بقايا رماد

البارت 9

#بقايا_رماد

#جميلة_جاسم

بعض الأمراض يشفيها الكلام، كأمراض النفس وعذابات الوجدان وجراح القلوب..
ليس الكلام هنا النصائح والعظات، وإنما كلام الإنسانِ لنفسه.. إفضاؤه واعترافه بما يؤرقه..
الإفضاء، مجرد الإفضاء.. ولو للورق.. يشفي ويريح..
الدمعة المسكوبة.. الضحكة المريرة تفك ضائقة الروح "💛

ربيعة....سااالم انته اطلع منها خليهم هما كبار مضيعش مستقبلك وخيي تربح ...

سالم...كيف نخلي بووي ايخش فيها معقولة ربيعه راجل كبير انسيبه بينهم ...انزلي توة بنبدل ويصير خير

ربيعه...وين بتمشي سالم

سالم...ربيعه من غيير دوة وخيتي تربحي انزلي بنبدل...

ربيعه..نزلت وقعدت نفكر في سالم وحاسة انه وراها حاجه خايفة علي بوي وخايفه علي سالم واني منفهمش في دوة الاراضي والورق ...
الي نعرفه انه ممنوع تاخد ارض من غير تصدير في المحكمه ولا من غير بيع عقد وشري ...

قعدت انضم في الحوش ورتبت الانتري في مكانه ...وعدلت الكراسي...شفت الساعه لقيتها ...3:00 توة جليلة قريب تجي تجري من المدرسة...

نحسب في السنين كيف فاتت توة اني واقفة بيها في المستوصف وخايفة امي توفت وعمامي واقفين متشمتين فينا ولا ننسى اليوم. واني نبكي وهيا في حضني .

خشيت كيف بنقعمز لين خشت جليلة وسالم جايبها ..ومعبية اكيااس حلوة ومستكة وشكلاطه ..

وبدت تاكل وتلوح زي عادتها واني نعااارك وراها ومرات نضربها تقعد تبكي تسخفني نولي علي روحي...

قعمز سالم جنبي واني مقررة نعرف القصة شن وراها ..

ربيعه...سالم شن صاااير بوي اي ارض وين واخدها من واحد ولا هكي احكيلي وبلاش تتهرب

سالم...تي شن واخدها من واحد عمي حسين مجيش اعليها بالنص ...ويبي بوي ياخد.حصة فيها ..ومن الاخير محروقين يبو بوي يسيب القيادة لانه الفترة هذي بدت معاشاتهم تزيد وبوي لانه كبر في العمر مساعد سوااق وفلوس ..قالك ناخدوه ونحطووه في نص المعمعه ..

ربيعه... وانته شن درت .. شبحلي وقااال

سالم.... قمت بوي من نص المعمعه الي طايح فاها وحطيت روحي اني

ربيعه.....حيييييي اعلييينااا حييي سااااالم لاااااا ياساالم خيرك....هكي متقولش وقعت انته بدلهم

سالم.... خييرك تعيطي ربيعه بشوية...تبي بوي بعد هالعمر تصير فيه حاجه تبيه يخسر خدمته الي ملهياته علي وفاة امي والي ايطقطق بيها .

ربيعة.... وانته تخسر مستقبلك وتحط ايدك في ايد عمي حسين

سالم....ومن قال نخسر مستقبلي اقل شي اني نعرف نتصرف مش بوي حتي قراية الورقة مش عارف يقراها وتبيه يخش في النص عارفه اي شخص عسكري ولا في الجيش ولا في حرس القيادة وتصير فيه انتحال وخنبة وتزوير شنو....
اعداااام في ميدان عام...