بقايا رماد

البارت 29

#بقايا_رماد_الجزء_الثاني

#جميلة_جاسم

رتيت نفسي فلا احد يستحق الرثاء مثلها شكرتها بعد كل العناء علي طيب صبرها

هنأتها بانها اتعبت الصمت نهجها

تأملتها وتأملتها واكتشفت انها عظيمة مفعمة بالحياة

ما اجمل خصالها

هنيئا لي انها بداخلي وانها اختارتني واحتوتني رغم كل ما صابها
واقتحم الحب قلبها وكانت علي رأس عرشها ..تنتضر من امال الدنيا احلاما وامالا
لعلها تصلح ما رتت بيه نفسها ...

جليلة.... قعد قلبي يضرب وخاايفة رعشة وربكة وكانه العالم كله يشبحلي قعدت نشبح لتليفوون لين سكر قداام عيوني...

قعدت بين شعور الاحباط وشعور انه اني مستحقة حد في هالوقت يوقف معايا وبين انه نخون بوي ونكلم من وراه

كيف بنكتب رسالة شهاب شن تبي ...عاود تاني ...

قويت روحي وفتحت الخط...

جاني صوته....بدون مقدمات...قال ..

شهاب.... اني مش عارف شن نبي منك لاكن مش تقولي هذا يلعب وله يكلم في لبنات...اني يابنت ساالم ..حاسك بنتي والله ماني عاارف حتي شن نقوول....
احححم

قلبي عندك وعقلي وروحي ....وامانتي انتي ..لاكن خليك واتقة انه انتي لشهاب باذن الله ولو ربي عطاني عمر كل شي يجي في الوقت المناسب
مكلم نبي نقوولك ..
انتي النفس الي يرقى وينزل من ريتي ...
انتي الهواء الي لازم نعيش بييه
انتي ابتسامة اياامي وسنيني
انتي الي انخلقت لقلب شهااب بس
نبي وعد منك انه متتزوجي حد ولا توافقي علي اي شخص لين اني ربي يسهل اموري ونخطبك من الي رباك وكبرك وتعب عليك وخلاك جليلة

تسمعي فيا وله سكرتي ...

جليلة....حاطة ايدي علي فمي ونزل فيها علي قلبي الي يضرب ويسمع في نبرة صوته..
اني في العمر هذا لازم نحب..او مش لازم نحب  تنفست بعمق ..

وقتله نسمع فيك...

شهاب...ربي يخليك ليا ولقلب شهااب وان شاءالله ربي يعجل ونجيك واسف كان خليتك في موقف وله حسيتي روحك دايرة غلط من ورى بوك  واعتبري هذي اول مكالمة واخرها...لانه قلبي اليوم بدات مخلانيش نسكت واني للعلم اول مرة نعترف انه اني ..مهتم بحد طبعي مش هكي ولا ربايتي هكي ..
اني متملح
وتربيت علي القلة وعندي وجه واحد بس الي هوا شهاب ..
معاك بس حسيت عندي وجهيين ....فااهمة عليا يابنت سالم الغالي

جليلة.... قعدت سااكته ونسمع لين تنفس بعمق وقالي . ..

شهاب....ربي يحفظك مع سلاامه وسامحيني قلبي مش مطاوعني ونخلي الكلام فيه ..

سكر التليفون واني طحت للخلف علي ضهري وحسيت بشعوور غريب معقولة بعد الالم الي حسيته يطلع شهاب يحبني ...