#بقايا_رماد_الجزء_الثاني
#جميلة_جاسم
خسرنا اول خسارة وقلنا تتعوض....
خسرنا التانية وقلنا العتب علحظ...
شبعد ياروحي نترجى....
هذي الثالثة وبيها السكووت افرض ...
ربيعة.... ازفت موقف ننحط فيه ...طلاق في الشاارع ....شبحتله وكلني غييظ وكلني غللل عليه
قربت منه قتلله كويس الي خليت شوية كراامه عندك وطلقت لانه اني مستعدة نفتح محاااكم بيني وبيينك ولا نقعد على ذمتك دقيقة تاانية...
وحط في باالك مقدم ومؤخر نبيييهم .....فلووووس ...ونفقة اولادك نبييها ...فلوووس.....ولا علي بالك نفووت شي ونقول متنازلة ابداااااا
وحتندم علي قد شعر راسك لانك في يوم ضحكت علي ربيعة بنت الدايحه ذهيبة.....
كوييس يا افندي يااادكتور ياامتعلم....
علي اساس كان طلقتني اني بنموت بالقهرة ولا بنعيط في الشااارع بنقوول
حييي اعليااا الدكتور وسام طلقني....فكاا فكااااا والف فكااا منك وااحد نااكر للعشرة وللمعرووف ضحكو عليك بشوية فلوس
عارفينك جيعاان تبييع كرامتك وشرفك علي خاطر قرشين...
اهو نقولك اهلي وناس الي تقولي سبب دمااري ...اني متربية معاهم وعارفتهم وكان شبحت منهم الملييم الاحمر تعااال خوود مني شن تبيي
وسام....حتندمي ياربيعه وقولي قالها وسام حتندمي وحق الله نرد استغفاالك ليا وسفرك من اخر الدنيا برووحك حتندمييي
ربيعة.... اني ندمت وفااات ندمت علي عمري الي ضيعته معاااك ندمت علي حياتي الي رااحت من غييير راحه وحب وسعادة...
ندمت علي اليوم الي وافقت عليك وتعرفت فيه علييك. ..الحمد الله انه ربي عطاني اشارة وعرفتك
وله كان هذا قاعدة علي عمى عيوني الي يومي هذا واحد ندل زيك مايستاهلش نوقف معاه حتي دقيقة وحدة يابالك نعيش معاه عمر ...
خشيت للحوش لقيت حناي ورى الباب تسمع .....
عيونها ودمووعها ما قفوش ..طلع بسيارته بسرررعه ومشى نعرفه مستحيل يرتااح لين ياخد بتاره لاكن المهم تطلقت
كبيت علي راس حناي وخشيت للحوش داخل ...لقيت الصغار ..حضنتهم وقعمزت ....
شعوري وقتها منعرفش نوصفه صح عشرة عمر وتطلقت خلاااص منه لاكن يقعد ندمي وسنيني الي ضااعت معاه واجعتني ...
ياريت تطلقت قبل يااريت شفت السيئات الي فييه ...سيبت اختي ...سيبت خوي ولده وساافرت معااه اكبر خسارة خسرتها في حياتي كانت عيلتي ...
شبحت لحناي تبكي وتمسح في فوطه عيوونها وخشمها.... ولافة روحها بشال ...
قتلها ...
متتغششي روحك حناي ولا تتكدري ...اني فرحانه انه اطلقت ...معش نبي شي يربطني بييه ...
مرتاحه ..كلمي خالي محمد وعماد ايجو نعطيهم علم....
بوي غدوة بنمشي لمراكز اندور علييه ....والله لا تسامح من شتت شملنا ولا ترحمه برحمتك يااارب
أنت تقرأ
بقايا رماد
ChickLitبين احدات تمضي واخرى تعاد ...بين جيل راحل وجيل يأتي ....ناري تصبح رمااد وجمري يصبح هبااااء منثور ...واعيش بين رماد السنين وناار الالم.... قصة جديدة بعنوان بقايا رماد 1997 بقلمي انا الكاتبة جميلة جاسم
