#بقايا_رماد_الجزء_الثاني
#جميلة_جاسم
اعرف جيدا هذه الايام التي لايعرف فيها المرء الي اين يذهب ومع من يمضي ..
الايام التي يكون فيها المرء وحيدا تماما وراضيا ومتعايشا مع قدره....
لكنه يظل يتمنى بحزن خافت لو ان له وجهة واحدة يمضي اليها ولو شخصا واحدا يركض نحوه ..
لاكنه لايجد الا الخيبة وبقايا سنين ورماد متراكم
..........
فاتحة الروشن ونشوف لشاارع وعيوني علي امل وانتضار ربيعه وسالم.... اصوات الناس داخل مشوشتلي تفكيري ..
نص ساعه واني هكي ....لين سمعت صوت من وراي
ياربي صبرني بس
واقفة والاماعين علي منو عابية عليا اني تبيني نقيم ونحط ونغسسل ااه
حطيت ايدي علي الرخامة واتكيت وشفتلها ....
انتي عندك علم انه اني حاليا ساكتة ومنبيش نتكلم وفي بالك اني صغيرة وياناري نخاف منك لانك عمتي .
اني ياعيني حتي من جداااي اهي تشبحي فاها ورااك مش خايفة منها ولااا محترمتها اصلا ... الي هيا امك
لانه شنو قانوني المحترم يحترم بس..والباقي هما والهوا سوا
انتصار..اني نربيييك وربايتك علي ايدي تعلي صوتك عليا بنت....
جليلة... كمللي كمليي خلي نربييك اني ...بعدين تبي تربيني حاضرين ربييني كان قدرتي
طلعت من الكوجينة وخليتها نستنى في ربيعه تروح ...مشيت لحناي فاطمه لقيتها مقعمزة وجها شااحب مش عارفة شن نديرلها
جليلة...حناي شن تحسي في روحك اليوم
حناي فاطمه....الحمد الله كويسة بنيتي انتي مرت سالم اخطيها ولا تقوليلها كلمه وتردي عليها خليها اني نشبح في معاملتها معاك مش مدرق عليا شي لاكن هكي بيضحكو عليك جداك وعماتك اشبحي اهم مركزين عليك ويبوك تكرهي سالم وتطيح العداوة بينكم وهما يفرحو...
جليلة.... مش مرت ساالم حناي مش مرت سالم هذي انتصار درهتلي كبدي اسبووع واني الحق منكلمش فيها لاكن هيا تناشب فيا واني نتوااكل كان ماسحنتش كبدها بالكلام منرتاحش بعدين سعاد شادة دارها من لما جت من اماليها ..
حناي فاطمه...نبيك بعيدة علي المشاكل ربيعه كبرت وتزوجت بوك طاح معش زي قبل سالم تزوج ومسؤوليته فوق راسه ..
نبيك تبعدي عليهم وعلي مشاكلهم ماتربحيش
جليلة...حاضر حناي حااضر نخش نشوف قرايتي احسن ...
خشيت لدار وافكاري متلخبطة في بعضها ربيعه وبعدها عليا وسالم وبوي انحس في روحي عايشة في غابة بروحي...
اكثر من اسبوع وجداي بارقة شادة معايا اما سعاد تاكل وتشرب وترقد ...وعمتي انتصار مقيمة هيا وبنتها طبعا عبدالباري خايفة عليه مني نغرييه ..
خلاته بعيد وسعيد ...
أنت تقرأ
بقايا رماد
Literatura Femininaبين احدات تمضي واخرى تعاد ...بين جيل راحل وجيل يأتي ....ناري تصبح رمااد وجمري يصبح هبااااء منثور ...واعيش بين رماد السنين وناار الالم.... قصة جديدة بعنوان بقايا رماد 1997 بقلمي انا الكاتبة جميلة جاسم
