت لاكن نبي نقولك شي ممكن انتي غافلة عليه مرت ولد عمك بنت عمي... لذلك سمعت من مرت المرحوم مختاار ..من امل

ربيعة...حسيت روحي بالفعل عبيطة معقولة معرفتش بنت عم راجلي متزوجة مختاار. 

وسام...اليوم حسب ماسمعت انه الفاتحة انقرت ...عندي امانة ليك بتجيبها امل اليوم الساعة عشرة تواالتسعة بتوقيت ليبيا....
بعد ساعة استنيها....وسلميلي علي الاولاد وعلي جليلة..وربي يوفقك ويتمملك علي خير..
ربحك هوا واني خسررت تعب سنيني مش حننسى ليلة من اللليالي معاك...ولا ننسى اول ليلة مع بعض لما ربيعة كانت تنتقم لما ربيعة تشبح في وساام حبل النجاة من بارقة واولادها ....