#بقايا_رماد_الجزء_الثاني
#جميلة_جاسم
تفارقنا
تفارقنه وتأكدت
الموت لا ينلغي ولا نقدر نأخره
والوقت ما ينفهم
يتقدم بغيبتك لو يرجع ليورا
وشحجيلك ع القلق
والله الليله المضت
حسيت روحي طفل ومتيه بمقبره
خايف اخسرك كنت
وتمنيت خايف أظل
ما ردت أصيرن بشر ما عنده شي يخسره....
ربيعه.... عيون جليلة فيا ونحس انه نبي نضلمها معاي... مش عارفة بين نقعد معاها بين تعب سنين يضيع من عمري ...
بكيت لين تعبت حسيت انه اني انانية مقدرش نحمي امانة سالم....
خشيت لبوي لقيته مقعمز ..بوي شور عليا نبي نعرف الي ندير فيه صح وله غلط..
حياتي متزعزعه مع وسام خايفة نخسر قرايتي وحلمي ونخسر السند من لينا بعد سالم وبعدطيحتك...
وجليلةوسيبت ..
قولي كيف ندير نمشي نشوف مستقبلي ولا نقعد
بكيت تفكرت كل لحضة الم فاتت عليا...كل لحضة خدلان حسيتها...
تضاعفت مع جليلة...شادة ولدي ونبكي...
شهور فاتت واني متحملة هم وسام وساكته منبيش نتكلم ولا نقول بوي اني بنتك وحاس بيا قولي كيف ندير...
ركزت عليه مقعمز وساكت ...
ماردش عليا كانه غااضب عليا اكثر من قبل....مشتتة ومتلخبطة واجعني حال جليلة.
طلعت من دار بوي خشيت لجليلة .. لقيتها حاضنة حمودة والروشن مكسور متاع الدار ويسرب في لمية...
جليلة اسمعيني بنتي اني حاسة بيك ومريت بضروفك كلها وممكن اكثر لاكن اني نبي حلمي منبيش نستسلم
...اقل شي اني نحصل شهادة ونعاونو روحنا بيها
جليلة....شن حصلتي بيها شهادتك ...اااه عالجتي بوي...
رديتي سالم لما انحرق وماااات...
عالجتي جروح قلبي اني ...
عيلتك اهم واولى من الشهادة...اني لما بطلت ...شبحت لعيون العيل هذا بنقعمز ونربييه ونكبره منبيش شهاايد منبي شي مدامه بوي مقعد ولد سالم من غير امالي ولا اهل يربوه ..مش انتي قلتي تسببتي في موتهم مش اني الي قتلت سالم...
اهو ضحيت وسيب وبنربي ولده
ربيعه....انتي اخترتي طريق الفشل والاستسلام...اني في عمرك نقرا ونربي فييك ومرات نحطك عند الجيران ولا استسلمت وحاربوني فيك وخدوك مني وهربتك عند حناي يااما شبحت وشبحت لاكن تحملت وسكتت
انتي تحسي في روحك انضلمتي اني انضلمت اكثر منك....اني تزوجت شخص لا نحبه لا ايحبني...
أنت تقرأ
بقايا رماد
ChickLitبين احدات تمضي واخرى تعاد ...بين جيل راحل وجيل يأتي ....ناري تصبح رمااد وجمري يصبح هبااااء منثور ...واعيش بين رماد السنين وناار الالم.... قصة جديدة بعنوان بقايا رماد 1997 بقلمي انا الكاتبة جميلة جاسم
