#بقايا_رماد_الجزء_التاني
#جميلة_جاسم
ارجف كشجرة نست غصن في الشارع المجاور للبراكين ...
كالمطر علي سكك الرياح
كالفوانيس العارية
حين تتجذر مشانق ضباب في الهواء
ارجف ياصدفتي كلما تتشبتين
مثل نخلة في بساتين الغياب
ارجف فارجف
حتي ضننت انني قماش متعلق فوق غيمة....
...............
حطيت الصناديق علي بعضهم وضهري بينقسم من التعب شعور حقيير في عمر العشرين ومش لاقي شي تاكله مش لاقي حتي خبزة تتغدى بيها ...
كملت صناديق وصوت الدجاج داير ضجة في ودني تعودت عليها....نقزت من علي الشاحنة ..لوطى ...
نفضت دبشي من التراب ....وكلمت صاحب الشاحنة....
خلااص ياريس اطللع كملت تركيب...
مشيت للحاج مصطفي...صاحب الكبلوني في تاجورا نشتغل عنده من 2004 ...
الحاج مصطفي... بارك فيك ولدي وان شالله ديما ساترني ....شحطت عليهم الصناديق باهي ولا لا .
....شحطت بالحبال كويس وهما متسكرات ملييح توا يااعمي اني مروح نستاذن منك...
الحاج مصطفي....خود مصروفك اليوم وتوكل ولدي ربي يعاونك ويعطيك علي جهدك وانته راهو زي ولدي اني بوك وامك مش تقول يتيم اني ماعندي حد انته ولد هالحوازة هذي كلها
....ايبارك فيك عمي متقصرش مدلي خمسين جني معاش شهر كامل فرحت بييهم فرحه مش عارف كيف نتصرف...
مشيت لرئيسي خديت تاكسي ركبت وصاحب التاكسي مش عاجبة حوايجي مغبرة تراب...في باله مش دافع ولا مش عاطيه...شبحلي قالي
انته مصري عامل
ضحكت وقتله لا ياخال ليبي ولد بلاد غير متملح ومافيش ليبي يخدم عندنا النوم والراحه بس ...ومنضري ايبينلك انه اني مصري... لييبي
سكت معش رد عليا حطني في زنقتنا في الحارة نزلت مديتلا زوز جني ونزلت. ..
تمشيت لين وصلت للحارة لاقتني جارتنا الحاجه فتحية لابسة فراشيتها وطالعه ...
فتحية.... مرحبتين بضي زنقة السوق مرحبتين كيف حالك وحال واخيتك
.... الحمدلله عمتي فتحية ايبارك فيك ان شالله كويسين الزوز
فتحية...اليوم بنتي وبنتها جايين تعال تعرف اعليها ربي يهديك رااضية تعيش معاك وتعيش مع وخييتك غير قول باهي بس
.... بالله اعليك ياعمتي وجهي اني وجه زواج توا واحد في بيضا كحلا اجرتها قالي انته عاامل ...في 2010 وقعد متملح تبي بنت بنتك تتملح معاي
فتحية...تو ربك ايحلها وليدي وتعيش كيف ماتبي انته صغيير اني الي حارقني وخيتك تهجولت لا الراجل راضي يعطيها صغيويرتها ولا هيا تبي تولي..
علي قد ما نصحت فيها ماقالت باهي ولا قالت ايه ربي يفرحكم وليدي وقت علي بنيات بنتي بنمشي سلملي علي وخييتك وقلها عمتك فتحية...دايرة سمن بايدياتها بتجيبلك منه ولا تعالي الجبالية ووامها عندنا
أنت تقرأ
بقايا رماد
ChickLitبين احدات تمضي واخرى تعاد ...بين جيل راحل وجيل يأتي ....ناري تصبح رمااد وجمري يصبح هبااااء منثور ...واعيش بين رماد السنين وناار الالم.... قصة جديدة بعنوان بقايا رماد 1997 بقلمي انا الكاتبة جميلة جاسم
