بقايا رماد

تفاعل الوتباد

كيف حالكم حبايب جميلة جاسم نحبكم هلبباات ...شكرا علي تحملكم وشكرا علي تفاعلكم الجميلة واسئلتكم الغريبة

واهلا وسهلا بناس الجديدة اول مرة تقرالي ...شفت مجموعه كبيرة اول مرة تقرى لجميلة هذا شرف ليا انه نكون عجبتكم من اول عمل تقرروه... والشرف كبير.... ونفس الوقت في اشخاص قالو مافيهاش احدات الرواية ولا فهمنا شي ولا جذبتنا نهائي نحترم راايكم جدا ..وباذن الله القلم في تطور ....

طبعا تفااعلكم حلو وانا بدات معنديش الروح مع المتفاعلين .. ذاكرتي تحفظ في الايميلات كلكم حفضتكم حباايبي ونحبكم ..

اغلب الاسئلة علي الرواية والدايركت والتعليقات علي اللغه وطريقة اللهجة في هلبا معرفوش بعض المصطلحات.... ونسبوني لبعض المدن ..
منهم انتي من صبراته انتي من الرياينة انتي من الزنتان انتي من مصراته...واني نرد ونجاوب...
اني بنت طرابلس اصل ومفصل ...ولو عندي تعدد لغاات فهذا يدل علي اني متطورة ...وقارية وفاهمة. 

يعني غدوة نكتب رواية بشرقاوية نعدي لشرق ونقول انا شرقاوية ميجيش الكلام يابعد قلبي انتو ...
افهمو اختلاف اللهجات يعطي رونق لروايات لاكن لما نبدى نسردلكم بنفس الكلام ونفس الطريقة حيصير في مللل في الرواية ان شالله تكونو فهمتو عليا

اما الكلمات ...

زي مثلا صحة.... زمان كانت الناس لما تبي شي من شخص تقول... صحة صحه تربح جيبلي هذيك الحاجه...يعني بالله عليك ..او ونبي اعليك ..او وراسك..
طبعا اني جميلة عارفيني في كل رواية نحطلكم مصطلح تقعدو تعاودو فييه ...
لذلك اني تعمدت ندكر المصطلحات طيبة فيها حنية زمان واهل قبل  تمام

وعندكم كلمه سفيت كمي...يعني قمت كمي من علي اايدي وتتدرج بتغيير التدوالات من ماضي ومضارع وامر...لي سفيت يسفي اسفي ....قيم قمت ايقيم ..
وانهض وينهض وينهضو....وهلبا مصطلحات ليبية جميلة ....

وكلمة تانية شن معنى انمشكي في الشاهي.... توة الصبارته وجزء من الجبل الغربي يقولو ..
انمشكي ...اما طرابلس يقولو  انكشكش ....كشكوشة زي تونس والمغرب بضبط..

تقعد اختلاف لهجات جميلة واني علي استعداد نجاوب اي شخص مافهمش كلمه علقولي عليها واني حنرد عليكم...

انتقاله الرواية الفجائية الي صارت ..تقدمت بزمن ممكن سنتين في بارت...لانه الرواية 40 بارت باذن الله وجليلة قصتها متشعبة اكثر من ربيعه...لاكن انا ماحبيتش نضلم ربيعه ولا ساالم في السرد واكتفيت بدكر ابرز حياتهم الي 14 بارت....
جليلة كل سنة حندكرها بروحها حاولو توسعو بالكم معاي لانه اني انمر بشوية ضروف علي الصعيد الشخصي وان شالله مش حنضلمكم في النشر يوم بعد يوم...

لاكن اليوم باذن الله بنزللكم بارت تعويضي مع الساعه عشرة. .
لانه تفااااااعلكم ناااار ودخان علي قولة رعوودي....
استاحشته شكلني بندير جزء رابع وتقعد الرواية زي باب الحارة وخلاص ...